Rome 9:1 - Takarata pɛ Sɔ Mbombe Mbon

¹ Mi nê wi pɛ Christ, mɛgi mi ha tɔa tɛwen. *Nzɔy-Sɔtɛ gbesi hinɛ ingɔmɔ sila pɔm ha kɛa wena. Wen ka mi betɔ sising, yo bo nê dalo na.

Rome 9:1 Referans Kwoze

1 Timothée 2:7

Yo nê hazu ɛngi, ka Jésus-Christ gdea mi wan-bul wen nɛ *wan-nɛtom pɛa. Mi ha tɔa nɛ tɛwen, yo bo nê dalo na. A gdea mi fin wan-osimɔ ka mi aosi goto mɛkaramɔ nɛ tɛwen ha hio wi ka bo nê *zuife na.

Rome 1:9

Sɔ ka mi de tom pɛa nɛ sila ndang, nɛ ka mi tɔ *Dede Wen tɛ Bewei pɛa, a ingɔ nde, mi ha takaramɔ hazu ɛnɛ

Galasi 1:20

Mi tɔ ha li Sɔ nde, mɔ ka mi ngɛriki ha ɛnɛ, yo bo nê dalo na.

Filipe 1:8

Sɔ nê wan-kɛwen pɔm nde, mi ngoya ɛnɛ fɛt nɛ ndangtɛ kpasa ngoy ka Jésus-Christ ngoya nɛ ɛnɛ.

2 Korente 11:10

Ha kandɔnu Akai fɛt, ma wi ndang lɛm dolsi mi mɛ sutɛ hazua na. Mi tɔ mɛgi nɛ wal tɛwen pɛ Christ ka dung ha tɛ mi.

Rome 8:16

Sɔtɛ ɛngɛ ha gbasa ha sɔtɛ ɔ nde, ɔ nê hio bem pɛ Sɔ.

1 Timothée 1:5

Goto mɔ ka mi haa nu ha mɛ mɛgi, yo nde, hio wi pɛ Christ angoy hio ma mbwa nɛ ngoy ka tɛ nɛ wal saa sila, nɛ wal dede ingɔmɔ sila, nɛ wal mɛkaramɔ ka bo nɛ dambari na.

1 Tesalonike 2:5

Ɛnɛ ingɔ nde, ɔ tɛ wolmɔ ha ɛnɛ nɛ mbɔlɛ na, nɛ ɔ tɛ ndɔmbili ɛnɛ hazu kpa ma mɔ ha kɔ ɛnɛ na. Sɔ nê wan-kɛwen pɛ ɔ.

2 Korente 12:19

Mana ngimɔ nɛzikoa, ɛnɛ ha takara nde, ɔ ha nganga tɛ ɔ ha li ɛnɛ nde? Way! Ɔ ha dea sɔy hinɛ Christ, nɛ ɔ ha wolamɔ ha li Sɔ. Ɔ ha tɔa mɔ ndɔng fɛt ha ɛnɛ, hio ndɔngsila ɔ, hazu gbakiri ɛnɛ ha wal mɔ Sɔ.

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

1 Timothée 5:21

Mi mbo mɛ ha li Sɔ, ha li Jésus-Christ nɛ ha li hio nzɔy *telenge nde, mɛ apam hio wen ndɔng. Ka mɛ agba soko wi na, nɛ ka mɛ ale gdong zu ma wi sungiri nɛ mbinga na.

2 Korente 11:31

Sɔ, Bafa mɛ Kongawan Jésus, ka lukosomɔ nê pɛa kpoo nɛ kpoo, wɛnɛ ingɔ nde, mi tɔ dalo na.

2 Korente 1:23

Mi lɛm hɔ fin ha Korente na, hazu mi ngoy mɛ ha ngɔtɛ ha ɛnɛ na. Mi ani ha Sɔ mɛ kɛ wen pɔm. Ka yo bo nê tɛwen na, ki wɛnɛ agbɛ mi.

Rome 2:15

Deamɔ pɛ hio wi ndɔng gbasi nde, Sɔ ngɛraka mbonga pɛa gde ha zang sila mbwa. Ingɔmɔ sila nɛ takaramɔ pɛ mbwa gbasi mɛgi fin. Hazu, ma ngimɔ, mɔ ndɔng ha osa ha mbwa nde, mbwa dea dedemɔ, nɛ ma ngimɔ nde, mbwa dea gdangamɔ.

Rome 9:2

Mi nɛ ngɔtɛ gdang, nɛ sila mi nɛ kɔsa ka lɛm mɛ kari na.