1 Abhakorinto 7:35 - Eriiraghano Eriihë

³⁵ Neghosiikëra amangʼana ghayo kwo bhwëra bhoonyu, taanyi kubha nekwënda kobhahööchërëra. Nekwënda kubha mubhe moramanya kinya bhuno ekwëndëru, mubhe moramuhökëri Omutëmi kwo mukörö woose.

1 Abhakorinto 7:35 Referans Kwoze

1 Abhakorinto 7:36

Omooto wowoose uno akorighi kubha taanyi bhoheene atighe komokwira omuukë uno arwachiire obhuku, wiiki aribha aghokindu na amiigha gha mobhere, wiiki nakorighi kubha nekwëndëru bhakwirane, akörë kinya bhuno akwënda. Hayo taakubha aköriri eriisari.

Ruuka 8:14

“Chambusuru chino ꞉cheeghweriire ghate e maho, nchekwërëki abhaato bhano bhakooghu angʼana e Ryobha. Amare hano bhakwëndërëra, bhabhandereru na ahaho, no obhutabhari bho bhwame, na amasineenu gha moose ino. Ghayo ngaghughëri obhokumi bhoobho bhotaruusi amakorobhese amachömu.

Abhabhiribhi 4:8

Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

1 Abhakorinto 7:2

Amare gho ghiri e ghwisacha ghuköra obhutaari, omosubhe woose abhe no omukari waache omwene, wiiki omukari woose abhe no omosubhe waache omwene.

Ruuka 21:34

“Mubhe miisho, motaacha ghokeyu no obhohobhaaru, no obhurëëbhi, na anyaako e riimanya rino. Wiiki moraanga kubha miisho, orosiko runo ro ntenero ndokobhahikera bhwango na kobhataki!

Mataayo 19:12

Nekobhugha hangʼu gho kubha, abhande ꞉mbiibhwiru bhachigharu bhataaghokwira. Abhande bhataaghokwira gho kubha abhaato mbabhaturiri kubha bhatabha bhariibhora. Mbaanyi‑ho na abhande bhano bhataaghokwira gho ghiri e bhutëmi bho Mwishaaro. Omooto wowoose uno aghotora ghosongʼaana angʼana ino, na ayesongʼaane.”

Tiito 2:3

Bhuure bhuure abhaghiikoro abhakungu, obhabhoorere kubha bhabhe no orughëndö runo rokoreghongi Eryobha. Bhatabha abhitaamereri bha bhaato, na bhanyo bha maro, amare mbakwëndëru kweghi amangʼana amachömu.

Abhaebheeso 5:3

Ibheere inyu motaköra obhutaari, koru obhoghonchu bhobhoose bhuure hamu obhwighombi bho bheghiro, gho kubha amangʼana ghanga ghayo ghataakwëndëru mo‑bhaato abhatööbhiyu.

1 Abhakorinto 7:28

Amare aribha orakwira, tookubha uköriri amasari. No omuukë woose, aribha arakwiru, taakubha aköriri amasari. Amare bhayo bhaakubha bhakwiriine mbaakubha na anyaako mo‑riimanya re mo‑se ino, na neeni nengasiighiri anyaako iyo, etaacha kobhabhöna.

1 Timotewo 1:10

na kwo bhataari na kwo bhasubhe bhano bhakomisi na abhasubhe abhaghëndi bhaabho, na kwo bhano bhakobhuumara abhaato na kobhaghööta na kobhaghori kubha abhasësë, na abharöngö, na kwo bhano bhakuraheri kwo bhuröngö. Emeghiro ngetooruru kwo mangʼana ghoose ghano ghataakoghwana na ameeghi gha bhuhëënë.

Mataayo 22:15

Mbe, Amabharisaayo bhaghatanura hayo, bhaaghaye korwacha kinya bhakomughööti Yesu kwo mangʼana ghaache.