1 Abhakorinto 14:6 - Eriiraghano Eriihë

⁶ Ibheere, abhahiiri bhaane, neraacha bhowaanyu na ghughamba ebhighambo ebhihë, moghotora kubhöna obhwëra ke? Motaakubhöna obhwëra bhobhoose. Amare nerabhabhoorera ghano Eryobha rehunyuriire, hamu nerabhaha obhumënyi, neraruusi obhurööti hamu nereeghi, hayo mokubhöna obhwëra.

1 Abhakorinto 14:6 Referans Kwoze

Abhaebheeso 1:17

Nekwëndërëra korisabha Eryobha re Mutëmi wiito Yesu Kirisito, Taata o bhokumi obhokoro, abhahë inyu Akörö yaache kubha mubhe na amangʼiini no obhohunyurëru, motore korimënya bhoheene.

2 Timotewo 3:16

Amandëkö Amatööbhiyu ghoose ꞉ngaandëkuru kwo bhukangati bho Ryobha. Ghayo ngakurëngʼaanera kweghi obhuhëënë, na kobhashaangʼi abhaato kubha bhatighe obhobhe bhoobho, na kobharahuuna hano bhaghutaasi, na köbhëërëki kino ghekurëngʼaanera ambërë e Ryobha.

Abharuumi 6:17

Kare, inyu moore abhasësë bha masari. Amare nekoriitabheri Eryobha, gho kubha ibheere mwisheriiri kwo metema gheenyu ghyose ghosooka ameeghi gha bhuhëënë ghano ꞉moosongʼaaniri.

1 Abhakorinto 14:1

Mwiköngʼi kubha no obhosiighi na mwighombe kubhöna ebhihaano bhe Körö Ahörëëru, ahanene ekihaano ghe koruusi obhurööti.

2 Yohana 1:9

Wowoose uno ataakwëndërëra ghughööta ameeghi gha Kirisito, wiiki naghugharura ameeghi ghayo, uyo taanyi no obhumu ne Eryobha. Amare, uno akwëndërëra ghughööta ameeghi gha Kirisito, naanyi no obhumu na Taata Waryobha no Omoona waache.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.

2 Bheetero 1:5

Gho ghayo, mubhe moriiköngʼi kubha obhokumi bhoonyu bhwëngëru obhuchömu, no obhuchömu bhuyo bhwëngëru obhumënyi.

Abheebhuraaniya 13:9

Motangʼiinu na ameeghi aghande amahë gha ghighëni, gho kubha changuru che metema gheenyu nchekoru mo‑ghareeya e Ryobha, taanyi mo‑meghiro ghe bhiinyakurë. Emeghiro ghiyo ghetaakobhatoori ghyokyose bhano bhaghoghitambana.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

2 Timotewo 4:2

Ibheere, ubhe oraraghani Angʼana Anchömu e Ryobha. Ubhe wiisëëmiri ghuköra hangʼu eriibhagha ryoryose, kwo riibhagha rino rirëngʼaaniire na rino retarëngʼaaniire. Ubhe oratöngëra, no orahiinya no orabhaköngʼi abhaato. Ukörë hangʼu, ino oreeghi kwo bhoghumereri bhoose.

2 Timotewo 3:10

Amare iye, nutambiine ameeghi ghaane, na atëëmö yaane, ne ekebhune keene, no obhokumi bhoone, no obhoghumereri bhoone,

2 Timotewo 2:14

Obhahiiti abhakumi amangʼana ghayo, na kobhashaangʼi ambërë e Ryobha, bhatighe kuhakaana ighoro e mangʼana amasuuhusuuhu. Okuhakaana kuyo ghotaanyi no obhwëra, amare ngoghusari bhano bhakobhatëghëërëra.

Abhabhiribhi 3:15

Gho ghayo, itu bhoose bhano tuköngʼiiri kimu kimu mo‑bhokumi ntokwëndëru ghwisherererani kwo mangʼana ghano. Aribha mokwihëëbha obhonde kwo ngʼana yoyoose yiire, Eryobha niryo rekobhahunyurera moghamënyë kinya ghaanyi.

Abhaebheeso 3:4

Gho ghayo, moraghasöma amangʼana ghayo, moghotora kumënya bhuno nimënyiri amangʼana ghano ꞉ghaare ghabhisuru ighoro e Kirisito.

2 Abhakorinto 12:7

꞉Niihaabhuru anyaako mo‑mobhere waane ino enyi kinya eriihö. Anyaako iyo n‑omotomu o Rishambu uno atomuru kubha anyaaki, kubha netighe ghwitiiri ighoro e maaru gha koroghoori ghano Omutëmi Yesu anyëërëkiri.

2 Abhakorinto 12:1

Nekwëndëru kwihacha nangabha etaaghunsakeri ghyokyose. Ibheere nekwënda kwihacha ighoro e amarighi na amangʼana aghande ghano anyëërëkiri Omutëmi Yesu.

2 Abhakorinto 11:6

Koru nangabha nekorighibhu kubha ntyeche ghosiikëra bhoheene, obhumënyi bhoone m‑bhokoro. Ntwërëkiri riyo ghokoonyu eriibhagha ryose na ahaghiro hoose.

1 Abhakorinto 10:33

Mubhe kinya bhuno eni neenyi. Neghwiköngʼi ghuchömëri abhaato bhoose kwo mangʼana ghoose ghano neghuköra. Taanyi kubha neghuköra hangʼu, kubha nibhönë obhwëra eni mwene, amare neghuköra hangʼu kubha abhaato bhaaru bhabhönë obhwëra gho kubhöna obhotoori.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.

Amaköri gha Bhatomu 2:42

Abhaghëndi bha Yesu ꞉mbaaköngʼiiri mo‑bhughöötani bhuyo, bhareegha ameeghi gha bhatomu bha Yesu, na ghosuura omughaate haghirohamu, na korisabha Eryobha.

Mataayo 16:26

Kana omooto nakubhöna ke, aribha abhwine ebheghiro bhyose bhe mo‑se ino, amare abhori obhuhöru bho miishe ghyose? Hamu omooto naghotora koruusi egheghiro ke kibhatere obhuhöru bhooche?

Mataayo 16:17

Yesu akamobhoorera akabhugha, “Oo Simiyooni mwërëëti o Yoona, witabhiiru gho kubha taanyi‑ho omooto uno akohunyuriire rino, amare n‑Taata waane uno anyi Mwishaaro.

Mataayo 11:25

Eriibhagha riyo Yesu aghasabha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu.

1 Abhakorinto 14:7

Hangʼu keenyi koru kwo bheghiro bhino bhetaanyi no obhuhöru, hano bheekubha bheraruusi eriiraka, kinya bhuure ekerereesi, hamu eritingo. Aribha bheraruusi eriiraka rino retaanyi no obhwërëkërëri, omooto nibhu aghotora kumënya omwembo uno oghutëmu?