1 Abhakorinto 15:33 - Eriiraghano Eriihë

³³ Motangʼiinu na abhaato bhano bhakobhugha hangʼu, gho kubha, “Abhasaani abhabhe, mbaghusari atëëmö inchömu e mooto.”

1 Abhakorinto 15:33 Referans Kwoze

Mataayo 24:4

Yesu akabhagharokeri akabhugha, “Mubhe amiisho, omooto wowoose ataacha kobhangʼiina!

1 Abhakorinto 5:6

Obhwihachi bhoonyu bhotaanyi no obhwëra. Moteeche kubha eriisari rino n‑kinya ekimëra ghesuuhu kino kehaatöti anyongo yoose e bhotu?

Abhaebheeso 5:6

Amangʼana ghanga ghayo, nigho ghaghughëri Eryobha rebharöönë abhaato bhano bhataakoresooka. Motiishereri omooto wowoose abhangʼiine kwo mangʼana ghano ghataanyi gha mahëënë kubha momutambane.

Abhagharatiya 6:7

Motingʼiina, Eryobha retaaghochebhoru. Kino omooto akwemi, nikyo aghughësa.

1 Abhakorinto 6:9

Moteeche kubha abhaato abhabhe bhataakobhughabha obhutëmi bho Ryobha? Motingʼiina! Abhataari, abhaato bhano bhaghusëngëra chasanaamu, koru abhasubhe bhano bhakomisi na abhasubhe bhaghëndi bhaabho,

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

2 Bheetero 2:2

Wiiki abhaato bhaaru mbaghutambana amangʼana ghaabho gha chaasoni. Gho ghiri yaabho, anchëra e bhuhëënë neghotoku.

Abheebhuraaniya 12:15

Mubhe amiisho kubha ataacha kubha‑ho omooto wowoose uno aghokindu kubhöna aghareeya e Ryobha. Wiiki eriitina re bhosongo retasebhoka rebhanyaaki, reghonchi chaakörö che bhaato bhaaru.

Mataayo 24:11

“Eriibhagha riyo, mbakorwera abharööti bhaaru bha bhuröngö na kobhangʼiina abhaato bhaaru.

2 Abhatesaronike 2:10

Wiiki nakobhangʼiina gho chanchëra chaaru bhoose bhano bhaanyi mo‑nchëra e kobhora, gho kubha mbaangiri ghosiigha obhuhëënë kubha bhabhönë ghotooribhu.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.