1 Abhakorinto 8:13 - Eriiraghano Eriihë

¹³ Gho ghayo, aribha ekiinyakurë kino neekurë, ngeghughëri omokumi omughëndi waane akörë amasari, nteekurë koru hasuuhu ekiinyakurë kenga kiyo, kubha netaacha ghuköra omokumi omughëndi waane akörë amasari.

1 Abhakorinto 8:13 Referans Kwoze

Abharuumi 14:21

Ngʼoni otighe kurë anyama, hamu kunyo adivaayi, hamu ghuköra ghyokyose kino gheghotora komuköra mughëndi waacho akörë amasari.

2 Abhakorinto 11:29

Aribha omokumi wowoose abhoriri changuru, na neeni nekwiyoghu kobhori changuru. Aribha omokumi wowoose bhamorumeeriri, na neeni nekunyahaarëka.

2 Abhakorinto 6:3

Totamuköriire omooto wowoose angʼana ino eghotora komuköra atukararere, kubha obhutamishi bhwito bhotaacha ghughambu kobhe.

1 Abhakorinto 13:5

Obhosiighi mbokomuköra omooto abhe arabhasooka abhande, na atabha ariihëëbhëra amangʼana ghaache agheene, hamu ghukarara bhwango, hamu ghotoora amangʼana amabhe ghano omooto aghuköriire mo‑motema waacho.

1 Abhakorinto 6:12

Abhaato abhande ghate yaanyu mbakobhugha kubha, “Ntwishereriiru ghuköra ebheghiro bhyose bhino tookwënda.” Amare eni nebhugha kubha, taanyi bhyose bhino bheenyi no obhwëra ghokwito. Wiiki mokobhugha kubha, “Ntwishereriiru ghuköra ebheghiro bhyose bhino tookwënda.” Amare eni nteekubha omusësë o ghyokyose.

1 Abhakorinto 10:33

Mubhe kinya bhuno eni neenyi. Neghwiköngʼi ghuchömëri abhaato bhoose kwo mangʼana ghoose ghano neghuköra. Taanyi kubha neghuköra hangʼu, kubha nibhönë obhwëra eni mwene, amare neghuköra hangʼu kubha abhaato bhaaru bhabhönë obhwëra gho kubhöna obhotoori.

1 Abhakorinto 9:12

Aribha abhande mbakurëngʼaanera kuhaabhu ebheghiro kinya bhiyo koru ghokoonyu, ibheere itu, totaakurëngʼaanera kuhaabhu ebheghiro bhiyo ghokera ibho? Amare itu tötëëndiri ghano turëngʼaaniire kuhaabhu na niinyu, amare ntoghumeriiri mo‑ghoose, kubha totaacha kobhahööchërëra abhaato ghokumi Angʼana Anchömu ighoro e Kirisito.

Mataayo 17:27

Amare totaacha kobhakarari abhaato bhano, nooghi mo‑nyancha uröbhi. Asu a yimbërë ino oghughööti, oyisënë mo‑monu, nokubhöna‑mu chambiiri, oghi orehe erighööti reene na re reecho.”

Amaköri gha Bhatomu 15:20

Ntokwëndëru tobhaandëkërë anyaarubha e kobhabhoorera kubha, bhatarë ebhiinyakurë bhino bhiköruru kubha bheghonchu gho kuhëërana chasanaamu, bhataköra obhutaari, na bhatarë chaanyama che chatyenyi chino chinyëëturu, wiiki bhatarë amasaahë.

Abharuumi 14:13

Gho ghayo, totighe ghotenerana ekiina. Twishererani ghotigha ghuköra ghyokyose kino gheghughëri omokumi mughëndi wiito oghu kobhe hamu ghuköra amasari.

1 Abhakorinto 10:32

Motanaaha omooto wowoose, bhabhe Abhayahuuti, hande abhaato bha matöngö, hamu eriikanisa re Ryobha.