1 Abhakorinto 10:32 - Eriiraghano Eriihë

³² Motanaaha omooto wowoose, bhabhe Abhayahuuti, hande abhaato bha matöngö, hamu eriikanisa re Ryobha.

1 Abhakorinto 10:32 Referans Kwoze

1 Abhakorinto 10:33

Mubhe kinya bhuno eni neenyi. Neghwiköngʼi ghuchömëri abhaato bhoose kwo mangʼana ghoose ghano neghuköra. Taanyi kubha neghuköra hangʼu, kubha nibhönë obhwëra eni mwene, amare neghuköra hangʼu kubha abhaato bhaaru bhabhönë obhwëra gho kubhöna obhotoori.

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

Abharuumi 14:13

Gho ghayo, totighe ghotenerana ekiina. Twishererani ghotigha ghuköra ghyokyose kino gheghughëri omokumi mughëndi wiito oghu kobhe hamu ghuköra amasari.

2 Abhakorinto 6:3

Totamuköriire omooto wowoose angʼana ino eghotora komuköra atukararere, kubha obhutamishi bhwito bhotaacha ghughambu kobhe.

1 Abhakorinto 8:13

Gho ghayo, aribha ekiinyakurë kino neekurë, ngeghughëri omokumi omughëndi waane akörë amasari, nteekurë koru hasuuhu ekiinyakurë kenga kiyo, kubha netaacha ghuköra omokumi omughëndi waane akörë amasari.

Amaköri gha Bhatomu 24:16

Gho ghayo, neghwiköngʼi chwee kubha no omotema omuchömu, etabha‑ho ngʼana ino eghunkörëra chaasoni ambërë e Ryobha.

1 Timotewo 3:15

Amare ndakëëchëra, ubhönë kumënya kino ghekwëndëru ghuköru mo‑riikanisa re Ryobha, naryo niryo erikinda re bhakumi bha Ryobha rino reenyi ihöru, ne eriikanisa niryo ambiro no obhoroso bho bhuhëënë.

1 Abhakorinto 11:22

Ibheere, motaanyi na chaaka chino moghotora kuraaghëra na kunyo? Ngwake moghutaraaha eriikanisa re Ryobha na kobhasooki bhano bhataanyi ne egheghiro? Nebhabhoorere ke? Nebhaghongi? Tiyaanyi! Nteekobhaghongi gho ghiri e mangʼana ghayo.

1 Timotewo 3:5

Aribha omooto ataaghotora kwimeererera aka yaache omwene, nibhu aghuköra atore kwimeererera abhakumi bha riikanisa re Ryobha?

Abhabhiribhi 1:10

kubha mubhönë ghoghiishereri ghaare ghaanyi gha hëënë. Hayo niho mookubha bheero, na motaanyi ni isörö mbagha orosiko ruure Kirisito aghugharuka.

1 Abhakorinto 1:2

ntokobhakëëri inyu abhaato bha riikanisa re Ryobha bhano moonyi mo‑moghya o Korinto. Eryobha ndebhahwire gho nchëra e Kirisito Yesu na kobhabherekera mubhe abhaato bhaache. Ntokobhakëëri inyu haghirohamu na abhaato bhoose bha chambaara choose bhano bhakomusabha Yesu Kirisito, uno niwe Omutëmi waabho no Omutëmi wiito itu bhoose.

1 Abhakorinto 7:17

Omooto woose amanye kurëngʼaana na kinya Omutëmi amurëngiire, wiiki mumanye kinya bhuno mobherekiiru ne Eryobha. Hangʼu nibhu nekuraghereri mo‑makanisa ghoose.

1 Abhakorinto 12:28

Eryobha ndetooriri abhaato mo‑riikanisa, a bhambërë abhatomu, na bha kabhere na abharööti, na bha ghatato n‑abheeghi. Wiiki ndetooriri bhano bhaghuköra ebheroghooro, na bhano bhaanyi ne ekihaano ghe kuhöri abhabhabharu, na ghe kobhatoori abhande, na ghe ghukangata, na ghe ghughamba ebhighambo ebhihë.

1 Abhakorinto 15:9

Eni m‑mosuuhu ghokera abhatomu bhoose, nteekurëngʼaanera koru kobherekeru omotomu, gho kubha ꞉neebhanyaakiri abhakumi bha Ryobha.

2 Abhakorinto 1:1

Anyaarubha ino neyandëkiri eni Bhawuro, omotomu o Kirisito Yesu kwo mënda gha Ryobha. Eni haghirohamu na Timotewo, mohiiri wiito mo‑bhokumi, ntokobhaandëkëra inyu bhano moonyi mo‑riikanisa re Ryobha re mo‑moghya o Korinto. Ntokobhaandëkëra inyu haghirohamu na abhaato bhoose bha Ryobha bhano bhaanyi mo‑mukööwa o Akaaya.

Abhagharatiya 1:13

Inyu mumariri kooghu kebhuno eriimanya reene reere hayo ekeenyuma, eriibhagha rino neere neraröönëra atiini yaane e Kiyahuuti. Mweche kebhuno ꞉neebhanyaakiri chwee abhaato bha riikanisa re Ryobha, na kwënda kobhasireekereri.

Abhabhiribhi 3:6

Wiiki ꞉niiköngʼiri chwee ghuköra ghano ꞉niituuriri kubha nigho Eryobha resiighiri. Kiyo nikyo ꞉ghiinköriri nekabharëëtëra Abhakirisito anyaako. Kwo mangʼana gha hëënë ighoro e meghiro, eni nteere ni isörö ryoryose.

1 Abhatesaronike 2:14

Bhahiiri bhiito, ghaare ꞉ghaabhabhwine abhaato bhano bhamokumiri Kirisito Yesu mo‑makanisa gha Ryobha mo‑mukööwa o Yuteya, nigho ghayo ghayo ˆghakabhabhöna na niinyu. Abhaato bhaanyu mbabhanyaakiri, bhuure bhuure kinya ibho Abhayahuuti bhaghëndi bhaabho ꞉bhaabhanyaakiri.