1 Abhakorinto 12:13 - Eriiraghano Eriihë

¹³ Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.

1 Abhakorinto 12:13 Referans Kwoze

Abhaebheeso 4:5

Omutëmi wiito n‑umu, no obhokumi m‑bhumu no obhubhatiiso bhwito m‑bhumu.

Abhakorosaayi 3:11

Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.

Abhagharatiya 3:28

Gho ghayo, bhotaanyi‑ho obhwahukani ghate e Muyahuuti no omooto o matöngö, hamu omusësë no omooto huuru, hamu omosubhe no omukari. Bhoose murëngʼiine, gho kubha mughöötiine na Kirisito Yesu.

1 Bheetero 3:21

Amanche ghayo n‑eghetuubhaani ke bhubhatiiso, bhuno bhoghototoori, taanyi gho koruusi eriiku mo‑mobhere, amare n‑eriiraghano re mënda meero kwo Waryobha. Amangʼana ghayo, ngaakubha gho kohetera koryoka kwo Yesu Kirisito.

Abharuumi 3:29

Kana, Eryobha n‑Eryobha re Bhayahuuti abheene, ghasi koru na bha matöngö? Hee, Eryobha n‑de bhaato bhoose!

Amaköri gha Bhatomu 1:5

Yohana ꞉naabhatiisiri abhaato kwo manche, amare gho chaasiko insuuhu chino chekuucha, inyu mokubhatiisu gho Körö Ahörëëru.”

Yohana 4:10

Yesu akamugharokeri akabhugha, “Aribha ongamënyiri atuho e Ryobha na kubha n‑niwe aghoghusabha amanche gha kunyo, nongamusabhiri iwe, nawe nangakoheere amanche ghano ghakobhaha abhaato obhuhöru bho miishe ghyose.”

Ruuka 3:16

Mbe, akabhabhoorera arabhugha, “Eni, hëënë nekobhabhatiisa kwo manche agheene, amare nakuucha omooto uno anyi na changuru ghonkera eni, koru nteekurëngʼaanera ghusaasura chambasani che bhekwera bheeche! Iwe, nakobhabhatiisa gho Körö Ahörëëru, na kwo mororo.

Mataayo 3:11

“Eni nekobhabhatiisa kwo manche kwërëki kubha motuukuuniri amasari ghaanyu. Amare uno akuucha anyuma yaane, iwe nakobhabhatiisa gho Körö Ahörëëru na kwo mororo. Omooto uyo naanyi na changuru ghonkera, koru nteekurëngʼaanera ghughëgha ebhekwera bheeche.

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

Yohana 3:5

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru kwo manche na gho Akörö e Ryobha.

Yohana 1:33

Eni ntemumënyiri kubha n‑niwe, amare Eryobha rino rentomiri kubhatiisa abhaato kwo manche ndembooriire, ‘Omooto uno Akörö yaane eghwika na ghwikara ighoro yaache, uyo niwe akubha arabhabhatiisa abhaato gho Akörö Ahörëëru.’”

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abhaebheeso 3:6

Ekebhisere ekyene nikyo kino, gho nchëra e ghokumi Angʼana Anchömu abhaato bha matöngö mbakubhöna aghabho haghirohamu na Abhayahuuti. Wiiki abhaato bhayo n‑kinya omobhere umu na Abhayahuuti, na mbaghusanga haghirohamu eriiraghano riire riire rino Eryobha ꞉riiköriri gho nchëra e Kirisito Yesu.

Abhagharatiya 3:23

Eriibhagha rino abhaato ꞉bhaare bhakeere komokumi Yesu Kirisito, emeghiro ꞉ngeetuköriri kubha abhasësë bhaache. Ntoore toraghanya eriibhagha rino obhokumi ighoro e Yesu Kirisito bhongahunywiru.

1 Abhakorinto 10:2

Hano bhakangaturu ne erishaaro na koheta ghateghate e nyancha, bhoose bhaakabha bhabhatiisuru kubha abhaanabheegha bha Musa.

Yohana 6:63

Akörö e Ryobha niyo ekobhaha abhaato obhuhöru. Omooto taaghotora ghuköra ghyokyose gho changuru cheeche omwene. Amangʼana ghano nebhabhooriire n‑gha Akörö e Ryobha, nagho ngakoruusi obhuhöru.

Abhaebheeso 6:8

Mumënyë kubha, omooto woose uno aghuköra amachömu, abhe n‑omusësë hamu uno ataanyi omusësë, Omutëmi Yesu nakomotuha kwo maköri ghaache amachömu.

Abharuumi 4:11

Ghusaaru kooche, n‑ekingʼöchö ke Ryobha ghokooche kubha, ꞉ndeemubhariire obhuhëënë kurëngʼaana no obhokumi bhuno are nabho akeere ghusaaru. Gho nchëra iyo, Abhurahamu aghaköru kubha ishe o bhakumi bhoose bhano bhataamara ghusaaru, kubha bhoose bhabhareru kubha mbaanyi no obhuhëënë ambërë e Ryobha.

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Abharuumi 3:22

Abhaato bhoose bhano bhakomokumi Yesu Kirisito, Eryobha ndekobhabhara kubha abhahëënë ambërë yaache, gho kohetera obhuhëënë bho Yesu. Taahukiini omooto wowoose,