1 Abhakorinto 12:6 - Eriiraghano Eriihë

⁶ Wiiki ntoghuköra emeremo ghe manga maaru, amare Eryobha rino reghototoori itu ghuköra emeremo ghyose, n‑dimu.

1 Abhakorinto 12:6 Referans Kwoze

1 Abhakorinto 12:11

Akörö iyo iyo imu neghuköra emeremo ghiyo ghyose. Iyo nekomuha omooto woose ekihaano keeche, kinya bhuno esiighiri ayeene.

1 Abhakorinto 3:7

Mbe, uno akwemi chaatëtërë taanyi egheghiro, koru uno akohomeerera, amare Eryobha rino reghokori niryo re ghwitëngʼëru.

Yohana 5:17

Mbe, Yesu akabhabhoorera akabhugha, “Taata waane naghuköra emeremo chaasiko choose, eni woose neghuköra emeremo hangʼu hangʼu.”

Abhakorosaayi 3:11

Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.

Abhaebheeso 4:6

Ntoonyi ne Eryobha rimu hangʼu, na n‑Taata o bhoose, niryo reenyi ighoro e bhoose, na ndeghuköra emeremo mo‑bhoose na ndeghwikara mo‑bhoose.

Abheebhuraaniya 13:21

Eryobha rebhakörë mohikeerane kwo mangʼana amachömu ghoose, mukörë ghano ghaanyi amiigha ghaache. Wiiki abhahë obhotoro bho ghuköra ghano ghakomuchömëri gho ghughöötana na Yesu Kirisito. Iwe aghongibhu emiishe ne emiishe. Hawubhaabha.

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

Abhabhiribhi 2:13

Mbe, mukörë hangʼu gho kubha Eryobha niryo reghuköra emeremo moose yaanyu, kubha mosiighe na ghuköra amangʼana ghano resiighiri ghaköru.

1 Abhakorinto 15:28

Mbe, eriibhagha ebheghiro bhyose bheekubha bhetooruru haase e bhukangati bho Moona waache, niho woose Omoona aghwitoora haase e bhukangati bho Ryobha, rino retooriri ebheghiro bhyose haase e bhukangati bho Moona waache, kubha Eryobha ribhe omukangati o bhyose.

1 Abhakorinto 12:5

Wiiki itu bhoose ntokomuhökëri Omutëmi kwo manga haghare haghare, amare Omutëmi n‑umu.