1 Abhakorinto 14:15 - Eriiraghano Eriihë

¹⁵ Ibheere nekwëndëru ghuköra ke? Neghusabha mo‑körö gho ghighambo ekende, wiiki neghusabha kwo bhongo, nekwemba mo‑körö gho ghighambo ekende, wiiki nekwemba kwo bhongo.

1 Abhakorinto 14:15 Referans Kwoze

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

Abhaebheeso 6:18

Mbe, mubhe morasabha eriibhagha ryose kwo masabhi gha manga ghoose, kurëngʼaana na kinya Akörö Ahörëëru ekobhakangata. Mubhe miisho gho ghiri e ngʼana iyo, na mwiköngʼi kobhasabhera abhatööbhiyu bhoose.

Yuuta 1:20

Amare inyu abhasiighani bhaane, muköngʼëri mo‑bhuhëënë bho bhokumi bhoonyu bhuno bhoonyi obhutööbhiyu chwee, na mubhe morasabha kwo bhotoro bho Körö Ahörëëru.

1 Abhakorinto 14:19

amare mo‑riikanisa nesiighiri chwee ghosiikëra kwo bhongo amangʼana ataano ghano ghakumënyu kubha nebheeghi abhande. Riyo niryo ichömu bhobhe ghokera ghosiikëra amangʼana ebheku ikomi (10,000) mo‑ghighambo ekende.

1 Abhakorinto 10:19

Ibheere, neke nekwënda ghosiikëra? Ebhiinyakurë bhino bheruusiibhu kuhëërana chasanaamu mbeenyi no obhwëra bhobhoose? Hamu asanaamu yoose n‑egheghiro?

Abharuumi 3:5

Amare, abhaato abhande mbaghotora kobhugha kubha, “Amasari ghiito itu Abhayahuuti, nigho ghakwërëki kubha Eryobha n‑de bhuhëënë mo‑ghotena ekiina kooche. Amare, aribha Eryobha reghoturööna, tobhughe kubha Eryobha retaanyi re bhuhëënë inkongʼorimu?” Neghosiikëra kinya omooto.

Abharuumi 1:9

Eryobha rino nekorihökëri kwo mukörö waane woose gho kuraghaneri abhaato Angʼana Anchömu e Moona waache, ndyeche kebhuno nekobhasabhera eriibhagha ryose.

Abhabhiribhi 1:18

Amare neke eghusakeri? Angʼana e Kirisito nekuraghanibhu, ibhe kwo mukörö mobhe hamu kwo mukörö muchömu. Na neeni gho ghiri e ngʼana iyo neghuchömëru. Wiiki nekwëndërëra ghuchömëru,

Abharuumi 8:31

Mbe, tobhughe ke ibheere ighoro e mangʼana ghayo? Aribha Eryobha reenyi eribhaara riito, n‑niwe uno aghotora ghotokinda?

Amaköri gha Bhatomu 21:22

Mahëënë abhaato bhayo mbakooghu kubha numariri kohika hano. Ibheere tukörë bhu?

1 Abhakorinto 14:14

Neghosiikëra hangʼu, gho kubha nerasabha gho ghighambo ekende, akörö yaane niyo eghusabha, amare obhongo bhoone bhotaakubhöna ghyokyose.

1 Abhakorinto 14:26

Ibheere abhahiiri bhaane, tobhughe bhu? Hano mookubha mwikomiine ghusabha, umu nakwemba omwembo, no owonde nakweghi, no owonde naghosiikëra ghano Eryobha remohunyuriire, no owonde naghosiikëra eghighambo ekihë, no owonde naghugharura eghighambo. Amangʼana ghayo ghoose ghaköru gho ghuköngʼi abhakumi.

Yakobho 5:13

Moonyi no omooto uno akunyaaka ghate yaanyu? Nakwëndëru asabhe Eryobha. Hamu naanyi‑ho wowoose uno achömiiru? Nakwëndëru embe emyembo ghe ghoghoghi.