Rome 2:13 - Takarata pɛ Sɔ Mbombe Mbon

¹³ Wi ka ze mbonga nɛ zala sɔna, Sɔ lɛm gde wia nzeng ha li wa na. Ma, yo nê wi ndɔng ka de mɔ lɛm nɛ wen mbonga, ka Sɔ begde mbwa nzeng ha li wa.

Rome 2:13 Referans Kwoze

1 Jean 3:7

Hio bem pɔm, ka ma wi aosili ɛnɛ na. Wi ka de mɔ nzeng, wɛnɛ nê *nzeng wi gbesi tuka Jésus-Christ nê nzeng wi.

Rome 2:25

Mɛ ka dung nê zuife, mɛ gɔna sɔru mɛ hazu osi nde, mɛ nê wi pɛ Sɔ. Ma, dea mɛgi begbakiri mɛ sɔna, ka mɛ pam wen mbonga nɛdedea. Ma, ka mɛ pam yo na, mɛ dung tuka wan-sɔru.

Galasi 2:16

Tangere ɔ ingɔ nde, yo sɔna nɛ wal mɛkara Jésus-Christ ka Sɔ gde wi nzeng ha li wa, yo bo nɛ wal dea mɔ lɛm nɛ *mbonga pɛ Moïse na. Mɛgi, ɔ fin, ɔ mɛkara Jésus-Christ tuka nde, Sɔ agde ɔ nzeng ha li wa bo hazu ɔ dea mɔ lɛm nɛ mbonga na, ma, hazu ɔ mɛkara Christ. Kpasawen, ma wi ndang lɛm dung nzeng ha li Sɔ nɛ wal dea mɔ lɛm nɛ mbonga na.

1 Jean 2:29

Ɛnɛ ingɔ nde, Christ nɛ nzeng. Nɛ mɛgi ɛnɛ aing nde, wi ka de mɔ nzeng, wɛnɛ nê bem pɛ Sɔ.

Rome 10:5

Moïse bangɛriki wen hazu wi ndɔng ka ngoy dung nzeng ha li Sɔ nɛ wal pama *mbonga. A bangɛriki mɛgɛ: «Wi ka de mɔ fɛt lɛm nɛ wen mbonga, a bedung nɛ zutunɔ ha wena.»

Dede Wen hazu Jésus-Christ ka Luc ngɛraka 8:21

Ma, Jésus tɔa ha hio wi: «Nana mi nɛ hio ya mi, yo nê wi ndɔng ka ze wen pɛ Sɔ, nɛ ka de mɔ lɛm nɛ wena.»

Rome 3:30

Hazu, Sɔ ka nê ndang sɔna. Wi ka mɛkara Jésus, mana wia nê zuife, mana wia bo nê zuife na, Sɔ begde wɛnɛ nzeng ha li wa.

Deamɔ 13:39

Ma, wi ndang ndang fɛt ka mɛkara Jésus, Sɔ dea nde, mbwa apen sɛɛ ha li kita pɛa kari.

Dede Wen hazu Jésus-Christ ka Luc ngɛraka 18:14

Jésus tɔa fin: «Mi tɔ ha ɛnɛ nde, ka wan-ndɛm mbɔli garama ɛngɛ sio ha twa pɛa, a tɛ bo nzeng ha li Sɔ. Ma, bo nê Farizien ɛngɛ na. Hazu wi ka sutɛ, Sɔ behilsi wɛnɛ. Nɛ wi ka hil nɛ mɛndi, Sɔ begu wɛnɛ gde ha ngɔn.»

Galasi 5:4

Ɛnɛ ka ngoy dung nzeng ha li Sɔ nɛ wal deamɔ lɛm nɛ mbonga, ɛnɛ gɔna soko hinɛ Christ kari. Mɛgi, Sɔ lɛm de *dede sila ha tɛ ɛnɛ fin na.

Rome 3:23

Wi fɛt dea gdangamɔ, mɛgi, mbwa lɛm fin nɛ *lɛkɛ-lɛkɛmɔ pɛ Sɔ na.

Rome 3:20

Nɛ wal dea mɔ lɛm nɛ wen mbonga, ma wi ndang lɛm dung nzeng ha li Sɔ na. Mbonga ha sɔna nɛ wal ha hio wi mɛ ing nde, mbwa fɛt ha dea gdangamɔ.

Jean 13:17

Sising ɛnɛ ingɔ mɔ ndɔng kari. Ka ɛnɛ de mɛgi, ki ɛnɛ bedung nɛ totɛ.

1 Korente 4:4

Mi tɛ ing ma wen ka dung ha zu mi na. Ma, yo bo nê ɛngi ka gde mi nzeng ha li Sɔ na. Yo sɔna nê *Kongawan ka begɔn kita ha zu mi.

Jacques 1:27

Wi ka ngoy de kpasa nɛ nzeng tom ha li Sɔ, Bafa ɔ, lɛma nde, wɛnɛ apam hio begula nɛ hio nagula ha zang yeksamɔ, nɛ wɛnɛ akafi mɛ de hio gdangamɔ pɛ nzan.