1 Abhakorinto 16:1 - Eriiraghano Eriihë

¹ Ibheere neghosiikëra ighoro e musörörö o kobhatoori abhakumi bha mo‑moghya o Yerusareemu. Inyu wiiki mukörë kinya bhuno nebhabhooriire abhaato bha makanisa gha mo‑mukööwa o Gharatiya.

1 Abhakorinto 16:1 Referans Kwoze

1 Yohana 3:17

Omooto wowoose uno anyi no obhwame bho mo‑se ino, aramara amorighi mughëndi waache uno anyi na amënda, amare ange komorigheri changori komotoori, nibhu aghotora kobhugha kubha naanyi no obhosiighi bho Ryobha moose yaache?

Abharuumi 12:13

Mobhatoori abhakumi abhaghëndi bhaanyu mo‑mënda ghaabho, wiiki mubhe bhango kobhaghënëhi abhaghëni mo‑chaaka cheenyu.

Abhagharatiya 2:10

Abhakangati bhayo mbatusabhiri angʼana imu hangʼu kubha, tubhe torahiita abhahabhe bhano bhaanyi ghate e bhakumi bha iyo Yerusareemu. Na neeni neghwiköngʼi chwee ghuköra angʼana iyo.

Amaköri gha Bhatomu 24:17

“Mbe, ghiiche koheta emeeka myaru neghagharuka Yerusareemu, gho ghiri nebharëëtërë abhahabhe bha ritöngö reene ebheghiro bhe kobhatoori, na koruusi amaruusi kwo Waryobha.

Bhiremooni 1:7

Mohiiri waane, obhosiighi bhoocho mboheere ghuchömëru kwaru na ghunköngʼi chwee, gho kubha emetema ghe bhatööbhiyu ngisambaarokuru chwee gho ghiri yaacho.

Bhiremooni 1:5

gho kubha nekooghu kubha nokwëndërëra komokumi Omutëmi Yesu na kobhasiigha abhatööbhiyu bhoose.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

Amaköri gha Bhatomu 11:30

Bhaghaköra hangʼu, bhakabhaha Bharinaabha na Sawuri omusörörö uyo, kubha bhawohire abheene kwo bhagharuka bha mo‑riikanisa re Yerusareemu.

Amaköri gha Bhatomu 16:6

Bhawuro na abhaghëndi bhaache bhayo, Akörö Ahörëëru neere ebharëkiri kubha bhataacha kuraghani angʼana e Ryobha mo‑mukööwa o Asiya. Gho ghayo, bhakaheta mo‑mikööwa ghe Bhirighiya na Gharatiya.

Abhagharatiya 1:2

Eni na abhakumi bhaghëndi bhiito bhoose bhano bhaanyi haghirohamu na neeni hano, ntokobhakëëri inyu bhano moonyi mo‑makanisa gha Ryobha mo‑mukööwa o Gharatiya.

Amaköri gha Bhatomu 18:23

Hano amariri chaasiko insuuhu, akaru hayo akaheta mo‑mikööwa ghe Gharatiya, na Bhirighiya, akabha arabhatoora omukörö abhaghëndi bhoose.

Amaköri gha Bhatomu 11:28

Umu o bhayo, naare arabherekeru Aghabho, akiimeerera mo‑kiina, akaruusi obhurööti gho nchëra e Körö Ahörëëru kubha aghëëcha ihaari neghusöhërëra chaase choose. Aghëëcha iyo ꞉neerweriire hano Kayisaari Kirawutiyo are arakangata.

Amaköri gha Bhatomu 9:41

Bheetero akamughööta okubhökö akamusakeri kwimeerera. Akabhabherekera abhasino bhaare na abhatööbhiyu abhande, akamuhaana ghokoobho anyi muhöru.

Amaköri gha Bhatomu 9:13

Ananiya akabhugha, “Omutëmi, abhaato bhaaru mbambooriire kebhuno Sawuri uyo abhaköriire abhaato bhaacho abhatööbhiyu amabhe iyo Yerusareemu!

1 Abhakorinto 4:17

Gho ghayo nemotomiri Timotewo, omoona waane omosiighani mo‑bhokumi, uno anyi omuhëënë mo‑meremo ghe Mutëmi. Iwe nakobhahiiti ghano eni neghutambana mo‑bhughöötani bhoone na Kirisito, ghano nekweghi abhaato ahaghiro hoose mo‑makanisa ghoose.

1 Abhakorinto 11:34

Aribha omooto anyi na anchëra, araaghërë awaache, kubha ghwikomana koonyu ghotabhaköra moteneru ekiina. Amangʼana aghande ghano ghasaaghiri, neraacha neghoghatoora bhoheene.

1 Abhakorinto 16:15

Abhahiiri bhaane, mweche kubha Siteebhana haghirohamu na abhaato bha mo‑ka yaache, nibho ꞉bhaare a bhambërë komokumi Yesu Kirisito mo‑mukööwa o Akaaya, nabho mbiiruusiri kobhatoori abhakumi. Mbe, nekobhasasaama,