1 Abhakorinto 16:13 - Eriiraghano Eriihë

¹³ Mutëngë, muköngʼëri mo‑bhokumi, wiiki mubhe abhasubhesubhe na mubhe na changuru.

1 Abhakorinto 16:13 Referans Kwoze

Abhaebheeso 6:10

Mbe, nekwënda kobhugha kubha, mughöötiine no Omutëmi Yesu, gho ghayo, mubhe morabhöna changuru koru mo‑bhotoro bhooche obhokoro.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

Abhagharatiya 5:1

Kirisito natotooriri koru mo‑bhusësë kubha tubhe huuru inkongʼorimu. Gho ghayo, mwimeerere muköngʼiiri, motiishereri ghugharuka wiiki mo‑bhusësë bho meghiro.

Abhabhiribhi 4:13

Neghotora ghuköra ghoose ghayo, gho kubha Kirisito niwe akuuha changuru.

2 Abhatesaronike 2:15

Ibheere abhahiiri bhiito, mwimeerere muköngʼëri na ghughööta ameeghi ghano mobhwine kohetera mo‑mangʼana ghiito ghano ꞉toobharaghaniiri, hamu koru mo‑nyaarubha yiito ino ꞉toobhaandëkiire.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

1 Bheetero 5:8

Mwikabhaahe, wiiki mubhe miisho eriibhagha ryose, gho kubha omobhisa waanyu, Erishambu, ndehaghëndaghënda kinya aka ino eghwitima eratabhara omooto emure.

Abhabhiribhi 4:1

Gho ghayo, abhahiiri bhaane, muköngʼëri kimu kimu gho komwitëngʼëra Omutëmi. Nebhasiighiri na neenyi na amiigha gha korighani na niinyu, bhahiiri bhaane. Inyu niinyu moghughëri nichömëru, wiiki inyu na atuho yaane ino nihaabhuru mo‑meremo ghino ꞉niiköriri.

1 Abhatesaronike 3:8

Ibheere tokahëëchëra, gho kubha inyu mwimeeriire muköngʼiiri mo‑Mutëmi Yesu.

2 Timotewo 4:7

Nirööniri eriihë inchömu re bhokumi, nimariri orughëndö roose, na nechongiri obhuhëënë bho bhokumi bhwito.

2 Abhakorinto 1:24

Kino nekwënda kobhugha n‑kubha, totaakwënda ghukangata obhokumi bhoonyu, gho kubha mumariri ghuköngʼëri mo‑bhokumi. Amare, itu n‑abhatamishi haghirohamu na niinyu, gho ghiri e ghuchömëru koonyu.

Mataayo 26:41

Mutëngë na ghusabha, motaacha ghusöha mo‑masaki. Akörö nekwënda ghoghumereri amasaki, amare omobhere toonyi na changuru.”

Abhakorosaayi 4:2

Mubhe morasabha chaasiko choose, mughanye na koriitabheri Eryobha.

1 Bheetero 4:7

Antenero e mangʼana ghoose ˆeghatingʼi. Gho ghayo, mubhe bhangʼiini na mwikabhaahe mo‑ghoose, kubha motore ghusabha.

1 Timotewo 6:12

Wiköngʼi kurööna eriihë ichömu re bhokumi bhwito, ughöötërërë obhuhöru bho miishe ghyose. Obhuhöru bhuyo, Eryobha ndebhabherekiire mobhubhönë, na moruusiri obhwibhateri bho mahëënë ambërë e bhiibhateri bhaaru kubha, moghwitëngʼëra kobhubhöna.

1 Abhakorinto 14:20

Abhahiiri bhaane, motiihëëbha kinya abhaana, amare mubhe moriihëëbha kinya abhantomonkoro. Amare ighoro e mabhe, mubhe kinya ebhengʼwerere.

Abhakorosaayi 4:12

Ebhaabhura, omutamishi o Yesu Kirisito, no omooto o bhowaanyu, nakobhakëëri. Eriibhagha ryaru naghwiköngʼi kobhasabhera inyu kubha muköngʼëri, na muköngʼë mo‑chaakörö na kubha bhasubhesubhe gho ghoose ghano Eryobha rekwënda.

2 Timotewo 2:1

Ibheere iye omoona waane, ubhe na changuru gho nchëra e ghareeya ino tuhaabhuru gho komokumi Kirisito Yesu.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

1 Abhatesaronike 5:6

Ibheere totamisi chandöörö ke bhaato abhande, amare tubhe miisho na kubha ne ekirëngërë.

Abhaebheeso 3:16

Nekorisabha, kurëngʼaana no obhwaru bho bhokumi bhooche obhokoro, gho nchëra e Körö yaache, rebhahë changuru motore ghuköngʼëri mo‑metema gheenyu,

Obhohunyurëru 16:15

Omutëmi Yesu nakobhugha, “Mööhi! Nekuucha kinya bhuure omwibhi ahaacha ataraghiini. Ngʼoni uno aghutënga na kobheeka changibho cheeche kubha ataacha ghughënda kingʼaabhi na ghosookibhu.”

2 Timotewo 4:5

Amare iye, ubhe miisho mo‑mangʼana ghoose. Oghumereri anyaako, ukörë emeremo ghe kuraghani Angʼana Anchömu, ukörë bhoheene mo‑bhutamishi bhoocho bhoose.

Ruuka 21:36

Gho ghayo, mubhe miisho eriibhagha ryose! Mwiköngʼi ghusabha Eryobha, kubha rebhatoori ghwisacha ghayo ghoose ghakuucha korwera, muuche motore kwimeerera ambërë yaane eni Omoona o Mooto.”

Mataayo 25:13

Yesu akëëndërëra kobhabhoorera abhaanabheegha bhaache arabhugha, “Mbe, mubhe amiisho gho kubha moteeche orosiko, koru eriibhagha rino eni neghugharuka.”