1 Abhakorinto 10:16 - Eriiraghano Eriihë

¹⁶ Ibheere, eriibhagha re kiinyakurë ke Mutëmi, hano tokonywera eghisënchö gho ghiri e koriitabheri Eryobha, totahaabha torasanga haghirohamu mo‑masaahë gha Kirisito? Wiiki, eriibhagha toghosuura omughaate na kurë, totahaabha torasanga haghirohamu omobhere o Kirisito?

1 Abhakorinto 10:16 Referans Kwoze

Amaköri gha Bhatomu 2:42

Abhaghëndi bha Yesu ꞉mbaaköngʼiiri mo‑bhughöötani bhuyo, bhareegha ameeghi gha bhatomu bha Yesu, na ghosuura omughaate haghirohamu, na korisabha Eryobha.

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Amaköri gha Bhatomu 2:46

Chaasiko choose mbaare bharatëmëërana haghirohamu Mwisëngërö. Mbaare bharasuura omughaate mo‑chanyumba cheebho, na kurë haghirohamu gho ghuchömëru na gho ghusambaaruka.

1 Abhakorinto 1:9

Eryobha ndeghuköra ghayo gho kubha n‑ihëënë. Iryo niryo rebhabherekiire inyu, mubhe no obhumu no Omoona waache Yesu Kirisito, Omutëmi wiito.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

Amaköri gha Bhatomu 20:7

Orosiko ro Chumabhiiri, toghiikomana, gho ghiri tosuure omughaate haghirohamu. Eriibhagha riyo Bhawuro aghasëëma ghosiikëra angʼana e Ryobha na abhaato, mbagha obhotiko bho ghate, gho kubha naare ariitëngʼëra atanure atabhoori yaache.

1 Abhakorinto 12:13

Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.

Amaköri gha Bhatomu 20:11

Akamara Bhawuro aghatiira mo‑kenyumba kiyo ki rëngö, aghasuura omughaate akarë. Akëëndërëra ghosiikëra mbagha bhooghake, niho aghatanura.

Ruuka 22:17

Yesu akiimoki eghisënchö ke divaayi, aghaghiitabheri, akabhaha, akabhugha, “Mwimoki moghuserane!

1 Abhakorinto 10:15

Neghosiikëra na niinyu bhano moonyi no obhongo, moghoochochani inyu bheene ghano neghosiikëra.