Rome 4:11 - Takarata pɛ Sɔ Mbombe Mbon

¹¹ Abraham mɛkara Sɔ, nɛ Sɔ zɔka wɛnɛ tuka nzeng wi, gde a tɛ gɔn ka sɔru wa na. Sɔ haa nu ha wɛnɛ mɛ gɔn sɔru wa, hazu gde ma sali ha tɛ wa ka osi nde, a mɛkara Sɔ kari. Mɛgi Abraham tɛ bo nê bafa mɛ hio wan-sɔru fɛt ka mɛkara Sɔ, nɛ ka Sɔ gdea mbwa nzeng ha li wa.

Rome 4:11 Referans Kwoze

Rome 3:22

Wi ka mɛkiri Jésus-Christ, Sɔ begde wɛnɛ nzeng ha li wa. Sɔ gbosasa wal ɛngi ha wi ndɔng fɛt ka mɛkiri Jésus-Christ. A gba pɛa soko wi na.

Dede Wen hazu Jésus-Christ ka Luc ngɛraka 19:9

Nɛ Jésus tɔa ha wɛnɛ: «Swe mɛsɛ, Sɔ kpasasa hio wi mɔ twa pɛ mɛ, hazu mɛ fin nê bezang pɛ Abraham.

Hebro 11:7

Nɛ wal mɛkara Sɔ, Noe zea nu Sɔ, ka gbaa tazu wa nɛ mbengli ka behɔ. Ngase ka wɛnɛ tɛ zɔk ka mbenglia na, a dea gasa kuga. Nɛ wɛnɛ hinɛ hio nam pɛa kpasa ang. Nɛ wal dea mɛgi, a gɔna kita ha zu hio wi mɔ nzan, nɛ a tɛ bo nzeng ha li Sɔ nɛ wal mɛkara wɛnɛ.

2 Korente 1:22

A gɔna dafu pɛa ha tɛ ɔ hazu osi nde, ɔ tɛ bo nê hio wi pɛa. A donsa sila ɔ nɛ *Nzɔy-Sɔtɛ hazu osi nde, a beha ɔ mɔ fɛt ka wɛnɛ gɔna nua.

Filipe 3:9

nɛ dung tɛ ndang hinɛ wɛnɛ. Mi bo nzeng ha li Sɔ hazu mi ha pama mbonga na, ma, mi tɛ bo nzeng hazu mi mɛkara Christ. Yo nɛ wal mɛkara Christ, ka Sɔ gde wi nzeng ha li wa.

Efeze 4:30

Nɛ ka ɛnɛ aha ngɔtɛ ha Nzɔy-Sɔtɛ pɛ Sɔ na. Hazu Nzɔy-Sɔtɛ dung tuka dafu ka Sɔ gɔna ha tɛ ɛnɛ hazu osi nde, ɛnɛ nê pɛa, nɛ nde, ma swe ndang, a beyangi ɛnɛ ha si gdangamɔ fɛt.

Efeze 1:13

Sising, ɛnɛ fin zea tɛwen. Yo nde, ɛnɛ zea *Dede Wen ka tɔ nde, Sɔ ngoy kpasisi ɛnɛ. Nɛ ɛnɛ mɛkara Christ. Yo nê ɛngi ka Sɔ gɔna dafu ha tɛ ɛnɛ kari. Ɛngi osi nde, ɛnɛ tɛ bo nê hio wi pɛa. Dafu ɛngɛ nê Nzɔy-Sɔtɛ ka Sɔ bagɔn nua mɛ ha ha ɔ.

Galasi 6:16

Hio wi ndɔng ka de mɔ lɛm nɛ osamɔ ɛngɛ, gaamɔ pɛ Sɔ nɛ *dede sila pɛa adung hinɛ mbwa, nɛ fin hinɛ hio wi mɔ kandɔ pɛa fɛt.

Galasi 5:5

Pɛ ɔ, ɔ gde tazu ɔ nɛ wal *Nzɔy-Sɔtɛ ha tɛ Sɔ nde, wɛnɛ begde ɔ nzeng ha li wa hazu ɔ mɛkara Christ. Nɛ ɔ ha kera mɔ ɛngɛ nɛ sila ɔ fɛt.

Galasi 3:29

Ka ɛnɛ nê hio wi pɛ Christ, ɛnɛ tɛ bo nê hio bezang pɛ Abraham. Mɛgi, Sɔ beha ha ɛnɛ hio dedemɔ fɛt ka wɛnɛ bagɔn nua ha Abraham.

Galasi 3:22

Ma, takarata pɛ Sɔ tɔa nde, hio wi mɔ nzan fɛt nê bala ha si gdangamɔ. Mɔ dung mɛgi tuka nde, hio wi ka mɛkiri Jésus-Christ, mbwa akpa dedemɔ ka Sɔ gɔna nua, nɛ wal mɛkaramɔ pɛ mbwa.

Galasi 3:7

Hazu ɛngi, ɛnɛ aing nde, hio ngbak bezang pɛ Abraham, yo nê hio wi ndɔng ka mɛkiri Sɔ.

Rome 10:11

Yo gbesi tuka ɛ ngɛraka ha takarata pɛ Sɔ nde: «Wi ndang ndang fɛt ka mɛkiri wɛnɛ, foy lɛm de mbwa na.»

Rome 10:6

Ma, wen hazu wi ndɔng ka dung nzeng ha li Sɔ nɛ wal mɛkara wɛnɛ, yo nde: «Mɛ akarsi anamɔ nde, o ha bedang si ha ngɔn, o nde?» Hazu, danga si ha ngɔn mɛ ku Christ zil nɛ, yo lɛm fin na.

Rome 10:4

Yo nê Christ ka lɛmsara goto mbonga pɛ Moïse. Hio wi fɛt ka mɛkiri Christ tɛ bo nê *nzeng wi ha li Sɔ.

Jean 6:35

Jésus tɔa ha mbwa: «Yo nê mi ka dung yɔngamɔ ka ha tunɔ. Wi kɛ ka tɛ ha pɔm, wɔ yɔngamɔ lɛm de wɛnɛ fin na. Nɛ wi ka mɛkiri mi, wɔ li lɛm de wɛnɛ fin ndang na.

Gbasamɔ 9:4

Ɛ haa mbwa nu nde, mbwa agdangsi ngase bɛlɛ ha zu nu na, ngase ma bhɔyamɔ ndang na, ngase ma te ndang na. Ma, lɛma nde, mbwa ade gdangamɔ sɔna ha tɛ hio wi ndɔng ka bo nɛ dafu pɛ Sɔ ha sɔngsi mbwa na.

2 Pierre 1:1

Yo nê mi, Simon-Pierre, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ fin *wan-nɛtom pɛa. Sɔ pɛ ɔ, nɛ *Wan-kpasisi ɔ, Jésus-Christ nɛ nzeng. Yo nê hazu ɛngi, ka ɔ hinɛ ɛnɛ fɛt gbesi, kpaa dede wal mɛ mɛkiri wɛnɛ.

Rome 9:30

Mɛgi ɔ betɔ nde ge? Hio wi ndɔng ka bo nê zuife na, nɛ ka tɛ ki wal mɛ dung nzeng ha li Sɔ na, mbwa tɛ bo nzeng ha li Sɔ nɛ wal mɛkara Christ.

Rome 9:6

Wen ka mi tɔ ha ɛnɛ, yo bo nde, gɔnanu pɛ Sɔ tɛ bo nê gbelemɔ, na. Ma, yo bo nê hio kandɔ pɛ Israel fɛt ka dung nê tɛ kpasa kandɔ pɛ Sɔ, na.

Jean 8:33

Mbwa kiforo wen ha wɛnɛ: «Ɔ nê hio bezang pɛ Abraham. Ɔ tɛ de tom bala ha si ma wi ma swe ndang na. Ma, mɛ de mɛng mɛ tɔ nde, ɔ begbo ha tom bala ge?»

Jean 6:47

Mi tɔ kpasawen ha ɛnɛ nde, wi ka mɛkiri mi, bedung nɛ tunɔ kpoo.

Jean 6:40

Bafa mi ngoya nde, wi ndang ndang fɛt ka zɔk Bewei pɛa, nɛ ka mɛkiri wɛnɛ, akpa tunɔ kpoo. Nɛ mi betunsi mbwa ha soko hio fiowi ha kpogio ngimɔ.»

Jean 3:36

Wi ka mɛkiri Bewei, wɛnɛ nɛ *tunɔ kpoo. Ma, wi ka ze nu Bewei na, a lɛm kpa tunɔ na. Ma, ngambi pɛ Sɔ bebhɔn ha zu wa.»

Matthieu 16:16

Simon-Pierre kiforo wen: «Mɛ nê Mesi, Bewei pɛ tunɔ Sɔ.»

Matthieu 8:11

Ma, mi tɔ ha ɛnɛ nde, dɔka wi begutɛ ha wal gutɛ swe, nɛ ha wal ɔnu swe, nɛ mbwa bewesiri may ha yɔngamɔ hapɛtɛ tabolo hinɛ Abraham, Isaac nɛ Jacob ha *Kongakandɔ Ngɔn.

Rome 9:33

ka Sɔ tɔa wena ha takarata pɛa: «Zɔk mi ha gdea ta kɔ nanga ha le *Sion, gasa ta ɛngɛ ha teksi hio wi. Ma, wi ka mɛkiri ta ɛngɛ, foy lɛm de wɛnɛ na.»

Jean 3:33

Wi ka mɛkiri wen pɛa, mɛkiri nde, Sɔ nê wan-tɔ tɛwen.

Rome 3:30

Hazu, Sɔ ka nê ndang sɔna. Wi ka mɛkara Jésus, mana wia nê zuife, mana wia bo nê zuife na, Sɔ begde wɛnɛ nzeng ha li wa.

Rome 4:10

Ɔ ani mɔ fin nde, Sɔ dea mɛgi sɔngsi ing ki Abraham tɛ gɔn sɔru wa, mana ha pata? Ey, Sɔ dea mɛgi sɔngsi ing ki Abraham tɛ gɔn sɔru wa.