1 Abhakorinto 2:12 - Eriiraghano Eriihë

¹² Eryobha ndetoheere itu Akörö yaache, kubha toghamënyë ghano tuhaabhuru gho ghareeya yaache. Mbe, totaakwihëëbha kinya bhuno abhaato bha mo‑se bhakwihëëbha.

1 Abhakorinto 2:12 Referans Kwoze

1 Yohana 2:27

Inyu motakongʼiinu, gho kubha Kirisito nabhaheere Akörö Ahörëëru, ino eghwikara moose yaanyu. Iyo niyo ekobheeghi ghoose, ameeghi ghaache n‑gha mahëënë, ghataanyi gha bhuröngö. Gho ghayo, teekwëndëru kubha omooto abheeghi. Kinya bhuure Akörö ebheeghiri, ibheere mwëndërërë kubha no obhumu na Kirisito.

1 Yohana 2:20

Amare inyu, Omutööbhiyu Yesu nabhaheere Akörö yaache, ibheere inyu bhoose mweche obhuhëënë.

Abharuumi 8:1

Mbe, ibheere Eryobha retaakobharööna abhaato bhano bhaghöötiine na Kirisito Yesu.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Yakobho 4:5

Mbe! Motiituuri kubha yandëkuru bhoowa mo‑Mandëkö Amatööbhiyu kubha, “Akörö ino Eryobha retoheere neghotwighomba chwee.”

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

Obhohunyurëru 22:6

Akamara marayika uyo akamboorera akabhugha, “Amangʼana ghano n‑gha mahëënë na gha bhuhëënë. Omutëmi Waryobha uno akobhaha abharööti Akörö yaache, iwe ꞉naatomiri marayika waache kwërëki abhatamishi bhaache amangʼana ghano ghakwëndëru gharwere ghano matiko.”

1 Abhakorinto 3:22

ibhe neeni Bhawuro, abhe n‑Abhooro, hamu Keebha. Wiiki Eryobha ndebhaheere ebheghiro bhyose kobhatoori, bhibhe bhe hano mo‑se, hamu obhuhöru, hamu oroko, bhibhe bhino bheenyi‑ho ibheere, hamu bhino bheekubha‑ho, bhyose m‑bhebheenyu.

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

1 Abhakorinto 2:6

Amare itu, ntoghosiikëra amangʼana gha mangʼiini mo‑bhaato bhano bhaköngʼiri mo‑bhokumi, amare amangʼiini ghayo ghataanyi gha se ino, wiiki ghataanyi gha bhakangati bha se ino bhano bhaakoru‑ho.

1 Abhakorinto 1:27

Amare Eryobha ndeghahwire amangʼana ghano ghakorighibhu n‑gha ghighëëghë kwo bhaato bhano bhataryeche, kubha rebhasooki bhano bhaanyi na amangʼiini. Wiiki Eryobha rekaahura amangʼana ghano abhaato bhano bhakorighi kubha ghataanyi ni inguru, kubha rebhasooki bha changuru.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.