1 Abhakorinto 11:32 - Eriiraghano Eriihë

³² Amare ibheere, hano tokuröönu no Omutëmi, hayo naakubha aratweghi, kubha Eryobha retaacha ghototenera ekiina kinya bhuno rekobhatenera ekiina abhaato bhano bhataryeche.

1 Abhakorinto 11:32 Referans Kwoze

Obhohunyurëru 3:19

Abhaato bhano eni nesiighiri, nehaabhahiinya na kobhahööcha. Mbe, mubhe moriiköngʼi na ghotuukuunera amasari ghaanyu.

1 Abhakorinto 11:30

Gho ghiri iyo nikyo ghate yaanyu mbaanyi‑ho abhabhabharu bhaaru, koru abhande mbakuure.

1 Yohana 5:19

Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.

Abharuumi 3:19

Mbe, itu ntweche kubha, hano Amandëkö Amatööbhiyu ghakwërëkërëri egheghiro ghyokyose, ngakwërëkërëri abhaato bhano ꞉bhaahaabhuru Amandëkö ghayo. Hano Amandëkö ghakobhugha hangʼu, n‑kubha abhaato bhoose, Abhayahuuti na abhaato bha matöngö bhatabha na angʼana e ghwitachura hano Eryobha reghotenera ekiina ase, wiiki erighibhu haheero kubha, mbarëngʼaaniire ghoteneru ekiina.

Abharuumi 5:16

Wiiki mboonyi‑ho obhwahukani bhokoro ghate e tuho e ghareeya e Ryobha na ghano gharweriire kurëngʼaana ne eriisari re Ataamu. Hano eriisari rimu riire ꞉riiköruru na Ataamu, Eryobha ndeteniire ekiina abhaato na kobhaha anchagho. Amare hano amasari maaru ghaköruru na abhaato, Eryobha ndebhabhariire abhaato kubha mbaanyi no obhuhëënë ambërë yaache, gho ghiri e ghareeya yaache.

1 Abhakorinto 1:20

Ibheere hayi bhaanyi bhano tookobhugha kubha mbaanyi na amangʼiini? Hayi bhaanyi bhano tookobhugha kubha n‑abheeghi bha meghiro, koru abhaato bhano bheeche kuhakaana bhoheene chaasiko chino? Eryobha ndyërëkiri haheero kubha amangʼiini gha bhaato bhano bhataryeche, n‑gha ghighëëghë.

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

1 Abhakorinto 11:31

Aribha tongiisunchiri itu abheene, Eryobha retangatoteniire ekiina.

1 Abhakorinto 11:33

Gho ghayo, abhahiiri bhaane, hano moghwikomana kurë ekiinyakurë ke Mutëmi, mughanyane singa.

1 Timotewo 1:20

Ghate e bhaato bhayo naanyi‑mu Himenaayo, na Arekisanta. Abhaato bhayo nereheere Erishambu kubha bhabhönë ameeghi, bhatighe koretoka Eryobha.