1 Abhakorinto 15:54 - Eriiraghano Eriihë

⁵⁴ Mbe, omobhere uno oghusarëka na ghoku, hano oghugharoru kubha omobhere uno otaaghusarëka na ghoku, hayo niho ekubha ehikeriine angʼana ino yandëkuru mo‑Mandëkö Amatööbhiyu kubha, “Eryobha ndekindiri oroko, ndokinduru inkongʼorimu.”

1 Abhakorinto 15:54 Referans Kwoze

Obhohunyurëru 20:14

Hano ghayo ghasiriri, oroko na nyaari bhekarëkëru mo‑nyancha e mororo. Anyancha iyo e mororo niyo oroko ro kabhere.

Obhohunyurëru 21:4

Ndeghutareki changishori cheebho choose. Eriibhagha riyo, abhaato bhataaghoku koru kwihiinyërëra. Hataakubha ne eriirera koru kubhabhara, gho kubha amangʼana gha kare ngaakubha ghahetiri.”

Ruuka 20:36

Wiiki bhataaghotora ghoku, gho kubha mbaakubha kinya bhamarayika. Mbaakubha abhaana bha Ryobha, gho kubha mbaryokiibhu koru mo‑bhaku.

2 Abhakorinto 4:11

Itu bhano toonyi abhahöru, eriibhagha ryose ntoonyi mo‑tabhaaribhaari e roko gho ghiri e Yesu, kubha obhuhöru bhooche bhorighibhu mo‑mebhere ghiito ghino gheeghoku.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

2 Abhatesaronike 1:10

Kuröönu kuyo ngookubha orosiko ruure Omutëmi akuucha kuhaabhu obhokumi obhokoro na asooko koru mo‑bhaato bhaache abhatööbhiyu bhano bhamokumiri. Inyu bhoose mookubha haghirohamu nabho, gho kubha mokumiri angʼana ino ꞉toobharaghaniiri.

Abharuumi 8:11

Akörö Ahörëëru ino eghwikara moose yaanyu, niyo Akörö e Ryobha ino emoryokiri Kirisito Yesu koru mo‑bhaku. Gho ghayo, Eryobha ndeghoghiha obhuhöru emebhere gheenyu ghino ghehaaku, gho changuru che Körö Ahörëëru ino eghwikara moose yaanyu.

Abharuumi 6:12

Gho ghayo, motiishereri amasari ghakangate emebhere gheenyu ghino ghehaaku. Motiishereri korutu na amiigha amabhe gha mebhere gheenyu.

Abharuumi 1:23

Mbatighiri korisëngëra Eryobha Eritööbhiyu rino reenyi‑ho emiishe ghyose, bhaghikareerera ghusëngëra chasanaamu che misambu chino chetuubhiine na abhaato bhano bhaaghoku, hamu chatyenyi, hamu ebhinyönyi hamu ebhetyenyi bhino bhekwingʼuurera chanda.

2 Abhakorinto 5:4

Eriibhagha tokeere toonyi ne emebhere ghino ghenga kinya n‑ekebhuru, ntokubhabhara gho ghiri e ghokeyu mo‑maaru. Taanyi kubha ntokwënda koruusi emebhere ghino gheeghoku, amare kino tookwënda n‑kobheeku emebhere ghino ghetaaghoku, kubha emebhere ghino gheeghoku ghemeru na ghino ghetaaghoku.