1 Abhakorinto 9:1 - Eriiraghano Eriihë

¹ Ibheere, eni nteenyi huuru? Eni taanyi omotomu? Eni ntemorooche Omutëmi wiito Yesu? Wiiki emeremo ghino eni ꞉niiköriri taanyi nighyo ghebhaköriri inyu momokumi Omutëmi?

1 Abhakorinto 9:1 Referans Kwoze

Amaköri gha Bhatomu 9:17

Mbe, Ananiya aghaye, aghasöha mo‑nyumba iyo. Niho akamotoorera Sawuri amabhökö ighoro yaache, akamobhoorera, “Oo mohiiri waane Sawuri, Omutëmi nantomiri ghokoocho, kubha otore korighi wiiki na wiichöribhu Akörö Ahörëëru. Omutëmi uyo niwe Yesu uno akorweriire mo‑nchëra, eriibhagha ore oraacha hano.”

1 Timotewo 2:7

Gho ghayo, eni netooruru kubha omotomu no omuraghani o Ngʼana Anchömu e hëënë e Yesu Kirisito mo‑bhaato bha matöngö, nebhahirere amangʼana ghayo na nebheeghi ighoro e ngʼana ino e bhokumi ne e bhuhëënë. Amangʼana ghano neghosiikëra n‑gha hëënë, nteekobhangʼiina.

1 Abhakorinto 3:6

Eni nyeemiri chaatëtërë, Abhooro akahomeerera amanche, amare Eryobha niryo rekumëri na ghokori.

Amaköri gha Bhatomu 23:11

Orosiko ruyo ruyo obhotiko, Omutëmi akiimeerera rubhareka ro Bhawuro, akamobhoorera akabhugha, “Nwitoore omukörö! Kinya ꞉onduusiiri obhwibhateri hano Yerusareemu, hangʼu hangʼu nokwëndëru onduuseri obhwibhateri mo‑moghya o Ruumi woose.”

Amaköri gha Bhatomu 9:3

Mbe, Sawuri aghasëëma orughëndö rooche ghuye mo‑moghya o Tamaasiko. Hano are ˆaghatingʼi omoghya uyo, hayo hayo emirëngaari mihaari koru Mwishaaro ghekamurëngaari chambaara choose.

1 Abhakorinto 9:19

Eni nteenyi omusësë o mooto wowoose, huuru neenyi. Amare ꞉niitooriri kubha omusësë o bhaato bhoose, kubha nebhatoori abhaato bhaaru bhamokumi Kirisito.

2 Timotewo 1:11

Gho ghiri e Ngʼana Anchömu iyo, nyahwiru kubha omuraghani, no omotomu no omweghi.

Abhagharatiya 5:1

Kirisito natotooriri koru mo‑bhusësë kubha tubhe huuru inkongʼorimu. Gho ghayo, mwimeerere muköngʼiiri, motiishereri ghugharuka wiiki mo‑bhusësë bho meghiro.

2 Abhakorinto 6:1

Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.

Abharuumi 1:1

Anyaarubha ino neyandëkiri eni Bhawuro, omutamishi o Kirisito Yesu. Eni nebherekiiru nibhe omotomu waache, nyahwiru ne Eryobha nibhe neraraghani Angʼana yaache Anchömu.

Abhagharatiya 1:1

Anyaarubha ino neyandëkiri eni Bhawuro. Eni ntetomuru na abhaato hamu kuhatëku no omooto nyarebhe, amare ꞉neetomuru na Yesu Kirisito na Taata Waryobha uno amoryokiri Yesu koru mo‑bhaku.

1 Abhatesaronike 2:6

Wiiki totaare törëënda kubha abhaato bhatoghongi, koru inyu, koru na abhaato abhande bhoose. Mbe, gho kubha itu n‑abhatomu bha Kirisito toonyi, ntongatoriri kwënda ebheghiro nyarebhe koru ghokoonyu, amare totaaköriri hangʼu.

2 Abhakorinto 11:5

Eni nteekwirighi kubha m‑mosuuhu neenyi kwo bhayo bhakwirighi kubha, n‑abhatomu abhakoro.

1 Abhakorinto 1:1

Anyaarubha ino neyandëkiri eni Bhawuro, uno nebherekiiru kubha omotomu o Yesu Kirisito, kwo mënda gha Ryobha. Eni no omohiiri wiito mo‑bhokumi Sositene,

Abharuumi 11:13

Ibheere, neghosiikëra na niinyu, abhaato bha matöngö. Mahëënë Eryobha ndentomiri nibhe omotomu gho ghiri yaanyu. Nekwihachera emeremo ghino nihaabhuru kubha,

Abharuumi 1:5

Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

Amaköri gha Bhatomu 14:14

Hano abhatomu bhayo, Bharinaabha na Bhawuro bhooghwire ghayo, bhaghatandura amaghööti ghaabho. Bhaaghaye bharahe mo‑rikinda rino reere hayo, bhakabhabhoorera kwo riiraka ikoro bharabhugha,

Amaköri gha Bhatomu 14:4

Amare abhaato bha moghya uyo bhakaahukana amakinda abhere. Abhamu bhaghiishererani na Abhayahuuti, na abhande bhaakabha eribhaara re bhatomu.

Amaköri gha Bhatomu 13:2

Hano bhaare bharasëngëra Omutëmi na kwiyima ebhiinyakurë, Akörö Ahörëëru ekabhabhoorera ekabhugha, “Monyaahurere Bharinaabha na Sawuri mo‑meremo ghino nebhabherekeriire.”

Amaköri gha Bhatomu 9:15

Omutëmi akamobhoorera akabhugha, “Nooghi! Omooto uyo, nemwahwire abhe omutamishi waane, kubha ariraghani eriina reene kwo bhaato bha matöngö, na kwo bhatëmi bhaabho, koru na kwo Bhayahuuti abheene.

Amaköri gha Bhatomu 9:5

Sawuri akabhoori, “Oo Omutëmi, iye niiye we?” Akamugharokeri, “Eni neeni Yesu, uno iye okunyaaki.

1 Abhakorinto 10:29

Hano neghosiikëra kubha, “Gho ghiri e masëmö gha mo‑metema,” nteeghosiikëra ighoro e metema ghiito, amare ighoro e motema o mooto uno abhabhooriire, gho kubha ngwake nighëri obhohuuru bhoone bhoteneru ekiina no omotema o mooto owonde?

1 Abhakorinto 10:30

Aribha eni neekurë ekiinyakurë kiyo gho koriitabheri Eryobha, ngwake neteneru ekiina gho ghiri e kiinyakurë kino neritabhiiri Eryobha?

1 Abhakorinto 11:16

Amare aribha omooto akwënda ghoshangʼaana ighoro e mangʼana ghayo, na amënyë kubha itu totaanyi na asughara ayende ghokera iyo, koru mo‑makanisa gha Ryobha teenyi‑ho asughara ayende.

2 Abhakorinto 10:7

Mumööhërëri amangʼana ghano ghaanyi ambërë e miisho ghaanyu. Omooto wowoose uno akwirighi kubha iwe n‑o Kirisito, amënyë kubha itu bhoose n‑abhaato bha Kirisito toonyi, kinya iwe.