1 Abhakorinto 7:17 - Eriiraghano Eriihë

¹⁷ Omooto woose amanye kurëngʼaana na kinya Omutëmi amurëngiire, wiiki mumanye kinya bhuno mobherekiiru ne Eryobha. Hangʼu nibhu nekuraghereri mo‑makanisa ghoose.

1 Abhakorinto 7:17 Referans Kwoze

1 Abhakorinto 4:17

Gho ghayo nemotomiri Timotewo, omoona waane omosiighani mo‑bhokumi, uno anyi omuhëënë mo‑meremo ghe Mutëmi. Iwe nakobhahiiti ghano eni neghutambana mo‑bhughöötani bhoone na Kirisito, ghano nekweghi abhaato ahaghiro hoose mo‑makanisa ghoose.

1 Abhakorinto 7:24

Abhahiiri bhaane, omooto woose asaaghe ambërë e Ryobha, kinya bhuno Eryobha remobherekiire.

2 Abhakorinto 8:18

Tiito uyo, ntomotomiri no omohiiri wiito owonde uno abhaato bha makanisa ghoose bhakomoghongi gho ghiri e meremo gheeche ghe kuraghani Angʼana Anchömu.

2 Abhakorinto 11:28

Haghirohamu na ghayo ghoose, kira rosiko neghokeyu ne emeremo ghino nekwëndëru ghuköra gho ghiri e makanisa ghoose.

1 Abhakorinto 7:18

Aribha omooto abherekiiru ne Eryobha amariri ghusaaru, asaaghe hangʼu hangʼu. Wiiki, aribha omooto abherekiiru ne Eryobha akeere ghusaaru, asaaghe hangʼu hangʼu.

1 Abhakorinto 7:7

Nengasiighiri abhaato bhoose bhabhe kinya bhuno eni neenyi, amare taanyi hangʼu gho kubha omooto woose Eryobha ndemoheere ekihaano keeche, umu kino, no owonde kiire.

1 Abhakorinto 14:33

Neekubha hangʼu, kinya enyi mo‑makanisa ghoose gha bhaato bha Ryobha, gho kubha Eryobha riito retaanyi re nyööri, amare n‑de murëmbë.

Mataayo 19:12

Nekobhugha hangʼu gho kubha, abhande ꞉mbiibhwiru bhachigharu bhataaghokwira. Abhande bhataaghokwira gho kubha abhaato mbabhaturiri kubha bhatabha bhariibhora. Mbaanyi‑ho na abhande bhano bhataaghokwira gho ghiri e bhutëmi bho Mwishaaro. Omooto wowoose uno aghotora ghosongʼaana angʼana ino, na ayesongʼaane.”

1 Abhakorinto 16:1

Ibheere neghosiikëra ighoro e musörörö o kobhatoori abhakumi bha mo‑moghya o Yerusareemu. Inyu wiiki mukörë kinya bhuno nebhabhooriire abhaato bha makanisa gha mo‑mukööwa o Gharatiya.

1 Abhakorinto 10:32

Motanaaha omooto wowoose, bhabhe Abhayahuuti, hande abhaato bha matöngö, hamu eriikanisa re Ryobha.

1 Abhakorinto 11:16

Amare aribha omooto akwënda ghoshangʼaana ighoro e mangʼana ghayo, na amënyë kubha itu totaanyi na asughara ayende ghokera iyo, koru mo‑makanisa gha Ryobha teenyi‑ho asughara ayende.

1 Abhakorinto 11:34

Aribha omooto anyi na anchëra, araaghërë awaache, kubha ghwikomana koonyu ghotabhaköra moteneru ekiina. Amangʼana aghande ghano ghasaaghiri, neraacha neghoghatoora bhoheene.

Abhagharatiya 1:22

Eriibhagha riyo, eni nteere nimënyëkiine na Abhakirisito bha makanisa ghano ghaanyi mo‑mukööwa o Yuteya.

1 Abhatesaronike 2:14

Bhahiiri bhiito, ghaare ꞉ghaabhabhwine abhaato bhano bhamokumiri Kirisito Yesu mo‑makanisa gha Ryobha mo‑mukööwa o Yuteya, nigho ghayo ghayo ˆghakabhabhöna na niinyu. Abhaato bhaanyu mbabhanyaakiri, bhuure bhuure kinya ibho Abhayahuuti bhaghëndi bhaabho ꞉bhaabhanyaakiri.

2 Abhatesaronike 1:4

Gho ghayo, ntoghosiikëra gho ghesubhe subhe mo‑makanisa gha Ryobha gho ghiri e bhoghumereri no obhokumi bhoonyu bhuno moonyi nabho, mo‑nyaako yoose ino ekobhabhöna.