1 Abhakorinto 3:21 - Eriiraghano Eriihë

²¹ Ibheere omooto wowoose atiihacha gho kubha iwe n‑omughëndi o omooto nyarebhe, gho kubha itu bhoose Eryobha ndetotooriri kobhatoori inyu,

1 Abhakorinto 3:21 Referans Kwoze

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

1 Abhakorinto 4:6

Abhahiiri bhaane, nebhughiri amangʼana ghayo ghoose ighoro yaane na Abhooro, kubha tubhe eghetuubhaani gho ghiri yaanyu. Kurëngʼaana ne eghetuubhaani kiyo, mumënyë ghano ghaghughambu mo‑kirëngi kino, “Motakera ghano ghaandëkuru mo‑Mandëkö Amatööbhiyu.” Aribha moraghööta ekirëngi kiyo, taakubha‑ho omooto wowoose uno akwihachera omooto umu na komutaraaha owonde.

Abharuumi 8:28

Ntweche kubha, mo‑ghoose Eryobha ndehaabhakörëra amachömu abhaato bhoose bhano bharesiighiri, bhano rebhabherekiire kurëngʼaana na amënda ghaache.

Obhohunyurëru 21:7

Wowoose uno aghokinda amasaki, nekomuha ghayo ghoose. Eni neekubha Eryobha reeche, iwe niwe akubha omoona waane.

Abharuumi 4:13

Eryobha ꞉ndiiraghiri Abhurahamu na abhaato bha rwibhoro rooche kubha, ndengabhaheere ase yoose ibhe aghabho yaabho. Eryobha retaaraghiri hangʼu gho kubha Abhurahamu naare ahikeriini ghano emeghiro ghekwënda, amare n‑gho kubha naare ararekumi Eryobha. Niho Eryobha rekamubharera Abhurahamu kubha naanyi no obhuhëënë ambërë yaache.

2 Abhakorinto 4:5

Itu totaakuraghani amangʼana ghiito, amare ntokuraghani kubha Kirisito Yesu niwe Omutëmi, na niitu n‑abhatamishi bhaanyu toonyi gho ghiri yaache.

2 Abhakorinto 4:15

Ibheere amangʼana ghoose ghano ghaghotubhöna, ngaghotubhöna gho ghiri yaanyu, kubha aghareeya e Ryobha ebhahikere abhaato bhaaru chwee, kubha abhaato bhëëngërë koriitabheri Eryobha. Kurëngʼaana na ghayo, Eryobha ndekwëndërëra ghoghongibhu.

2 Abhakorinto 6:10

Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.