1 Abhakorinto 16:2 - Eriiraghano Eriihë

² Chaasiko choose che Chumabhiiri, omooto woose ghate yaanyu abhe aratoora amamba kurëngʼaana na kebhuno akubhöna, kubha eriibhagha rino nekuucha bhowaanyu, mubhe mumariri ghokoma emisörörö.

1 Abhakorinto 16:2 Referans Kwoze

Amaköri gha Bhatomu 20:7

Orosiko ro Chumabhiiri, toghiikomana, gho ghiri tosuure omughaate haghirohamu. Eriibhagha riyo Bhawuro aghasëëma ghosiikëra angʼana e Ryobha na abhaato, mbagha obhotiko bho ghate, gho kubha naare ariitëngʼëra atanure atabhoori yaache.

Ruuka 16:10

“Omooto woose uno anyi muhëënë kwo mangʼana masuuhu, niwe akubha omuhëënë koru kwo mangʼana amakoro. Hangʼu hangʼu, omooto woose uno ataanyi muhëënë kwo mangʼana masuuhu, wiiki taakubha muhëënë koru kwo mangʼana amakoro.

Obhohunyurëru 1:10

Orosiko ro Mutëmi Yesu, Akörö Ahörëëru ekanyiikera. Hayo hayo nekooghu anyuma yaane eriiraka ikoro kinya re ntaara.

Yohana 20:19

Ekabha omughörööbha orosiko ruyo ruyo o rumbërë, abhaanabheegha bha Yesu mbaare bhiikomiine mo‑nyumba imu na ghwighara charwighe gho kubha mbaare bharabhatiina abhakangati bha Bhayahuuti. Yesu akaacha akiimeerera ghateghate yaabho, akabhakëëri akabhugha, “Nekobhakëëri. Omurëmbë ubhe na niinyu!”

Ruuka 24:1

Atabhoori mo‑rungʼöörö orosiko ro Chumabhiiri, abhakari bhayo bhaaghaye mo‑mbeehera. Mbaare bhaghëghiri ebheneeso bhino ꞉bhaare bhaköriri.

Yohana 20:26

Hano chaasiko mohungate chehetiri, abhaanabheegha bha Yesu bhaghiikomana haghirohamu wiiki mo‑nyumba. Orosiko ruyo Tomaso woose naare haghirohamu nabho. Charwighe ncheere chigheere, hayo hayo, Yesu akaacha, akiimeerera ghateghate yaabho, akabhakëëri akabhugha, “Nekobhakëëri. Omurëmbë ubhe na niinyu!”

Maariko 14:8

Omukari uno naköriri rino aghotora. Nakangatiri kuhaka omobhere waane amaghuta gha keneeso ghusëëmi koryeku koone.

2 Abhakorinto 8:10

Ibheere, ighoro e musörörö uno, nekobhabhoorera rino reenyi re bhwëra ghokoonyu. Nekwëndëru mumare ghano musëëmiri mo‑mooka uno ohetiri. Eriibhagha riyo, moore a bhambërë kwërëki amiigha gha ghusöröra na a bhambërë ghusëëma ghuköra hangʼu.