1 Abhakorinto 2:6 - Eriiraghano Eriihë

⁶ Amare itu, ntoghosiikëra amangʼana gha mangʼiini mo‑bhaato bhano bhaköngʼiri mo‑bhokumi, amare amangʼiini ghayo ghataanyi gha se ino, wiiki ghataanyi gha bhakangati bha se ino bhano bhaakoru‑ho.

1 Abhakorinto 2:6 Referans Kwoze

Abheebhuraaniya 5:14

Amare abhantomonkoro mbahaaraaghëra ebhiinyakurë ebhiköngʼu, ibho mbeeghiri na mbanariri kwahukani amachömu na amabhe.

Yakobho 3:15

Amangʼiini ghanga ghayo, ghataakoru kwo Waryobha, amare n‑amangʼiini amabhe ghano ghakorwera mo‑se, na mo‑chaasughara che bhaato na mo‑Rishambu.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

1 Abhakorinto 2:8

Taanyi‑ho koru umu mo‑bhakangati bha se ino uno amënyiri amangʼiini ghayo, gho kubha mbangabheere bhaghamënyiri, bhatangamumambiri mo‑musarabha Omutëmi o bhokumi obhokoro.

1 Abhakorinto 1:28

Wiiki Eryobha ndyahwire amangʼana ghano abhaato bhano bhakorighi kubha ghataanyi na asooko, na gha ghutaraahu, na ghano ghatanchakiine, kubha asari amangʼana ghano abhaato bhano bhakorighi kubha nganchakiine.

Abhakorosaayi 4:12

Ebhaabhura, omutamishi o Yesu Kirisito, no omooto o bhowaanyu, nakobhakëëri. Eriibhagha ryaru naghwiköngʼi kobhasabhera inyu kubha muköngʼëri, na muköngʼë mo‑chaakörö na kubha bhasubhesubhe gho ghoose ghano Eryobha rekwënda.

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

Yakobho 3:2

Kwo bhuhëënë, itu bhoose ntohaataasi gho chanchëra haghare haghare. Aribha omooto wowoose ataaghutaasi gho ghosiikëra kooche, iwe n‑omooto uno anchakiine, iwe naghotora kowuhööchërëra omobhere waache woose.

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

1 Abhakorinto 14:20

Abhahiiri bhaane, motiihëëbha kinya abhaana, amare mubhe moriihëëbha kinya abhantomonkoro. Amare ighoro e mabhe, mubhe kinya ebhengʼwerere.

1 Abhakorinto 2:13

Wiiki totaaghosiikëra amangʼana ghano tweghuru na amangʼiini gha bhaato, amare ntoghosiikëra ghano tweghuru na Akörö e Ryobha. Ntokobhabhoorera amangʼana gha Körö e Ryobha abhaato bhano bhaanyi na Akörö iyo.

1 Abhakorinto 2:1

Bhahiiri bhaane, hano niichiri bhowaanyu kobharaghaneri ighoro e kebhisere ke Ryobha, ntesiikiire amangʼana kwo bhuchömu hamu kwo mangʼiini ghaane.

Ruuka 16:8

“Achekumara, omwame akamoghongi omwimeereri uyo ataanyi omuhëënë kwo bhongʼiini bhooche. ˆNekabhabhoorera ghayo gho kubha, abhaato bha ase ino mbaanyi no obhongʼiini chwee, gho kobhihökëri ebheghiro bheebho abheene kwo bheene, ghokera abhaato bha bhwero.

Mataayo 19:21

Yesu akamobhoorera akabhugha, “Aribha okwënda kubha omuhëënë, nooghi oghori ebheghiro bhyose bhino onyi nabhyo, chambiiri chiyo okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Mataayo 13:22

Chambusuro chino ꞉cheeghweriire mo‑maho, nchetuubhiine no omooto uno akooghu angʼana e bhutëmi bho Ryobha, amare naghwituuri chwee ighoro e mangʼana gha riimanya rino no obhwighombi bho bhwame. Ghayo ngahabhandereri angʼana, nayo ekindu ghuköra emeremo.

1 Abhakorinto 3:1

Bhahiiri bhaane, eriibhagha rino neere bhowaanyu ntesiikiire na niinyu kinya abhaato bhano bhaghukangatu na Akörö Ahörëëru. Amare nesiikiire na niinyu kinya abhaato bhano bhaghukangatu na simoka yaanyu e masari, wiiki kinya ebhengʼwerere mo‑bhokumi bhoonyu na Kirisito.

1 Abhakorinto 12:8

Akörö nekomuha omooto umu angʼana e mangʼiini, no owonde nekomuha angʼana e bhumënyi. Akörö iyo iyo nekoruusi ebhihaano kinya ekwënda.

2 Abhakorinto 4:3

Amare aribha Angʼana Anchömu ino tokuraghani nihööchëriiru etamënyu, neekubha ihööchëriiru kwo bhano bhakorumeera.

Abhakorosaayi 1:28

Iwe Kirisito niwe tokuraghani amangʼana ghaache, ntokobhashaangʼi na kobheeghi abhaato bhoose kwo mangʼiini ghoose, kubha tobharëëtë bhoose ambërë e Ryobha bhaköngʼiri gho ghughöötana koobho na Kirisito.

Abheebhuraaniya 6:1

Gho ghiri iyo, totabha törëëndërëra ghusaagha mo‑ghaare tweghiri ighoro Kirisito hayo ekimbërë, amare twiköngʼi kwegha mbagha tuköngʼëri mo‑bhokumi. Totaabhëka wiiki obhoroso bho meeghi gha ghotuukuuna ighoro e maköri ghano ghaghughëri oroko na ghaare gha korekumi Eryobha.