1 Abhakorinto 4:7 - Eriiraghano Eriihë

⁷ Ibheere, n‑niwe, uno aghuköriri kubha mokoro ghokera owonde? Taanyi Eryobha niryo rekoheere ebheghiro bhyose bhino onyi nabhyo? Aribha nuhaabhuru, ngwake okwihacha kinya bhuno tuhaabhuru?

1 Abhakorinto 4:7 Referans Kwoze

Yohana 3:27

Yohana akabhagharokeri akabhugha, “Omooto taaghotora kubhöna egheghiro ghyokyose, aribha Eryobha retamoheere.

1 Bheetero 4:10

Omooto woose nahaabhuru ekihaano keeche koru kwo Waryobha. Nekwëndëru ghokihökëri bhoheene gho ghiri e ghusakerani, kinya omwimeerereri omuhöriicho o ghareeya e Ryobha ino enyi e manga maaru.

Yakobho 1:17

Mumënyë egheghiro kyose eghichömu kino tokuhaabhu, ngekoru Mwishaaro kwo Ryobha omutëëmi o mirëngaari. Iryo retaaghotora ghwigharura kinya ekiriiri kehiigharura.

Abharuumi 12:6

Gho ghayo, ntoonyi ne ebhihaano haghare haghare, kinya bhuno Eryobha ꞉reetoheere gho ghareeya yaache. Omooto uno ahaabhuru ekihaano ghe koruusi obhurööti, ahökëri ekihaano kiyo kurëngʼaana no obhokumi bhooche.

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Ruuka 19:13

“Mbe, hano are akeere kobhooka, akabherekera abhasësë bhaache ikomi, akabhaha omooto woose ekirëngërë ghekoro ghe chambiiri, akabhabhoorera akabhugha, ‘Mukörërë obhosorocha chambiiri chino mbagha hano neghugharuka.’

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

1 Abhakorinto 7:7

Nengasiighiri abhaato bhoose bhabhe kinya bhuno eni neenyi, amare taanyi hangʼu gho kubha omooto woose Eryobha ndemoheere ekihaano keeche, umu kino, no owonde kiire.

Abharuumi 12:3

Ibheere, Kirisito naaheere aghareeya nibhe omotomu waache. Gho ghayo, ˆnekabhoorera omooto woose kubha, atiirighi kubha nakurëngʼaanera ghokera kebhuno anyi, amare abhe na amangʼiini. Amare mubhe moriirighi kubha, omooto woose nahaabhuru obhokumi bhuure bhuure ne Eryobha.

Abharuumi 1:5

Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

1 Abhakorinto 5:6

Obhwihachi bhoonyu bhotaanyi no obhwëra. Moteeche kubha eriisari rino n‑kinya ekimëra ghesuuhu kino kehaatöti anyongo yoose e bhotu?

1 Abhakorinto 3:5

Mbe, ibheere, Abhooro n‑niwe? Na neeni Bhawuro n‑niwe? Itu n‑abhatamishi bhano Eryobha retotomiri kobhatoori inyu momokumi Yesu Kirisito. Omooto woose naghuköra emeremo ghino ahaabhuru no Omutëmi.