Tite 1:13 - Takarata pɛ Sɔ Mbombe Mbon

¹³ Wen ka wɛnɛ gbasa mɛgi, yo nê tɛwen. Hazu ɛngi, mɛ sɛn wen ha mbwa nɛkpasa tuka nde, mbwa akifiri tɛ ndari nzeng wal mɛ mɛkiri Sɔ.

Tite 1:13 Referans Kwoze

Tite 2:2

Mɛ tɔ ha hio koto wei nde, mbwa adung ngɛlɛlɛ, mbwa adung zio wi ha li wi fɛt, mbwa aba zu ha deamɔ pɛ mbwa, mbwa aba nɛ nɔa ha wal mɔ Sɔ, sila mbwa adon nɛ ngoy, nɛ mbwa adung nɛ yikosila.

1 Timothée 5:20

Mɛ sɛn wen ha hio *wan-de gdangamɔ ha li wi fɛt, tuka nde, ke ade hio mbinga.

Tite 2:15

Mɛ osi mɔ ndɔng ki ha hio wi, mɛ mbo mbwa, nɛ mɛ gay mbwa nɛ ziomɔ fɛt ka Sɔ haa ha mɛ. Ka ma wi ndang abhɛsiri mɛ na.

2 Timothée 4:2

mɛ abul wen pɛ Sɔ, nɛ mɛ abhɔn ha yo nɛ nɔa nging ha dede ngimɔ nɛ ha gdanga ngimɔ fin. Mɛ agbasi ha hio wi gdanga deamɔ pɛ mbwa, mɛ asɛn wen ha mbwa, nɛ mɛ ambo mbwa. Mɛ ade mɛgi nɛ wal osa mɔ Sɔ ha mbwa nɛ yikosila fɛt.

2 Korente 13:10

Sising, mi bo ha soko ɛnɛ na. Mɛgi, mi ngɛriki takarata ɛngɛ tomsi ha ɛnɛ yu nde, ha ngimɔ ka mi hinɛ ɛnɛ, mi betɛ sɛn wen nɛngaya ha ɛnɛ. Hazu, ziomɔ ka Sɔ haa ha mi, bo hazu bhondisi ɛnɛ na, ma, hazu gbakiri ɛnɛ.

1 Timothée 4:6

Ka mɛ osi mɔ ndɔng ki ha hio ya ha Jésus-Christ, mɛ bedung nê dede wan-tom pɛa. Deamɔ mɛgi beosi nde, mɛ ha daya tɛ mɛ nɛ wen mɛkaramɔ, nɛ fin nɛ dede osamɔ ka mɛ ndari.

1 Timothée 1:10

wan-de wanza, wei ka ɔnu hinɛ ma wa wei, wan-gdongi bala, wan-tɔ dalo, wan-kan wen dalo, nɛ wi ndɔng ka sungiri kpasa osamɔ.