1 Abhakorinto 2:1 - Eriiraghano Eriihë

¹ Bhahiiri bhaane, hano niichiri bhowaanyu kobharaghaneri ighoro e kebhisere ke Ryobha, ntesiikiire amangʼana kwo bhuchömu hamu kwo mangʼiini ghaane.

1 Abhakorinto 2:1 Referans Kwoze

1 Abhakorinto 1:17

Kirisito tantomiri eni kubhatiisa abhaato, amare nantomiri kuraghani Angʼana Anchömu. Tantomiri kuraghani gho ghwitëngʼëra amangʼiini ghaane gha ghosiikëra bhoheene, kubha oroko ro Kirisito mo‑musarabha rotabhori changuru cheeche.

1 Abhakorinto 2:13

Wiiki totaaghosiikëra amangʼana ghano tweghuru na amangʼiini gha bhaato, amare ntoghosiikëra ghano tweghuru na Akörö e Ryobha. Ntokobhabhoorera amangʼana gha Körö e Ryobha abhaato bhano bhaanyi na Akörö iyo.

1 Abhakorinto 2:4

Eriibhagha neere ndeeghi na kuraghani, ntesiikiire kwo mangʼiini ghaane, kubha nebhatebhitebhi abhaato gho kubha na amangʼiini, amare changuru che Körö Ahörëëru ꞉nchëërëkiri obhuhëënë.

2 Timotewo 1:8

Mbe, otarighi chaasoni ghughambera angʼana ighoro e Mutëmi wiito Yesu Kirisito, hamu korighi chaasoni gho kubha eni neenyi mo‑kibhöhö gho ghiri yaache. Amare, oghumereri mo‑nyaako haghirohamu na neeni, gho ghiri e Ngʼana Anchömu, kurëngʼaana na changuru chino okuhaabhu ne Eryobha.

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

2 Abhakorinto 11:6

Koru nangabha nekorighibhu kubha ntyeche ghosiikëra bhoheene, obhumënyi bhoone m‑bhokoro. Ntwërëkiri riyo ghokoonyu eriibhagha ryose na ahaghiro hoose.

Obhohunyurëru 1:2

Yohana aghasiikëra amangʼana ghoose ghano ꞉arooche. Ghayo nigho Eryobha ꞉reesiikiire na Yesu Kirisito aghaghasiikërëra.

1 Yohana 4:14

Itu ntorooche na ntokobhabhoorera obhuhëënë kubha, Taata Waryobha ꞉naamotomiri Omoona waache mo‑se ino, kubha abhe Omotoori o bhaato bhoose.

2 Abhatesaronike 1:10

Kuröönu kuyo ngookubha orosiko ruure Omutëmi akuucha kuhaabhu obhokumi obhokoro na asooko koru mo‑bhaato bhaache abhatööbhiyu bhano bhamokumiri. Inyu bhoose mookubha haghirohamu nabho, gho kubha mokumiri angʼana ino ꞉toobharaghaniiri.

1 Abhakorinto 1:6

Ghano ngakwërëki kubha amangʼana ghano tobharaghaniiri ighoro e Kirisito n‑gha hëënë.

Amaköri gha Bhatomu 22:18

Mo‑marighi ghayo, nekarighi Omutëmi aramboorera arabhugha, ‘Ukörë bhwango oru Yerusareemu, gho kubha obhwibhateri bhuno okubha oraruusi ighoro yaane, abhaato bha moghya uno bhataakobhokumi.’

Amaköri gha Bhatomu 20:21

Neere nerabhabhoorera Abhayahuuti haghirohamu na abhaato bha matöngö kubha bhatuukuunere amasari ghaabho kwo Waryobha, wiiki bhamokumi Omutëmi wiito Yesu Kirisito.

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

1 Timotewo 1:11

Ameeghi ghayo gha hëënë ngahaabhönëka mo‑Ngʼana Anchömu, ino ekwërëki obhokumi obhokoro bho Ryobha rino reghoghongibhu. Angʼana iyo niyo ꞉niihaabhuru ne Eryobha neyiraghani.

2 Abhakorinto 10:10

Neghosiikëra hangʼu, gho kubha abhande mbakobhugha, “Chanyaarubha che Bhawuro ncheenyi na amangʼana mahaari, wiiki ncheenyi na amangʼana amaköngʼu. Amare eriibhagha anyi haghirohamu na niitu abha ataanyi ni inguru, wiiki amangʼana ghaache ghano aghosiikëra ghabha ghataanyi na gheghiro.”

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

1 Abhakorinto 2:7

Amangʼiini ghano tokuraghani n‑gha kebhisere ke Ryobha. Amangʼiini ghayo n‑obhorwachi bho Ryobha bhuno bhoore bhobhisuru mo‑bhaato. Eriibhagha Eryobha reere rekeere ghutëëma ase, ꞉ndyëëndiri kuhökëri amangʼiini ghayo, kubha retughöötani mo‑bhokumi bhooche obhokoro.