1 Abhakorinto 16:15 - Eriiraghano Eriihë

¹⁵ Abhahiiri bhaane, mweche kubha Siteebhana haghirohamu na abhaato bha mo‑ka yaache, nibho ꞉bhaare a bhambërë komokumi Yesu Kirisito mo‑mukööwa o Akaaya, nabho mbiiruusiri kobhatoori abhakumi. Mbe, nekobhasasaama,

1 Abhakorinto 16:15 Referans Kwoze

1 Abhakorinto 1:16

ˆNekahiita ibheere kubha ꞉niibhatiisiri wiiki Siteebhana na abhaato bha mo‑ka yaache. Amare ghokera ghayo, ntyeche aribha ꞉niibhatiisiri omooto owonde wiiki.

Abharuumi 16:5

Wiiki, mobhakëëri abhakumi bhano bhahaatëmëëranera mo‑nyumba yaabho, haghirohamu no omosiighani waane Ebhayineeto. Iwe niwe o mumbërë komokumi Kirisito mo‑mukööwa o Asiya.

1 Bheetero 4:10

Omooto woose nahaabhuru ekihaano keeche koru kwo Waryobha. Nekwëndëru ghokihökëri bhoheene gho ghiri e ghusakerani, kinya omwimeerereri omuhöriicho o ghareeya e Ryobha ino enyi e manga maaru.

2 Abhakorinto 9:1

Nteekwënda kobhaandëkëra maaru ighoro e bhotoorereri bhoonyu kwo bhakumi bha Yerusareemu,

2 Abhakorinto 8:4

na ꞉mbaatusasaamiri chwee kubha, tobhahë omweya o ghusanga kobhatoori abhakumi bha Yerusareemu.

Abharuumi 16:2

Neghusabha momughënëhi bhoheene, gho kubha woose n‑omokumi o Mutëmi Yesu. Momughënëhi kinya bhuno ekwëndëru ghate e bhakumi bha Yesu Kirisito. Wiiki, neghusabha kubha, momusakeri ghyokyose kino akwënda, gho kubha iwe woose ꞉naabhasakiiri abhaato bhaaru, koru eni woose.

Abharuumi 15:25

Ibheere, ˆneeghaye Yerusareemu gho ghiri e kohira obhotoorereri kwo bhakumi bhaghëndi bhiito bhano bhaanyi iyo.

Abharuumi 12:13

Mobhatoori abhakumi abhaghëndi bhaanyu mo‑mënda ghaabho, wiiki mubhe bhango kobhaghënëhi abhaghëni mo‑chaaka cheenyu.

Obhohunyurëru 14:4

Abhaato bhayo mbahaamutambana Omoona o Ngʼöndu hohoose hano aghuye. Bhatighonchiri no obhoghonchu na abhakari, gho kubha mbaare bhataamara bhataara na abhakari. ꞉Mbaatingwiru koru ghate e bhaato abhande, bhaakabha a bhambërë koruusibhu amaruusi kwo Ryobha na kwo Omoona o Ngʼöndu.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

Bhiremooni 1:7

Mohiiri waane, obhosiighi bhoocho mboheere ghuchömëru kwaru na ghunköngʼi chwee, gho kubha emetema ghe bhatööbhiyu ngisambaarokuru chwee gho ghiri yaacho.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

1 Abhakorinto 16:17

Nichömiiru chwee eriibhagha bhiichiri hano, Siteebhana, na Bhoritunaato na Akayiko. Ibho ꞉mbaaheere bhino nesuuhiiru gho ghiri yaanyu bhano motaare‑ho.

Abharuumi 15:31

Munsabhere kubha, abhaato bha mukööwa o Yuteya bhano bhakwanga komokumi Yesu Kirisito, bhataacha ghunkörëra amabhe. Wiiki munsabhere kubha abhakumi bha iyo Yerusareemu, bhiishereri ghosongʼaana obhotoorereri bhuno nekobhahirera koru kwo bhaato bha matöngö.

Amaköri gha Bhatomu 18:12

Hano Ghariyo are omukangati o mukööwa o Akaaya, Abhayahuuti bhaaru bhakamusöhërëra Bhawuro. Bhakamurëëta ambërë e ghetumbe ghe ghotenera kiina,

1 Abhakorinto 16:1

Ibheere neghosiikëra ighoro e musörörö o kobhatoori abhakumi bha mo‑moghya o Yerusareemu. Inyu wiiki mukörë kinya bhuno nebhabhooriire abhaato bha makanisa gha mo‑mukööwa o Gharatiya.