1 Abhakorinto 15:42 - Eriiraghano Eriihë

⁴² Hangʼu nibhu ekubha, eriibhagha rino abhaku bhakoryoka. Kinya bhuure ambusuro, omobhere nohaaryeku mwiröbhë onyi na atëëmö e ghusarëka, amare nohaaryokibhu onyi na atëëmö ino etaaghusarëka.

1 Abhakorinto 15:42 Referans Kwoze

Mataayo 13:43

Mbe, abhaato bhoose bhano bhaanyi no obhuhëënë ambërë e Ryobha, mbaakubha bhararëngaari kinya eryobha mo‑bhutëmi bhwi Ishe waabho. Omooto wowoose uno anyi na amatu gha kooghu, no oghu!

1 Bheetero 1:4

Ibheere ntoghughanya ghughabha orubhango runo Eryobha retindekiri Mwishaaro, gho ghiri yaanyu. Orubhango ruyo rotaaghotora kobhusha, hamu ghusarëka, hamu kunyaara.

Abharuumi 8:21

gho kubha mbeghotooribhu koru mo‑kibhöhö ghe ghusarëka no oroko. Hayo niho bhekuhaabhu obhohuuru bho bhokumi obhokoro bhuno Eryobha rekobhaha abhaana bhaache.

Amaköri gha Bhatomu 2:31

Tawuti ꞉naarooche amangʼana ghano ghakuucha korwera, aghasiikëra ighoro e koryoka kwo Kirisito uyo kubha, taatighuru nyaari no omobhere waache toobhushiri.

Abharuumi 1:23

Mbatighiri korisëngëra Eryobha Eritööbhiyu rino reenyi‑ho emiishe ghyose, bhaghikareerera ghusëngëra chasanaamu che misambu chino chetuubhiine na abhaato bhano bhaaghoku, hamu chatyenyi, hamu ebhinyönyi hamu ebhetyenyi bhino bhekwingʼuurera chanda.

Amaköri gha Bhatomu 2:27

gho kubha iye Omutëmi Waryobha tooghontigha nyaari, tooghwishereri kubha omobhere waane obhushere iyo, eni Omutööbhiyu waacho.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

1 Abhakorinto 15:41

Mboonyi‑ho obhuchömu bho ryobha, no obhonde bho mwëri, no obhonde bho chanchöta. Na kira anchöta neenyi no obhuchömu bhooche.

Abhagharatiya 6:8

Mbe, omooto uno aghutambana amiigha ghaache amabhe, naghughësa ghosireekereru na amiigha ghayo. Amare uno aghutambana Akörö Ahörëëru, naghughësa koru gho Körö Ahörëëru obhuhöru bho miishe ghyose.