1 Abhakorinto 15:26 - Eriiraghano Eriihë

²⁶ Omobhisa uno akorumusera ghosireekereru n‑oroko.

1 Abhakorinto 15:26 Referans Kwoze

2 Timotewo 1:10

Amare ibheere, ndyërëkiri aghareeya yaache ghokwito, gho kuucha gho Kirisito Yesu Omotoori wiito. Iwe nakindiri changuru che roko, na nëërëkiri obhuhöru bho miishe ghyose gho nchëra e Ngʼana Anchömu.

Obhohunyurëru 21:4

Ndeghutareki changishori cheebho choose. Eriibhagha riyo, abhaato bhataaghoku koru kwihiinyërëra. Hataakubha ne eriirera koru kubhabhara, gho kubha amangʼana gha kare ngaakubha ghahetiri.”

1 Abhakorinto 15:55

“Oroko, obhokindi bhoocho hayi bhoonyi? Hayi cheenyi changuru cheecho che kurëëta obhororo?”

Obhohunyurëru 20:14

Hano ghayo ghasiriri, oroko na nyaari bhekarëkëru mo‑nyancha e mororo. Anyancha iyo e mororo niyo oroko ro kabhere.

Abheebhuraaniya 2:14

Mbe, gho kubha abhaana bhano mbaanyi ne emebhere na amasaahë, Yesu woose ꞉niichiri anyi no omobhere kinya emebhere gheebho. ꞉Naaköriri hangʼu kubha gho nchëra e roko rooche, achekinde changuru che Rishambu rino reenyi no obhotoro bho ghughëri abhaato bhabhe bharaku.

Ruuka 20:36

Wiiki bhataaghotora ghoku, gho kubha mbaakubha kinya bhamarayika. Mbaakubha abhaana bha Ryobha, gho kubha mbaryokiibhu koru mo‑bhaku.

Obhohunyurëru 20:13

Anyancha ekaruusi abhaku bhano ꞉bhaare‑mu. Oroko na nyaari bhyose bhekaruusi abhaku bhano ꞉bhaare‑mu. Omooto woose aghateneru ekiina kurëngʼaana na amaköri ghaache.