Rome 6:12 - Takarata pɛ Sɔ Mbombe Mbon

¹² Ɛnɛ agdɔki wal ha gdangamɔ mɛ gan zu kilitɛ ɛnɛ ka befe bin, yu nde, ɛnɛ betɛ de mɔ tuka wɔ kilitɛ ɛnɛ ngoya.

Rome 6:12 Referans Kwoze

Galasi 5:16

Mi mbo ɛnɛ mɛ de mɔ fɛt nɛ wal ngatɛ pɛ Nzɔy-Sɔtɛ. Ka ɛnɛ de mɛgi, ɛnɛ lɛm de fin mɔ ka ndɔkitɛ ɛnɛ ngoya na.

Rome 6:16

Ɛnɛ ingɔ nɛdedea nde, wi ka ɛnɛ mɛkiri mɛ ze nu wa tuka wan pɛ ɛnɛ, ɛnɛ tɛ bo nê bala pɛa. Ɛngɛ tɔ nde, ka ɛnɛ mɛkiri mɛ dung ha si gdangamɔ, yo bedak ɛnɛ pi ha fio. Ma, ka ɛnɛ mɛkiri mɛ ze nu Sɔ, wɛnɛ begde ɛnɛ nzeng ha li wa.

Rome 8:13

Ka ɛnɛ de mɔ nɛ tɛ ɛnɛ, ɛnɛ befe. Ma, ka ɛnɛ gbɛ hio gdanga ndɔkitɛ ɛnɛ nɛ wal ngatɛ pɛ Nzɔy-Sɔtɛ, ɛnɛ bedung nɛ zutunɔ.

Galasi 5:24

Hio wi pɛ Jésus-Christ gbɛa hio gdanga hɛl ndɔkitɛ mbwa fɛt ha getakate.

2 Korente 4:11

Ha ngimɔ tunɔ pɛ ɔ fɛt, ɔ dung ha li fio hazu Jésus, tuka nde, tunɔ pɛa agbasi fin tɛ ha tɛ ɔ ka befe.

2 Timothée 2:22

Mɛ ayu hio hɛl ka ba sila pɔlɔmbɔ wi. Mɛ ki wal mɛ de mɔ nzeng, mɛ mɛkiri Christ nɛkpasa, mɛ ngoy ma mɛ, nɛ mɛ dung nɛ gaamɔ hinɛ wi ndɔng ka gɔ Kongawan nɛ saa sila.

Efeze 4:22

Mɛgi, ɛnɛ lak mɔa ndɔki deamɔ pɛ ɛnɛ gde. Ey, ɛnɛ kpɔsi mɔa tɛ wi, ka de mɔ lɛm nɛ gdanga golamɔ. Golamɔ ndɔng ha osala ɛnɛ, nɛ yo bebhondisi ɛnɛ.

Rome 2:8

Ma, ka bo nê pɛ wi ndɔng ka zɔk sɔna nɛ tɛ mbwa, ka kafi tɛwen, nɛ ka nak pata gdangamɔ, Sɔ bede ngambi sungiri nɛ mbwa, nɛ a bendulsi mbwa.

1 Pierre 2:11

Hio ndɔngsila mi, ɛnɛ ha nzan tuka hio gɔn-gɛnɛ wi. Mɛgi mi mbo ɛnɛ nde, ka ɛnɛ ade fin hɛl mɔ multɛ na, hazu yo ha bio bulo sungiri nɛ sɔtɛ ɛnɛ.

Tite 2:12

Nɛ wal dede sila pɛa, Sɔ osi mɔ ha ɔ nde, ɔ alak gdanga deamɔ nɛ hio wɔ mɔ nzan gde. Ha nzan ɛngɛ sising, lɛma nde, ɔ aba zu ha deamɔ pɛ ɔ, nɛ ɔ ade mɔ nzeng nɛ mboazu ha li Sɔ.

Efeze 2:3

Ɔ fɛt, ɔ badung fin gbesi tuka mbwa. Ɔ badung ka fin ha dea mɔ ka multɛ ɔ ngoya. Ɔ badung ha gdea tɛ ɔ ha hio mɔ ka multɛ nɛ sila ɔ gola. Hazu ndɔkitɛ ɔ dungɔ mɛgi, ɔ lɛma nɛ ngambi pɛ Sɔ tuka hio olo wi fɛt.

Jude 1:18

Mbwa batɔ ha ɛnɛ nde, ha kpogio ngimɔ, hio ma wi ka ing Sɔ na, bemam ɛnɛ, nɛ mbwa bede gdangamɔ tuka sila mbwa ngoya.

1 Pierre 1:14

Ɛnɛ ze nu Sɔ hazu ɛnɛ nê hio bem pɛa. Sɔngsi, ha ngimɔ ka ɛnɛ tɛ ze ka *Dede Wen na, ɛnɛ dungɔ ha gdea tɛ ɛnɛ ha gola hio gdangamɔ. Ma, sising, ka ɛnɛ ade mɔ mɛgi fin na.

Tite 3:3

Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

1 Tesalonike 4:5

Hio *bhilo ka ing Sɔ na, mbwa gde tɛ mbwa ha hɛl multɛ. Ka ɛnɛ ade mɛgi na.

Rome 13:14

Ma, ɛnɛ aku *Kongawan Jésus-Christ tuka mɔ-bibulo pɛ ɛnɛ. Ka ɛnɛ agde tɛ ɛnɛ ha hio wɔ tɛ ɛnɛ na.

Rome 8:11

Nɛ wal Nzɔy-Sɔtɛ pɛa, Sɔ guo Jésus ha soko hio fiowi. Nɛ Sɔtɛ ɛngɛ ha dea le ha sila ɛnɛ. Yo ngoy tɔ nde, Sɔ ka guo Christ ha soko hio fiowi, a begde bin tɛ ɛnɛ ka befe, nɛ zutunɔ. A bede mɛgi nɛ wal Sɔtɛ pɛa ka de le ha sila ɛnɛ.

Rome 6:14

Lɛma nde, gdangamɔ adung fin nɛ wan hazu ɛnɛ na, hazu ɛnɛ dung ha si dede sila pɛ Sɔ, bo fin ha si *mbonga na.

Rome 5:21

Sɔngsi, gdangamɔ dungɔ nɛ ngatɛ mɛ gde hio wi ha fio. Sising, dede sila pɛ Sɔ nɛ ngatɛ mɛ gde hio wi nzeng ha li wa. Sɔ ha dea dede sila ha tɛ ɔ mɛgi nde, ɔ akpa *tunɔ kpoo nɛ wal *Kongawan pɛ ɔ, Jésus-Christ.

Jude 1:16

Wi ndɔng nê nakɛkiri wen ka tɔ tɛ swe fɛt. Mbwa de mɔ fɛt tuka sila mbwa ngoya. Mbwa ha tɔa wen sutɛ nɛ ha ndɔmbala hio wi nɛ zɛng gɛl hazu ku nɛ mɔ ha kɔ mbwa.»

2 Korente 5:4

Ha ngimɔ fɛt ka ɔ ha zang gbamsa, ɔ ha gɔfa hazu yo ha yimtɛ nɛ yeksamɔ ha ɔ pentɛ. Yo bo nde, ɔ ngoya gbo ha zang gbamsa ɛngɛ na, ma, ɔ ngoya le ha zang mbombe twa mɔ ngɔn, tuka nde, mɔ ka befe akifiri ha mɔ ka bebhɔn nɛ zutunɔ.