1 Abhakorinto 4:15 - Eriiraghano Eriihë

¹⁵ Koru nangabha moonyi na abhaato bhaaru bhano bhakobharëra mo‑riimanya reenyu re Ghekirisito, iso n‑umu. Eni neeni iso gho Kirisito Yesu, gho kubha n‑eni ꞉neebharaghaniiri Angʼana Anchömu.

1 Abhakorinto 4:15 Referans Kwoze

Abhagharatiya 4:19

Abhaana bhaane, rino n‑eriibhagha erende wiiki ghokoone kooghu obhororo gho ghiri yaanyu, kinya bhuno obhosongo bhohaamure omukari uno anyi inda, eriibhagha re kwibhora. Nekwiyoghu hangʼu hangʼu, mbagha atëëmö e Kirisito erighibhu mo‑tëëmö yaanyu.

1 Abhakorinto 3:10

Gho ghareeya ino Eryobha reheere, eni nyabhëkiri obhoroso kinya omwabhëki omukaari na uno anyi na amangʼiini, no omooto owonde nakwabhëka ighoro e bhoroso bhuyo. Amare ibheere, omooto woose amööhërëri bhoheene, kebhuno akwabhëka ighoro e bhoroso bhuyo,

1 Abhakorinto 9:23

Neghuköra ghayo ghoose gho ghiri e Ngʼana Anchömu kubha nisange na abhande mo‑rubhango rooche.

1 Abhakorinto 9:14

Wiiki Omutëmi Yesu ꞉naahatëkiri hangʼu hangʼu, kubha, bhano bhakuraghani Angʼana Anchömu, bhabhe bharabhöna amënda ghaabho kurëngʼaana ne emeremo ghiyo.

1 Bheetero 1:23

gho kubha mwibhwiru mara e kabhere. Kwibhoru kuyo, ghotarweriire mo‑bhiiso bhano bhaghotora ghoku, amare inyu mwibhwiru kwo ngʼana e Ryobha ino enyi ihöru na neekubha‑ho emiishe ghyose.

Yakobho 1:18

Gho kwënda kooche eryene, ndetuköriri tubhe abhaana bhaache, gho nchëra e ngʼana yaache e hëënë, kubha tubhe a bhambërë mo‑bhyose bhino ꞉riitëëmiri.

Bhiremooni 1:19

Eni Bhawuro, nyandëkiri gho kubhökö koone eni mwene, neghokoreha. Haghirohamu na ghayo nteekwënda ghokohiiti kubha, noonyi na asiire yaane, gho kubha eni nekuraghaniiri Angʼana Anchömu, iye oghatooribhu.

Tiito 1:4

ˆNeghakwandëkëra iye Tiito, omoona waane o muhëënë mo‑bhokumi bhuno tusangiri haghirohamu. Neghokwëndëra aghareeya no omurëmbë koru kwo Waryobha Taata na gho Kirisito Yesu Omotoori wiito, ghibhe haghirohamu na niiye.

2 Timotewo 4:3

ˆNeghakobhoorera hangʼu, gho kubha ndekuucha eriibhagha rino abhaato bhataakubha bharatëghëërëra ameeghi gha bhuhëënë. Mbakwënda ghutambana amiigha ghaabho abheene, na gho ghayo mbakwiyaahurera abheeghi bhaaru gho kubha mbasiighiri ghutëghëërëra amangʼana aghande ghande amahë.

1 Abhakorinto 9:18

Ibheere atuho yaane n‑ghento ke? Atuho yaane n‑kuraghani Angʼana Anchömu taanyi korehu, taanyi ghusabha ghano nirëngʼaaniire kuhaabhu gho ghiri e kuraghani angʼana iyo.

1 Abhakorinto 9:12

Aribha abhande mbakurëngʼaanera kuhaabhu ebheghiro kinya bhiyo koru ghokoonyu, ibheere itu, totaakurëngʼaanera kuhaabhu ebheghiro bhiyo ghokera ibho? Amare itu tötëëndiri ghano turëngʼaaniire kuhaabhu na niinyu, amare ntoghumeriiri mo‑ghoose, kubha totaacha kobhahööchërëra abhaato ghokumi Angʼana Anchömu ighoro e Kirisito.

1 Abhakorinto 3:6

Eni nyeemiri chaatëtërë, Abhooro akahomeerera amanche, amare Eryobha niryo rekumëri na ghokori.

Abharuumi 15:20

Mo‑ghayo ghoose, neghwiköngʼi kuraghani Angʼana Anchömu ahaghiro hano abhaato bhataamara bharaghaneru angʼana ighoro e Kirisito. Neghuköra hangʼu, kubha netagharukera ghusëëmi emeremo obhuhë ahaghiro hano omooto owonde amariri ghuköra.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

1 Abhakorinto 3:8

Uno akwemi na uno akohomeerera bhoose mbarëngʼiine, Eryobha ndekomuha omooto woose atuho yaache, kurëngʼaana na kinya bhuno aköriri emeremo gheeche.

1 Abhakorinto 9:16

Eni nteekurëngʼaanera kwihacha gho ghiri e kuraghani Angʼana Anchömu, gho kubha emeremo ghiyo nighyo niragheriiru ghuköra. Wiiki horeera nekorighi eni aribha neraanga kuraghani Angʼana iyo Anchömu.

1 Abhakorinto 15:1

Ibheere, abhahiiri bhaane, nekobhahiiti Angʼana Anchömu ino ꞉niiraghiini ghokoonyu, na niinyu mokayesongʼaana. Iyo niyo ekobhaköra mwimeerere muköngʼiiri.

2 Abhakorinto 4:5

Itu totaakuraghani amangʼana ghiito, amare ntokuraghani kubha Kirisito Yesu niwe Omutëmi, na niitu n‑abhatamishi bhaanyu toonyi gho ghiri yaache.

Abhagharatiya 3:24

Emeghiro ngeere gheratukangata kinya omurëri wiito, mbagha eriibhagha rino Kirisito ichiri. Gho ghayo, gho komokumi Kirisito okwene, ntokubharu kubha abhaato abhahëënë ambërë e Ryobha.

Abhagharatiya 3:25

Amare ibheere, obhokumi ighoro e Yesu Kirisito mbumariri kohika, gho ghayo, totaanyi wiiki haase e meghiro, ghino gheere gheraturëra.