1 Abhakorinto 4:1 - Eriiraghano Eriihë

¹ Abhaato bhatubhare kubha itu n‑abhatamishi bha Kirisito toonyi, ntuhaabhuru emeremo ghe kuraghani angʼana e Ryobha ino ere ebhisuru.

1 Abhakorinto 4:1 Referans Kwoze

1 Bheetero 4:10

Omooto woose nahaabhuru ekihaano keeche koru kwo Waryobha. Nekwëndëru ghokihökëri bhoheene gho ghiri e ghusakerani, kinya omwimeerereri omuhöriicho o ghareeya e Ryobha ino enyi e manga maaru.

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

1 Timotewo 3:9

Amare, bhabhe abhaato bhano bhaghughöötërëra obhuhëënë bho bhokumi bhwito bhuno Eryobha retohunyuriire kwo motema omuchömu.

2 Abhakorinto 4:5

Itu totaakuraghani amangʼana ghiito, amare ntokuraghani kubha Kirisito Yesu niwe Omutëmi, na niitu n‑abhatamishi bhaanyu toonyi gho ghiri yaache.

Abhaebheeso 6:19

Mubhe moransabhera na neeni kubha, Eryobha ribhe reraaha amangʼana gha ghosiikëra, hano neekubha neraraghani ighoro e Yesu Kirisito, kubha nibhe neraraghani kwo bhosubhesubhe obhuhëënë bhuno Eryobha rehunywire mo‑Ngʼana Anchömu.

Abhakorosaayi 2:2

Kino nekwënda n‑kubha, motooru omukörö na ghutëmëëranibhu mo‑bhosiighi. Nekwënda mubhönë obhumënyi bhoose bhuno bhokobhaha obhuhëënë. Hayo mokumënya ekebhisere ke Ryobha, nikyo Kirisito omwene.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

Abhakorosaayi 4:3

Motusabhere na niitu kubha Eryobha retukörërë anchëra e kuraghani angʼana yaache, na ghosiikëra amangʼana ighoro e Kirisito ghano ꞉ghaare mo‑kebhisere. Eni nibhöhuru gho ghiri e kuraghani amangʼana ghayo.

Abhaebheeso 1:9

Iryo ndehikeriini ghaare reere kwënda gho nchëra e Yesu Kirisito. ꞉Ndiiköriri hangʼu gho kubha, nibhu ꞉reesiighiri retumënyi amangʼana ghaache ghano reere rebhisiri.

2 Abhakorinto 12:6

Koru nengabheere nërëënda kwihacha, ntengabheere muraghaanu, gho kubha nengabheere nerasiikëra gha mahëënë. Amare nekwihööchërëra kwihacha, kubha omooto wowoose ataacha kondighi kubha, nirëngʼaaniire ghokera bhuno bhakondighi na kooghu koru ghokoone.

2 Abhakorinto 11:23

Ibheere nesiikërë kinya nechuuriri kubha, aribha ibho n‑abhatamishi bha Kirisito, eni n‑omutamishi o Kirisito ghokera ibho. Eni ꞉niiköngʼiri ghuköra emeremo miköngʼu chwee, mara kaaru nibhöhuru mwighërëcha, mara kaaru niröönuru chwee, wiiki neere mo‑bhobhe bho ghoku.

Ruuka 12:42

Omutëmi akamugharokeri akabhugha, “Mbe, n‑niwe omusësë omuhëënë wiiki uno anyi na amangʼiini? N‑omusësë uno omutëmi waache akomotoora kubha omwimeerereri o bhatamishi abhande mo‑ka yaache, kubha abhe arabhaha ebhiinyakurë kwo riibhagha rino rirëngʼaaniire.

Mataayo 24:45

Yesu akabhabhoori abhaanabheegha bhaache akabhugha, “Mbe, n‑niwe omusësë omuhëënë wiiki uno anyi na amangʼiini? N‑omusësë uno omutëmi waache amotooriri kubha omwimeerereri o bhasësë abhande mo‑ka yaache, kubha abhe arabhaha ebhiinyakurë kwo riibhagha rino rirëngʼaaniire.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

1 Timotewo 3:6

Wiiki, atabha omooto uno atooriibhu ghano matiko, ataacha kwihacha. Kwihacha kuyo ngokomuköra ateneru ekiina kinya Erishambu ꞉reeteniiru ekiina.

2 Abhakorinto 6:4

Amare mo‑ghoose, ntokwërëki kubha itu n‑abhatamishi bha Ryobha toonyi. Ntokwërëki riyo gho nchëra e ghoghumereri chwee mo‑nyaako, na mo‑nyööri na mo‑mangʼana amaköngʼu.

1 Abhakorinto 4:13

Hano bhaghotughamba kobhe, ntokobhagharokeri bhoheene. Koru ibheere, ntuköruru kinya abhuusa e se, na m‑bhaghonchu toonyi kwo mooto woose.

1 Abhakorinto 3:5

Mbe, ibheere, Abhooro n‑niwe? Na neeni Bhawuro n‑niwe? Itu n‑abhatamishi bhano Eryobha retotomiri kobhatoori inyu momokumi Yesu Kirisito. Omooto woose naghuköra emeremo ghino ahaabhuru no Omutëmi.

1 Abhakorinto 2:7

Amangʼiini ghano tokuraghani n‑gha kebhisere ke Ryobha. Amangʼiini ghayo n‑obhorwachi bho Ryobha bhuno bhoore bhobhisuru mo‑bhaato. Eriibhagha Eryobha reere rekeere ghutëëma ase, ꞉ndyëëndiri kuhökëri amangʼiini ghayo, kubha retughöötani mo‑bhokumi bhooche obhokoro.

Maariko 4:11

Akabhagharokeri akabhugha, “Eryobha ndebhahunyuriire inyu kumënya ekebhisere ke bhutëmi bhooche. Amare abhaato bhano bhataaghuntambana, nekobhabhoorera ghoose kwo bhetuubhaani,

Mataayo 13:11

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bho Mwishaaro, amare ibho bhakeere kumënya ghayo,

Ruuka 8:10

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bhooche. Amare kwo bhande neghosiikëra kwo bhetuubhaani gho ghiri, ‘Bhamööhërëri, amare bhatarighi, bhatëghëërërë, amare bhatamënya.’

Ruuka 1:2

Amangʼana ghayo, ꞉mbaaghaandëkiri kinya ꞉toobhooriiru na abhaato bhaare bhagharooche korwera simoka e meremo ghe Yesu. Wiiki nibho ꞉bhaare bharasanchi angʼana e Ryobha.

Abharuumi 11:25

Abhahiiri bhaane, nekwënda mumënyë ighoro e obhorwachi bho Ryobha bhuno bhoore bhobhisuru korwera kare, kubha motaacha ghwitëngʼëra obhongo bhoonyu inyu bheene. Abhiisiraeri abhamu mbaakubha ne emetema miköngʼu, mbagha hano omubharo o bhaato bha matöngö bhano Eryobha rekwënda ohikeerane.

1 Abhakorinto 4:2

Ibheere, omooto uno ahaabhuru emeremo, nakwëndëru abhe omuhëënë.