Biblia Todo Logo
Bib sou entènèt

- Piblisite -




1 Abhakorinto 15:2 - Eriiraghano Eriihë

2 Aribha moraghööta amangʼana ghano ꞉niiraghiini ghokoonyu, hayo mokubhöna obhotoori. Amare aribha motaaghoghaghööta, obhokumi bhoonyu mbookubha bhotaanyi no obhwëra.

Gade chapit la Kopi




1 Abhakorinto 15:2
31 Referans Kwoze  

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.


Gho ghayo, tubhe miisho chwee gho ghano tooghwire, kubha totaacha ghoghatigha na ghughöötana na amangʼana aghande.


Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.


Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.


Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.


Mbe, hangʼu nibhu aghareeya e Ryobha ebhatooriri, gho nchëra e komokumi Yesu Kirisito. Obhotoori bhuyo bhotabhönëkiri gho ghwiköngʼi koonyu, Eryobha niryo retoheere kinya atuho.


Angʼana e roko ro Kirisito mo‑musarabha n‑e ghighëëghë kwo bhaato bhano bhakobhora, amare ghokwito itu bhano toghotooribhu, angʼana iyo n‑changuru che Ryobha.


Gho ghayo, aribha omooto abheere no obhokumi amare taanyi na amaköri machömu, obhokumi bhooche bhuyo, mbokuure, kinya omobhere uno otaanyi na akörö, nookubha okuure.


Abhahiiri bhaane, haanyi no obhwëra ke kwo mooto uno aghwighamba kubha naanyi no obhokumi amare ataanyi na amaköri amachömu? Kwo bhuhëënë obhokumi bhooche bhotaaghotora komotoori.


Twiköngʼi chwee ghoghaghööta ghano toghoghakumi na ghoghitëngʼëra totighe kohombahoomba, gho kubha Eryobha n‑ihëënë mo‑ghano riraghiri.


“Chambusuru chino ꞉cheeghweriire mwitare, nchekwërëki abhaato bhano bhaghuchömëru kooghu angʼana e Ryobha, bhayekumi kwo riibhagha isuuhu. Hano bhaghusakibhu, bhayetigha, gho kubha mbatuubhiine no omote uno otaamara ohira emerya kurë.


Hangʼu hangʼu, morabha no obhokumi, amare motaanyi na amaköri amachömu, obhokumi bhoonyu, mbokuure.


Mbe, ntoonyi nawe Omuchaama Omokoro, Yesu, Omoona o Ryobha uno aghiire na ghusöha Mwishaaro. Gho ghiri iyo, ntughöötërërë ghano toghokumi.


Ibheere abhahiiri bhiito, mwimeerere muköngʼëri na ghughööta ameeghi ghano mobhwine kohetera mo‑mangʼana ghiito ghano ꞉toobharaghaniiri, hamu koru mo‑nyaarubha yiito ino ꞉toobhaandëkiire.


Kana, amangʼana ghoose ghano ꞉ghaabhabhwine, moghwituuri kubha n‑gha bhoowa ꞉ghaare? Mahëënë ghataare gha bhoowa!


Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.


Eni nteekorighi chaasoni kuraghani Angʼana Anchömu iyo, gho kubha nibho obhotoro bho Ryobha bhuno bhoghotoori abhaato bhoose bhano bhakomokumi Yesu, korwera mo‑Bhayahuuti mbagha mo‑bhaato bha matöngö.


Hangʼu keenyi, gho kubha itu n‑kinya ekeneeso eghichömu kino Kirisito akoreruuseri Eryobha. Ekeneeso kiyo ngekobhahikera abhaato bhoose, bhano bhaghotooribhu na bhano bhakobhora.


Wiiki aribha Kirisito taryokiri, kuraghani kwito ngookubha kwo bhoowa, koru obhokumi bhoonyu mbookubha bho bhoowa.


Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.


Mumööhi kebhuno Eryobha rekobhakörëra obhuchömu abhaato abhande, na kebhuno rekobharööna abhaato abhande kwo bhororo. Ndekobharööna bhano bhaangiri komokumi Kirisito, na ndeghoghukörëra obhuchömu iye, aribha okwëndërëra komokumi. Amare aribha oratigha komokumi, iye woose nokonungu.


Simiyooni woose akamokumi Yesu, akabhatiisu, aghaghöötana na Bhiiribho. Hano arooche ebheroghooro ebhekoro bhino Bhiiribho are araköra, bhekamoroghoori chwee.


Mbaare bharareghongi Eryobha na ghosiighu na abhaato bhoose. Chaasiko choose Omutëmi Yesu akabha arabhatoori abhaato abhande bha masari, bhaghaghöötana na abhakumi abhande, no omubharo waabho ökëëndërëra kwiyëngëra chwee.


Nekobhaghongi gho kubha mohiitiri mo‑mangʼana ghoose, na ghughööta ameeghi ghano ꞉neebhaheere.


Swiv nou:

Piblisite


Piblisite