1 Abhakorinto 12:11 - Eriiraghano Eriihë

¹¹ Akörö iyo iyo imu neghuköra emeremo ghiyo ghyose. Iyo nekomuha omooto woose ekihaano keeche, kinya bhuno esiighiri ayeene.

1 Abhakorinto 12:11 Referans Kwoze

1 Abhakorinto 12:4

Mbeenyi‑ho ebhihaano bhe manga maaru, amare Akörö ino ekuhööhi ebhihaano bhiyo, n‑imu.

Abheebhuraaniya 2:4

Eryobha ryose ndeere rerahëënëhi obhotoori bhuyo gho kobhaha abhaato bhayo obhotoro bho ghuköra ebhyërëkërëri ne ebhiraghe ne ebheroghooro bhe manga maaru. Wiiki ꞉ndeebhahööhiri abhakumi ebhihaano bhe Körö Ahörëëru kurëngʼaana na amënda ghaache.

2 Abhakorinto 10:13

Amare itu totaakwihacha ghokera ekirëngërë ke meremo ghino tuhaabhuru. Ntokwihacha ighoro e meremo ghino Eryobha retoheere okwene. Emeremo ghiyo nighyo ghino tokuhöki koru iyo bhowaanyu.

Abhaebheeso 4:7

Amare ghate yiito Kirisito natwitabhiiri ekihaano kwo mooto woose, kurëngʼaana na kinya iwe ꞉ëndiri koruusi.

1 Abhakorinto 12:6

Wiiki ntoghuköra emeremo ghe manga maaru, amare Eryobha rino reghototoori itu ghuköra emeremo ghyose, n‑dimu.

Yakobho 1:18

Gho kwënda kooche eryene, ndetuköriri tubhe abhaana bhaache, gho nchëra e ngʼana yaache e hëënë, kubha tubhe a bhambërë mo‑bhyose bhino ꞉riitëëmiri.

Abhaebheeso 1:11

Eryobha ndehaaköra ghoose kurëngʼaana na amënda ghaache. Iryo ndetwahwire itu Abhayahuuti korwera kare, kubha tubhe abhaato bhaache gho nchëra e ghughöötana kwito na Kirisito.

1 Abhakorinto 7:17

Omooto woose amanye kurëngʼaana na kinya Omutëmi amurëngiire, wiiki mumanye kinya bhuno mobherekiiru ne Eryobha. Hangʼu nibhu nekuraghereri mo‑makanisa ghoose.

1 Abhakorinto 7:7

Nengasiighiri abhaato bhoose bhabhe kinya bhuno eni neenyi, amare taanyi hangʼu gho kubha omooto woose Eryobha ndemoheere ekihaano keeche, umu kino, no owonde kiire.

Abharuumi 12:6

Gho ghayo, ntoonyi ne ebhihaano haghare haghare, kinya bhuno Eryobha ꞉reetoheere gho ghareeya yaache. Omooto uno ahaabhuru ekihaano ghe koruusi obhurööti, ahökëri ekihaano kiyo kurëngʼaana no obhokumi bhooche.

Abharuumi 9:18

Gho ghayo, Eryobha ndehaarigheri changori omooto wowoose uno rekwënda, na komuköra omooto owonde abhe muköngʼu mo‑körö yaache.

Yohana 5:21

Kebhuno Taata akobharyoki abhaku na kobhaha obhuhöru bho miishe ghyose, hangʼu hangʼu Omoona nahaabhaha obhuhöru abhaato bhano asiighiri kobhaha.

Yohana 3:27

Yohana akabhagharokeri akabhugha, “Omooto taaghotora kubhöna egheghiro ghyokyose, aribha Eryobha retamoheere.

Yohana 3:8

Obhukama mbohaahuuta kwërëkëra hano bhosiighiri. Noghotora kooghu ekerumo keeche, amare tookumënya hano bhookoru na hano bhooghuye. Hangʼu keenyi kwo mooto wowoose uno ibhwiru na Akörö e Ryobha.”

Mataayo 20:15

Kana, nteenyi no obhotoro bho kuhökëri ebheghiro bheene kinya bhuno nekwënda? Ghasi nokorighi eriihari gho kubha moruusi neenyi kwo bhaato abhande?’ ”

Mataayo 11:26

Oo Taata, ghano ghoose n‑kurëngʼaana na amënda ghaacho.”

1 Abhakorinto 12:18

Amare ibheere, Eryobha ndebhetooriri ebhyemo bhyose mo‑mobhere kinya bhuno resiighiri eryene.