1 Abhakorinto 8:6 - Eriiraghano Eriihë

⁶ Amare ghokwito, ndeenyi‑ho Eryobha rimu hangʼu, niryo Taata, niryo ꞉riitëëmiri ebheghiro bhyose, itu ntokumanya gho ghiri yaache. Wiiki naanyi‑ho Omutëmi umu hangʼu, niwe Yesu Kirisito, ne ebheghiro bhyose ꞉mbiitëëmuru gho kohetera ghokooche, wiiki itu ntoonyi abhahöru kurëngʼaana nawe.

1 Abhakorinto 8:6 Referans Kwoze

Abharuumi 11:36

Eryobha niryo ꞉riitëëmiri ebheghiro bhyose. N‑kohetera ghokooche ebheghiro bhyose mbekwëndërëra kubha‑ho, ne ebheghiro bhyose mbeenyi‑ho gho ghiri e bhokumi bhooche obhokoro. Eryobha reghongibhu emiishe ghyose! Hawubhaabha.

Yohana 1:3

Eryobha ꞉ndiitëëmiri ebheghiro bhyose gho kohetera ghokooche, ghetaanyi‑ho koru egheghiro kimu kino ꞉ghiitëëmuru iwe ataanyi‑mu.

1 Abhakorinto 8:4

Ibheere ighoro e kurë ebhiinyakurë bhino bheruusiibhu amaruusi mo‑chasanaamu, ntweche kubha chasanaamu chino cheghusëngëru, taanyi egheghiro mo‑se muno. Wiiki ntweche kubha ndeenyi‑ho Eryobha rimu hangʼu.

Amaköri gha Bhatomu 17:28

Kwo bhotoro bhooche nibho bhoghughëri itu toonyi hano, ntoghughënda na kubha no obhuhöru bhwito. Kinya omwandëki umu o myembo ghate yaanyu, abhughiri, ‘Itu, n‑abhaana bhaache toonyi.’

Yohana 14:20

Eriibhagha riyo, inyu mokumënya kubha eni neenyi moose e Taata, na niinyu moonyi moose yaane, na neeni neenyi moose yaanyu.

1 Abhakorinto 12:3

Mbe, ˆnekabhabhoorera kubha omooto wowoose uno aghukangatu na Akörö e Ryobha taaghotora kobhugha kubha, “Yesu ihiimu.” Wiiki taaghotora kobhugha kubha, “Yesu n‑Omutëmi,” aribha atakangaturu na Akörö Ahörëëru.

Amaköri gha Bhatomu 2:36

Bheetero akamareereri gho kobhugha, “Gho ghayo, inyu na Abhiisiraeri bhoose mokwëndëru mumënyë obhuhëënë kubha, Eryobha ꞉ndeemuköriri Yesu, uno inyu ꞉moomumambiri mo‑musarabha, kubha Omutëmi na Kirisito.”

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

Yohana 13:13

Inyu mokomberekera eni kubha, ‘Omweghi,’ wiiki mokomberekera, ‘Omutëmi.’ Moghosiikëra gha hëënë, kubha eni n‑Omweghi, wiiki n‑Omutëmi, gho kubha hangʼu neenyi.

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 10:30

Eni na Taata m‑bhamu toonyi.”

Obhohunyurëru 1:18

Eni neeni obhuhöru! Neere nekuure amare ibheere, umööhi, muhöru neenyi koru emiishe ne emiishe! Wiiki eni neenyi na chahunguru che roko na nyaari.

Abhaebheeso 3:14

Gho ghayo, nekohighama ambërë e Taata Waryobha,

1 Abhakorinto 1:2

ntokobhakëëri inyu abhaato bha riikanisa re Ryobha bhano moonyi mo‑moghya o Korinto. Eryobha ndebhahwire gho nchëra e Kirisito Yesu na kobhabherekera mubhe abhaato bhaache. Ntokobhakëëri inyu haghirohamu na abhaato bhoose bha chambaara choose bhano bhakomusabha Yesu Kirisito, uno niwe Omutëmi waabho no Omutëmi wiito itu bhoose.

Amaköri gha Bhatomu 5:31

Rekamoghongi na komuha omweya gho komotoora eribhaara reeche re kwiro, abhe Omukangati no Omotoori. Eryobha ꞉ndiiköriri hangʼu kubha retukörë itu Abhiisiraeri totighe inkongʼorimu amasari ghiito, twabhëru.

Abhakorosaayi 1:6

Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

Abhaebheeso 1:3

Mbe, reghongibhu Eryobha, Taata o Mutëmi wiito Yesu Kirisito! Iryo niryo retoheere orubhango ro mo‑chaakörö ro manga maaru mo‑se ino etaakorighibhu gho nchëra e ghughöötana kwito na Kirisito.

1 Abhakorinto 6:13

Abhande ghate yaanyu mbakobhugha kubha, “Hano tookubha na anchëra ntokwëndëru kuraaghëra, gho kubha emebhere ghiito ngekwënda ebhiinyakurë.” Hangʼu keenyi, amare eriibhagha ndekuucha rino Eryobha reghugharura emebhere ghiito ghibhe ghetaakwënda ebhiinyakurë. Motabhugha kubha nturëngʼaaniire ghuköra obhutaari, kinya bhuno tokwëndëru kuraaghëra eriibhagha toonyi na anchëra. Nekobhugha hangʼu, gho kubha Eryobha retatëëmiri emebhere ghiito gho ghiri e bhutaari, amare ꞉ndeeghitëëmiri gho ghiri e komuhökëri Omutëmi, nawe Omutëmi naghoghetugha bhoheene emebhere ghiito.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

Yohana 1:10

Mbe, Angʼana neere‑ho mo‑se muno. Amare abhaato bha mo‑se bhatayimënyiri, koru nangabha Eryobha ꞉riitëëmiri ase gho kohetera ghokooche.