Rome 14:4 - Takarata pɛ Sɔ Mbombe Mbon

⁴ Pɛ mɛ, mɛ zɔk tɛ mɛ tuka o hazu gɔn kita ha zu wan-tom pɛ ma mbing wi, o nde? Ngase wɛnɛ bhɔna ha yola ha ngɔn, ngase wɛnɛ teka ha nu, yo zɔk nɛ wan pɛa sɔna. Ma, wɛnɛ bebhɔn ha yola ha ngɔn hazu yo nê *Kongawan ka dung nɛ ngatɛ mɛ yolsi wɛnɛ ha ngɔn.

Rome 14:4 Referans Kwoze

Rome 9:20

Woo, ya mi, mɛ ka kifiri wen ha Sɔ mɛgi, mɛ nê o? Kpana lɛm mɛ tɔ ndang na ha wan-bhu wɛnɛ nde, a bhuo wɛnɛ mɛgɛ hazu ge?

Jude 1:24

Ndanga Sɔ, ka kpasasa ɔ nɛ wal Jésus-Christ, *Kongawan pɛ ɔ, wɛnɛ nɛ ngatɛ mɛ pam ɛnɛ nde, ɛnɛ atek ha zang gdangamɔ na. A bede nde, ma wen adung ha zu ɛnɛ na, nɛ a beku ɛnɛ nɛ gasa totɛ gde ha zang *lɛkɛ-lɛkɛmɔ pɛa. Lɛkɛ-lɛkɛmɔ, kongamɔ, ngatɛ nɛ ziomɔ ha kɔ wa sɔngsi bhee, sising, kanɛ kpoo! Amen.

Hebro 7:25

Yo nê ɛngi, ka wɛnɛ lɛma mɛ kpasisi hireng hio wi ndɔng ka tiki nɛ sanga-sanga hapɛtɛ Sɔ nɛ wal wɛnɛ. Hazu wɛnɛ nɛ zutunɔ kpoo mɛ gɔ Sɔ hazu mbwa.

Rome 14:3

Wi ka yɔng tili yɔngamɔ fɛt, lɛma nde, ka wɛnɛ abhɛsiri wi ka zim hio ma tili yɔngamɔ na. Nɛ wi ka zim hio ma yɔngamɔ, ka wɛnɛ agɔn kita ha zu wi, ka yɔng tili mɔ fɛt na. Hazu Sɔ baa wia nɛ dede kɔ kari.

Rome 16:25

Ɔ lukisi Sɔ! A lɛma mɛ ngasisi ɛnɛ ha wal pɛa lɛm nɛ *Dede Wen ka mi bul wena. Dede Wen ɛngɛ tɔ wen tɛ Jésus-Christ, nɛ yo gbasi wen mɔ ka Sɔ babhɔngiri se. A bawusi yo sɔngsi bhee,

1 Pierre 1:5

Ka ɛnɛ mɛkara Sɔ, wɛnɛ bepam ɛnɛ nɛ wal ziomɔ pɛa kanɛ wɛnɛ begbasi *mɔkpasi ka wɛnɛ bekpasisi nɛ ɛnɛ ha kpogio ngimɔ.

Deamɔ 11:17

Sɔ haa mbwa fin ndangtɛ Nzɔy-Sɔtɛ ka wɛnɛ baha ha ɔ ha ngimɔ, ka ɔ mɛkara nɛ Kongawan Jésus-Christ. Tuka mɔ dung mɛgi, mi nê nge wi mɛ gutɛ sungiri nɛ Sɔ ge nde?»

Rome 11:23

Ma, ha ngimɔ ka hio zuife bekifiri sila mbwa ha Sɔ, wɛnɛ bendari mbwa fin nɛ mbinga ha tɛ gunte ka mbwa badung ang sɔngsi. Kpasawen, wɛnɛ nɛ ngatɛ mɛ de yo.