1 Abhakorinto 4:9 - Eriiraghano Eriihë

⁹ Amare neghwituuri kubha Eryobha ndetuköriri itu abhatomu kubha abhaato bha ghuchëëru ghokera bhoose. Ntonga kinya abhaato bhano bhateniiru ekiina ghwitu. Ntuköruru kubha abhaato bha ghusëku mo‑se, ambërë e bhamarayika na mo‑bhaato.

1 Abhakorinto 4:9 Referans Kwoze

Abheebhuraaniya 10:33

Eriibhagha nyarebhe abhaato mbaare bharabhatoka na kobhanyaaki haheero. Eriibhagha erende moore morabhatoori bhano ꞉bhaare bharanyaaka kinya inyu.

Abharuumi 8:36

N‑kinya bhuno Amandëkö Amatööbhiyu ghakobhugha kubha, “Chaasiko choose ntokorighani no oroko, gho kubha ntoghokuhökëri iye. Ntoghukörëru kinya changʼöndu chino chekohiru ghosinchu.”

Abheebhuraaniya 1:14

Gho ghayo marayika n‑gheghiro ke? Ibho n‑abhatamishi bha Ryobha, wiiki n‑chaakörö chino Eryobha rehaachetoma kobhahökëri bhaare bhaghotooribhu.

Abheebhuraaniya 11:36

Abhamu mbaare bharabhachëëra na kobhatëma ne emicharicho. Abhande mbaare bharabhabhöha ne eminyörörö na ghotooru mo‑maghërëcha.

1 Abhatesaronike 3:3

꞉Ntuuköriri hangʼu kubha omooto wowoose ataku omukörö gho ghiri e nyaako iyo. Inyu mweche kubha, ntokwëndëru kohetera nyaako iyo.

2 Abhakorinto 6:9

Ntokorighibhu ke bhano totamënyëkiine, amare mbatweche bhoheene. Ntokorighibhu ke bhano tokuure, amare m‑bhahöru toonyi! Nturöönuru chwee, amare totakuure.

Amaköri gha Bhatomu 19:31

Koru abhakangati abhamu bha se e Asiya bhano ꞉bhaare bhasaani bha Bhawuro, bhakamotomera abhaato bhamusasaame kubha atasöha mwibhancha re riibhina.

Amaköri gha Bhatomu 19:29

Omoghya woose o Ebheeso oghiichora anyööri. Abhaato bhayo bha Ebheeso bhakabhaghööta, Ghaayo na Arisitaariko abhiikari bha Maketoniya bhano ꞉bhaare bharaköra orughëndö haghirohamu na Bhawuro. Bhaghasöha nabho bhwango mwibhancha rino ꞉bhaare bharakörëra eriibhina.

1 Abhakorinto 15:19

Erabha amiitëngʼërö ghiito gho Kirisito n‑kwo riimanya rino eryene, hayo niho tookubha abhaato bha korigheru changori ghokera abhaato bhoose.

2 Abhakorinto 11:23

Ibheere nesiikërë kinya nechuuriri kubha, aribha ibho n‑abhatamishi bha Kirisito, eni n‑omutamishi o Kirisito ghokera ibho. Eni ꞉niiköngʼiri ghuköra emeremo miköngʼu chwee, mara kaaru nibhöhuru mwighërëcha, mara kaaru niröönuru chwee, wiiki neere mo‑bhobhe bho ghoku.