1 Abhakorinto 12:28 - Eriiraghano Eriihë

²⁸ Eryobha ndetooriri abhaato mo‑riikanisa, a bhambërë abhatomu, na bha kabhere na abharööti, na bha ghatato n‑abheeghi. Wiiki ndetooriri bhano bhaghuköra ebheroghooro, na bhano bhaanyi ne ekihaano ghe kuhöri abhabhabharu, na ghe kobhatoori abhande, na ghe ghukangata, na ghe ghughamba ebhighambo ebhihë.

1 Abhakorinto 12:28 Referans Kwoze

1 Abhakorinto 12:18

Amare ibheere, Eryobha ndebhetooriri ebhyemo bhyose mo‑mobhere kinya bhuno resiighiri eryene.

Abhaebheeso 3:5

Ekebhisere kiyo retaabhamënyiri abhaato bha kare, amare ibheere ndebhahunyuriire abhatööbhiyu bhaache abhatomu na abharööti gho nchëra e Körö yaache.

Abheebhuraaniya 13:24

Mobhakëëri abhakangati bhaanyu na abhakumi bhoose bhano moonyi nabho iyo. Abhakumi koru mo‑se e Itaariya mbakobhakëëri.

Abheebhuraaniya 13:17

Mobhasooke abhakangati bhaanyu na ghughööta amaraghereri ghaabho, gho kubha nibho bhakobhanyaakera inyu ino bhataaghutamu, na mbakwëndëru ghutöngööchi emeremo gheebho ambërë e Ryobha. Gho ghayo mobhasooke, kubha bhakörë emeremo gheebho gho ghuchömëru, gho kubha aribha moraanga kobhasooka, mbaakubha bharaköra emeremo gheebho kwo macheeche, ne emeremo ghiyo ghetaakubha gherabhatoori inyu ghyokyose.

1 Timotewo 5:17

Abhagharuka bhano bhakwimeererera eriikanisa bhoheene, bhasooku na korehu bhoheene, ahanene bhano bhakwiruusi kuraghani na kweghi abhaato.

Abhaebheeso 2:20

Inyu mubheere kinya anyumba ino yabhëkuru ighoro e bhoroso. Abhatomu na abharööti ibho n‑kinya obhoroso bho nyumba iyo. Kirisito Yesu niwe eriibhohe ikoro re bhoroso.

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

1 Abhakorinto 10:32

Motanaaha omooto wowoose, bhabhe Abhayahuuti, hande abhaato bha matöngö, hamu eriikanisa re Ryobha.

Ruuka 6:14

Simiyooni, uno Yesu aheere eriina re Bheetero, na Andereya omonyi waache Simiyooni, na Yakobho, na Yohana, na Bhiiribho, na Bhatoromaayo,

Maariko 16:17

Abhaato bhano bhamokumiri, mbaghuköra ebhyërëkërëri bhino, mbaakubha bhararuusi emisambu mo‑bhaato kwo riina reene na ghosiikëra gho ghighambo ekihë,

Amaköri gha Bhatomu 11:27

Mo‑chaasiko chiyo chiyo, abharööti nyarebhe koru Yerusareemu bhakaacha Antiyokiya.

1 Abhakorinto 12:29

Ibheere, abhaato bhoose n‑abhatomu? Abhaato bhoose n‑abharööti? Abhaato bhoose n‑abheeghi? Abhaato bhoose mbaghuköra ebheroghooro?

1 Abhakorinto 12:30

Wiiki, abhaato bhoose mbaanyi ne ekihaano ghe kuhöri abhabhabharu? Abhaato bhoose mbaghosiikëra ebhighambo ebhihë? Abhaato bhoose mbaanyi ne ekihaano ghe ghugharura ebhighambo bhiyo?

1 Abhakorinto 14:2

Omooto uno aghosiikëra eghighambo ekihë, taaghosiikëra na abhaato, amare n‑Eryobha aghosiikëra naryo, gho kubha ghano aghosiikëra taanyi‑ho uno aghoghamënya. Iwe naakubha arasiikëra amangʼana gha kebhisere mo‑motema waache.

1 Abhakorinto 14:4

Uno aghosiikëra eghighambo ekihë, naghwiköngʼi omwene mo‑bhokumi, amare uno akoruusi obhurööti nakobhaköngʼi abhakumi, niryo eriikanisa.

1 Abhakorinto 14:5

Eni nekwënda inyu bhoose mubhe morasiikëra ebhighambo ebhihë, amare ahanene nekwënda mubhe moraruusi obhurööti. Neghosiikëra hangʼu, gho kubha koruusi obhurööti nkoonyi no obhwëra chwee mo‑bhakumi, ghokera ghughamba ebhighambo ebhihë, aribha taanyi‑ho uno aghugharura ebhighambo bhiyo. Mbe, uno aghosiikëra ebhighambo ebhihë agharure kubha atoori abhakumi abhande bhaköngʼëri mo‑bhokumi.