1 Abhakorinto 7:29 - Eriiraghano Eriihë

²⁹ Abhahiiri bhaane, nekwënda kobhugha kubha, eriibhagha n‑ighuhe reghasaagha, mbagha Kirisito agharuke. Korwera ibheere bhano bhakwiriri bhatighe kwihëëbhëra abhakari bhaabho okwene, amare bhakörë emeremo ghe Mutëmi.

1 Abhakorinto 7:29 Referans Kwoze

1 Yohana 2:17

Ase haghirohamu na amiigha ghaache amabhe, mbekoheta. Amare wowoose uno aghuköra amënda gha Ryobha, naakubha no obhuhöru bho miishe ghyose.

1 Abhakorinto 7:31

Abhaato bhano bhakunyaaka na amangʼana gha mo‑se ino, bhabhe kinya bhataakunyaakera bhobhe amangʼana ghayo, gho kubha ase ino kinya tokoyerighi ibheere, nekoheta.

1 Bheetero 4:7

Antenero e mangʼana ghoose ˆeghatingʼi. Gho ghayo, mubhe bhangʼiini na mwikabhaahe mo‑ghoose, kubha motore ghusabha.

1 Bheetero 1:24

Kinya Mandëkö Amatööbhiyu ghakobhugha, “Abhaato bhoose n‑kinya amanyaaki, no obhuchömu bhoobho n‑kinya ebhibhari bhe mo‑manyaaki. Amanyaaki ngahaanyaara ne ebhibhari mbehaagho,

1 Abhakorinto 7:28

Amare aribha orakwira, tookubha uköriri amasari. No omuukë woose, aribha arakwiru, taakubha aköriri amasari. Amare bhayo bhaakubha bhakwiriine mbaakubha na anyaako mo‑riimanya re mo‑se ino, na neeni nengasiighiri anyaako iyo, etaacha kobhabhöna.

1 Abhakorinto 7:30

Wiiki bhano bhakorera, bhabhe kinya bhano bhataakorera, na bhano bhaghuchömëru, bhabhe kinya bhano bhataaghuchömëru, na bhano bhaghoghora ebheghiro, bhabhe kinya bhano bhataghöötë egheghiro.

Ruuka 14:20

Wiiki owonde akabhugha, ‘Nekwiriri omukari, gho ghayo, nteeghotora kuucha.’