Rome 8:1 - Takarata pɛ Sɔ Mbombe Mbon

¹ Sising, Sɔ lɛm gɔn kita ba nɛ wi ndɔng ka de sɔy hinɛ Jésus-Christ, fin na.

Rome 8:1 Referans Kwoze

2 Korente 5:17

Mɛgi, wi ka de sɔy hinɛ Christ, tɛ bo nê mbombe wi. Mɔa mɔ pena, nɛ mbombe mɔ hɔa kari.

Galasi 3:13

Christ gbosasa ɔ ha si fomi pɛ mbonga. A guo yo ha zu ɔ gde ha zu wa. Tuka takarata pɛ Sɔ tɔa: «Fomi baa wi ɛngɛ ka ɛ gɛsa ha te.»

Rome 5:1

Ey, Sɔ gdea ɔ nzeng ha li wa hazu ɔ mɛkara wɛnɛ. Mɛgi, sising, ɔ tɛ bo nɛ gaamɔ ha soko ɔ hinɛ wɛnɛ nɛ wal mɔ ka *Kongawan pɛ ɔ, Jésus-Christ, dea.

1 Korente 1:30

Ma, yo nê Sɔ ha de nde, ɛnɛ ade sɔy hinɛ Jésus-Christ, ka tɛ bo nê mbaramɔ pɛ Sɔ hazu ɔ. Yo nê wɛnɛ ka gdea ɔ nzeng ha li Sɔ, ka gdea ɔ nɛtɛ hazu dung nê nzɔy kandɔ pɛ Sɔ, nɛ ka yanga ɔ ha si gdangamɔ.

Rome 8:34

Mɛgi, ma wi ndang ka lɛma mɛ gɔn kita ba nɛ mbwa bona. Hazu Jésus-Christ fea gɔn zu mbwa kari. Nɛ pen mɔ fɛt, Sɔ guo wɛnɛ ha soko hio fiowi yunɛ. Wɛnɛ ha dungɔnu ha lɛkɛ-lɛkɛ bhandi ha wekɔ Sɔ, nɛ wɛnɛ ha gɔa Sɔ ha olo nu ɔ.

Jean 5:24

«Kpasawen, mi tɔ ha ɛnɛ nde, wi ka ze wen pɔm nɛ ka mɛkiri Sɔ ka tomsa mi, a bedung nɛ *tunɔ kpoo. Sɔ lɛm gɔn kita ba wɛnɛ fin na. Mɛgi, wia laka fio gde kari, nɛ a tɛ bo nɛ tunɔ.

Jean 15:4

Ɛnɛ bhɔn ha tɛ mi gbesi tuka ka mi bhɔn nɛ ha tɛ ɛnɛ. Gbakɔ te ka bhɔn ha tɛ gunte na, yo lɛm way gbatɛ na. Yo gbesi nê ɛnɛ fin. Ka ɛnɛ bhɔn ha tɛ mi na, ki ɛnɛ lɛm de ma mɔ na.

Filipe 3:9

nɛ dung tɛ ndang hinɛ wɛnɛ. Mi bo nzeng ha li Sɔ hazu mi ha pama mbonga na, ma, mi tɛ bo nzeng hazu mi mɛkara Christ. Yo nɛ wal mɛkara Christ, ka Sɔ gde wi nzeng ha li wa.

Rome 8:14

Wi ndɔng fɛt ka ndari wal ka Nzɔy-Sɔtɛ osi ha mbwa, mbwa nê hio bem pɛ Sɔ.

1 Korente 15:22

Hio wi fɛt befe hazu mbwa fɛt nê sɔy pɛ Adam. Gbesi tuka ɛngi, wi fɛt ka de sɔy hinɛ Christ bekpa fin tunɔ nɛ mbinga.

Galasi 5:16

Mi mbo ɛnɛ mɛ de mɔ fɛt nɛ wal ngatɛ pɛ Nzɔy-Sɔtɛ. Ka ɛnɛ de mɛgi, ɛnɛ lɛm de fin mɔ ka ndɔkitɛ ɛnɛ ngoya na.

Rome 8:4

Sɔ dea mɛgi tuka nde, ɔ adung nɛ ngatɛ mɛ de mɔ lɛm nɛ mɔ ka mbonga ani mɛ de. Ɔ bo fin ha dea mɔ nɛ tɛ ɔ na, ma, ɔ de mɔ nɛ wal ngatɛ pɛ Nzɔy-Sɔtɛ.

Rome 8:39

ngase hio mɔ ha kuso ngɔn, ngase hio mɔ ha si nu fɛt lɛm kɛtini soko ɔ hinɛ ngoy pɛ Sɔ na. A gbasa ngoy ɛngɛ nɛ wal *Kongawan pɛ ɔ, Jésus-Christ.

Galasi 5:25

Yo nê Nzɔy-Sɔtɛ ka haa tunɔ ha ɔ. Mɛgi lɛma nde, ɔ ade kanɛ mɔ ka wɛnɛ osi ha ɔ.

Galasi 3:28

Mɛgi, gbaa soko kandɔ *zuife nɛ olo kandɔ bo fin na. Gbaa soko bala nɛ bele bo fin na. Gbaa soko wei nɛ bhoko bo fin na. Ha dea sɔy hinɛ Jésus-Christ, ɛnɛ fɛt tɛ bo nê wi ndang.

Jean 14:20

Nɛ ha swe ɛngi, ɛnɛ being nde, mi ang ha tɛ Bafa mi, nɛ nde, ɛnɛ ang ha tɛ mi, nɛ mi ang ha tɛ ɛnɛ.

Rome 7:20

Ka mi ha dea mɔ ka mi ngoy na, yo bo nê mi nɛ pɔm tɛ ka de mɔ mɛgi na, ma, yo nê gdangamɔ ka de le ha tɛ mi ha de yo.

Rome 7:17

Mɛgi, yo bo nê mi nɛ pɔm tɛ ka de mɔ mɛgi na, ma, yo nê gdangamɔ ka de le ha tɛ mi ha de yo.

2 Korente 12:2

Mi ingɔ ma wi pɛ Christ ndang, ka Sɔ lesasa wɛnɛ ha zang kuso bhele-bhele ngɔn. Yo tɛ bo nê bɛlɛ bhukɔ gbala nar mɛsɛ. Mana yo dungɔ nê lisɔ ka wɛnɛ zɔka, mana a nɛa nɛ kilitɛ wa, mi ing sokoa na. Sɔ ndang ha ing yo.

Rome 16:7

Ɛnɛ fan hio nam pɔm, Andronikus hinɛ Yunias, ka badung hinɛ mi ha zang twa zɔbhɔ. Mbwa bwa fɛt nê hio *wan-nɛtom ka hio wi tɔ dede lingtɛ mbwa pentɛ. Nɛ mbwa mɛkara Christ sɔngsi nɛ mi.

Rome 16:3

Ɛnɛ fan Priscille hinɛ Akilas, hio sɔy-tom pɔm ha tom pɛ Jésus-Christ.

Rome 5:16

Dedemɔ pɛ Sɔ nɛ gdangamɔ pɛ wi ndang, tom pɛ mɔ ndɔng bwa nɛtɛ-nɛtɛ. Kita pɛ Sɔ ha zu gdangamɔ ɛngɛ dea nde, hio wi fɛt adung ha si kita pɛa. Ma, dedemɔ ka Sɔ dea ha tɛ hio wi, ngase ka mbwa dea gdangamɔ nɛdɔka, yo gdea mbwa nzeng ha li wa.

Rome 8:2

Hazu *mbonga ɛngɛ ka tɛ nɛ wal Nzɔy-Sɔtɛ, yo ha tunɔ ha wi ka de sɔy hinɛ Jésus-Christ. Mbonga ɛngɛ gbosasa mi ha si mbonga pɛ gdangamɔ, ka gde wi ha fio.

Rome 8:9

Ka bo nê pɛ ɛnɛ, ka ɛnɛ ade mɔ nɛ tɛ ɛnɛ na, ma, ɛnɛ de mɔ nɛ Nzɔy-Sɔtɛ pɛ Sɔ, hazu Sɔtɛ ɛngɛ ha dea le ha tɛ ɛnɛ. Ka Sɔtɛ pɛ Christ de le ha sila ma wi na, wia bo nê pɛ Christ na.

Rome 8:11

Nɛ wal Nzɔy-Sɔtɛ pɛa, Sɔ guo Jésus ha soko hio fiowi. Nɛ Sɔtɛ ɛngɛ ha dea le ha sila ɛnɛ. Yo ngoy tɔ nde, Sɔ ka guo Christ ha soko hio fiowi, a begde bin tɛ ɛnɛ ka befe, nɛ zutunɔ. A bede mɛgi nɛ wal Sɔtɛ pɛa ka de le ha sila ɛnɛ.

Galasi 3:26

Kpasawen, ɛnɛ fɛt tɛ bo nê hio bem pɛ Sɔ nɛ wal mɛkaramɔ ka ɛnɛ mɛkara nɛ Jésus-Christ.

Efeze 1:1

Yo nê mi Paul ka Sɔ nɛ pɛa tɛ weka tuka *wan-nɛtom pɛ Jésus-Christ, mi ngɛriki takarata ɛngɛ tomsi ha ɛnɛ, hio wi pɛ Sɔ mɔ le Efeze, ɛnɛ ka dung nɛ mboazu ha dea sɔy hinɛ Jésus-Christ.