Rome 2:2 - Takarata pɛ Sɔ Mbombe Mbon

² Ɔ fɛt, ɔ ingɔ nde, hio wi ndɔng ka de tili mɔ mɛgi, Sɔ begɔn kita ha zu mbwa lɛm nɛ tɛwen.

Rome 2:2 Referans Kwoze

Gbasamɔ 19:2

Wɛnɛ ha gɔna kita nzeng lɛm nɛ tɛwen! Hazu, a gɔna kita ba nɛ gasa bhoko-de wanza ɛngɛ, ka gdangsa hio wi mɔ zu nu nɛ dea wanza pɛa. A kundoko hio wan-tom pɛa, ka tɔktɛ mbwa ndara ha kɔ bhoko ɛngɛ.»

Gbasamɔ 16:5

Nɛ mi zea gɛl telenge ɛngɛ ka dung nɛ ziomɔ ha zu hio li, a tɔa: «Mɛ ka gɔna kita mɛgi, mɛ nɛ nzeng. Mɛ nê nzɔy wi, ka dung ang, nɛ ka badung ang.

Rome 9:14

Mɛgi, ɔ betɔ nde, Sɔ bo nzeng na? Way! Yo bo mɛgi na.

Rome 2:5

Ma, mɛ ha ngasasa sila mɛ, nɛ mɛ ngoy kifiri sila mɛ na. Yo nê ɛngi ka mɛ kay ngambi pɛ Sɔ gde ha zu mɛ keri nɛ swe kita pɛa, ka wɛnɛ begbasi ngambi pɛa, nɛ ka wɛnɛ begɔn kita nzeng.

Deamɔ 17:31

Hazu a weka ma yala, ka wɛnɛ begɔn nzeng kita ha zu hio wi mɔ nzan fɛt. A weka wan-gɔn kita ɛngɛ kari, nɛ a gbasa wɛnɛ long nɛ wal guo wɛnɛ ha soko hio fio wi.»

Rome 2:1

Mɛ ka gɔn kita ha zu hio ma mɛ, ngase mɛ dung mɛng, mɛ bo nɛ ma wen hazu ngangi nɛ tɛ mɛ na. Hazu mɛ fɛt, mɛ ha dea ndangtɛ gdangamɔ tuka mbwa. Mɛgi, ka mɛ gɔn kita ha zu mbwa, mɛ gɔn nɛ kita ha zu mɛ nɛ pɛ mɛ tɛ.

Rome 2:3

Mɛ ha gɔna kita ha zu hio wi ka de gdangamɔ, ma, mɛ ha dea ndangtɛ mɔ fin gbesi. Mɛgi, mɛ takiri pɛ mɛ nde, mɛ bekpɔy ha li kita pɛ Sɔ?