Rome 16:4 - Takarata pɛ Sɔ Mbombe Mbon

⁴ Mbwa bangoy mɛ fe gɔn nɛ zu mi. Nɛ yo bo sɔna nê mi ka tɔ oeba ha mbwa na, ma, hio wi mɔ hio eglize fɛt ka bo nê *zuife na, tɔ fin oeba ha mbwa gbesi.

Rome 16:4 Referans Kwoze

1 Jean 3:16

Jésus-Christ tɛa tɛ fe gɔn zu ɔ. Yo nê ɛngi, ka ɔ ingɔ tɛ kpasa ngoy. Mɛgi, lɛma nde, ɔ fin afe gɔn zu hio ya ɔ.

Filipe 2:30

Hazu yo ngbɔla tikiring sɔna nde, wɛnɛ afe ha li tom pɛ Jésus-Christ. A kpɔya mɛ fe ha gbakara mi nɛ mɔ-kɔ ɛnɛ, ka ɛnɛ lɛm ku tɛnɛ ha mi nɛ tɛ ɛnɛ na.

1 Tesalonike 2:14

Hio ya ɔ, ɛnɛ tɛ bo gbesi tuka hio *giliwi mɔ eglize pɛ Sɔ ha Judée. Mbwa ha dea sɔy hinɛ Jésus-Christ, mɛgi mbwa kpaa yeksamɔ ha kɔ hio bele pɛ mbwa, hio *zuife, gbesi tuka ka ɛnɛ kpaa nɛ yo ha kɔ hio bele pɛ ɛnɛ.

1 Korente 16:1

Sising, mi betɔ wen wesara mbɔli hazu tomsi ha hio wi pɛ Sɔ ha Jérusalem. Ɛnɛ fin, ɛnɛ ade mɔ gbesi tuka mi tɔa ha hio eglize ha kandɔnu Galasi.

1 Korente 7:17

Ha ngimɔ ka Sɔ saa ɛnɛ, ɛnɛ ndang ndang dungɔ nɛ wal mɔ ka *Kongawan weka ha ɛnɛ. Lɛma nde, ɛnɛ fɛt abhɔn ha wal dungɔ mɛgi. Ɛngɛ nê haanu, ka mi haa ha hio giliwi mɔ hio eglize fɛt.

Rome 5:7

Ngase ka ma wi dung nzeng, yo nɛ ngaya mɛ kpa wi ka mɛkiri mɛ fe gɔn nɛ zu wi ɛngɛ. Mana, ma wi lɛma ba da mɛ fe gɔn nɛ zu ma dede wi.

Deamɔ 16:5

Mɛgi, hio wi mɔ hio eglize tɛ bo nɛngaya ha wal mɛkaramɔ, nɛ dɔka mbwa dungɔ ha yɛbha yala ndang ndang fɛt.

Deamɔ 15:41

Mbwa gɔna kandɔnu Siri nɛ Silisi nɛ ngasasa hio wi mɔ hio eglize haki.

Jean 15:13

Ma gasa ngoy ka pen pɛ wi kɛ ka fe gɔn zu hio ya wa bona.

Gbasamɔ 1:4

Yo nê mi Jean ha fan ɛnɛ, hio giliwi mɔ eglize mɔrkɔ zanga bwa ha kandɔnu Azi. Kpasawen, Sɔ ang, a badung ang, nɛ a betɛ. Nɛ hio sɔtɛ mɔrkɔ zanga bwa ha yola ha li solowan pɛa. Wɛnɛ hinɛ hio sɔtɛ ndɔng, nɛ Jésus-Christ, mbwa ade *dede sila ha tɛ ɛnɛ, nɛ aha gaamɔ ha ɛnɛ fɛt.

Deamɔ 9:31

Mɛgi, *giliwi mɔ eglize dungɔ ha zang gaamɔ ha Judée, ha Galile nɛ ha *Samari. Mbwa kpɔatɛ ha wal mɔ Sɔ, mbwa yuo ke Kongawan ha deamɔ pɛ mbwa fɛt, nɛ dɔka mbwa yɛbha nɛnɛ hazu *Nzɔy-Sɔtɛ gbakara mbwa.

Deamɔ 15:26

ka kpɔya mɔ ha fio ha dea tom pɛ *Kongawan pɛ ɔ, Jésus-Christ.

Rome 16:3

Ɛnɛ fan Priscille hinɛ Akilas, hio sɔy-tom pɔm ha tom pɛ Jésus-Christ.

Rome 16:5

Ɛnɛ fan *giliwi mɔ eglize ka wesiri may ha twa pɛ mbwa. Ɛnɛ fan dede dan mi, Epainete, ka dung nê bosi wi ka mɛkara Christ ha kandɔnu Azi.