Rome 7:7 - Takarata pɛ Sɔ Mbombe Mbon

⁷ Ɔ betɔ nde ge? Ɔ betɔ nde, mbonga nê gdangamɔ nde? Way! Yo bo nê gdangamɔ na. Ma, yo nê mbonga ka osi ha mi mɔ ka dung nê gdangamɔ. Mbonga tɔa nde: «Ka mɛ agol mɔ pɛ ma mɛ na.» Ka bo se nde, mbonga atɔ mɛgi na, ki mi tɛ ing nde, golamɔ nê gdangamɔ, na.

Rome 7:7 Referans Kwoze

Rome 3:20

Nɛ wal dea mɔ lɛm nɛ wen mbonga, ma wi ndang lɛm dung nzeng ha li Sɔ na. Mbonga ha sɔna nɛ wal ha hio wi mɛ ing nde, mbwa fɛt ha dea gdangamɔ.

Rome 4:15

Hio wi ha kimbolo mɛ pam mbonga pɛ Moïse gan, yo nê ɛngi ka mbwa lɛm nɛ ngambi pɛ Sɔ. Yo sɔna ha bhandi ka mbonga bo ang na, ka hio wi lɛm tukili yo na.

1 Korente 15:56

Fio kpa ngatɛ mɛ gbɛ hio wi nɛ wal gdangamɔ ka mbwa de. Nɛ gdangamɔ kpa ngatɛ nɛ wal *mbonga.

Rome 13:9

Kpasawen, hio wen mbonga tɔa nde, «Ka mɛ ade wanza na, ka mɛ agbɛ wi na, ka mɛ azu mɔ na, ka mɛ agol mɔ na.» Hio wen mbonga ndɔng nɛ hio mbinga fɛt, wesara may ha zang ndanga mbonga ka tɔ nde, «Mɛ ngoy ma mɛ tuka tɛ mɛ.»

Rome 7:8

Tuka wen mbonga osa gdangamɔ mɛgi kari, gdangamɔ kpaa wal mɛ de tom ha tɛ mi, nɛ mi angara gola hio tili mɔ fɛt. Mbonga abo se na, ki gdangamɔ bo nɛ ziomɔ ha zu mi na.

1 Tesalonike 4:5

Hio *bhilo ka ing Sɔ na, mbwa gde tɛ mbwa ha hɛl multɛ. Ka ɛnɛ ade mɛgi na.

Rome 3:5

Hio ma wi ha tɔa nde, ka deamɔ pɛ mbwa bo nzeng na, yo nê ma dedemɔ, hazu ɛngi osi long nde, deamɔ pɛ Sɔ nɛ nzeng. Mɛgi, mbwa bhɔna ha tɔa nde, ka Sɔ bendulsi mbwa ha li kita pɛa, wɛnɛ bo fin nɛ nzeng na.

Kolose 3:5

Hazu ɛngi, ɛnɛ aku mɔ nzan fɛt ka dung ha sila ɛnɛ gde ha fio. Mɔ nzan ndɔng nde: Dea wanza, dea mɔ nyɛl, golamɔ multɛ, dea wɔ gdangamɔ, nɛ dea hɛl kpaamɔ. Kpasawen, hɛl kpaamɔ, yo gbesi tuka dea tom gbele sɔ.

Efeze 5:3

Ɛnɛ tɛ bo nê hio wi pɛ Sɔ. Mɛgi, dea nde, ɛ aze ha soko ɛnɛ wen dea tili wanza, mana dea mɔ foy nɛtɛ-nɛtɛ, mana dea wɔ kpaamɔ fin na.

Rome 7:13

Mi ani mɔ nde, mbonga ka dung nê dedemɔ, kpala tɛ dung nê mɔ gbɛ mi nde? Way! Yo bo mɛgi na. Ma, yo nê gdangamɔ ha gbɛ mi. Gdangamɔ kuo dedemɔ ɛngɛ gbɛ nɛ mi. Nɛ wal ɛngi, hio wen mbonga osa long nde, gdangamɔ nê tɛ kpasa gdangamɔ.

Rome 7:11

Hazu nɛ wal wen mbonga, gdangamɔ kpaa wal mɛ osili mi. Nɛ gdangamɔ kuo wen mbonga hazu gbɛ nɛ mi.

Rome 7:5

Sɔngsi, ha ngimɔ ka ɔ bade mɔ tuka sila ɔ ngoya, ɔ badung nɛ hɛl mɛ de hio ngbak gdangamɔ ndɔng ka mbonga kafi mɛ de yo. Hɛl dea mɛgi dea tom ha gbakɔtɛ ɔ fɛt, nɛ yo daka ɔ nɛnɛ ha fio.

Rome 6:15

Ɔ bo fin ha si *mbonga na, ɔ dung ha si *dede sila pɛ Sɔ. Mana ɛngi ngoy mɛ tɔ nde, ɔ ade gdangamɔ, nde? Way! Yo bo mɛgi na.

Rome 4:1

Mɛgi, ɔ betɔ nɛ nge wen hazu Abraham, ngbabafa mɔ kandɔ pɛ ɔ, ge nde? A bakpa nge mɔ ge nde?

Deamɔ 20:33

Mi tɛ de wɔ ngase mbɔli, ngase gbɛbolo, ngase latɛ pɛ ma wi na.

Dede Wen hazu Jésus-Christ ka Luc ngɛraka 12:15

Nɛ Jésus tɔa ha hio wi fɛt: «Ɛnɛ pangay nɛ dea hɛl dɔka kpaamɔ, hazu goto tunɔ pɛ wi bo nɛ kpaamɔ na, ngase ka kpaamɔ pɛa yɛbha.»

Matthieu 5:28

Ma, pɔm, mi tɔ ha ɛnɛ nde, wi ka zɔk ma bhoko hazu de li wa, dea wanza hinɛ wɛnɛ ha zang sila wa kari.

Dede Wen hazu Jésus-Christ ka Luc ngɛraka 20:16

Wɛnɛ benɛ nɛ gbɛ hio wan-tom fɔ, nɛ ku fɔ ɛngɛ gde ha kɔ hio ma mbingwi.» Ka hio giliwi zea mɛgi, mbwa tɔa: «Way, ka mɔ ɛngɛ ahɔ na!»

Rome 5:20

Sɔ baha mbonga ha Moïse tuka nde, dea gdangamɔ pɛ hio wi ayɛbhi. Ma, ha bhandi ka gdangamɔ yɛbha ang, Sɔ dea dede sila ha tɛ hio wi haki pen mɔ sɔngsi fin.

Hebro 7:19

Kpasawen, mbonga pɛ Moïse tɛ lɛmsiri ma mɔ ndang na. Ma, sising, ma mɔ hɔa ka dung nɛ dedea pen mɔ sɔngsi. Ɔ lɛma gde tazu ɔ ang hazu yo gbosasa wal mɛ tiki nɛ sanga-sanga hapɛtɛ Sɔ.