Rome 13:4 - Takarata pɛ Sɔ Mbombe Mbon

⁴ Ey, Sɔ gdea mbwa ha tom pɛa tuka nde, mbwa aosi ha mɛ wal mɛ de dedemɔ. Ma, ka mɛ de nɛ gdangamɔ, dea nde, ke tɛ mbwa ade mɛ. Yo bo nê gbelea na, ka Sɔ haa mbwa ziomɔ mɛ gɔn kita. Ka mbwa gɔn kita, mbwa ha dea tom ha Sɔ tuka nde, hio wi ka de gdangamɔ akpa ngambi pɛ Sɔ.

Rome 13:4 Referans Kwoze

Rome 12:19

Hio ndɔngsila mi, ka ɛnɛ nɛ pɛ ɛnɛ tɛ akundiki gdangamɔ ka ɛ dea ha tɛ ɛnɛ na. Ma, ɛnɛ gde ngambi pɛ Sɔ ade tom pɛa. Hazu Sɔ tɔa ha zang takarata pɛa: «Kongawan tɔa, mi bekundiki mɔ, mi bekpe mɔ.»

1 Tesalonike 4:6

Ka ma ya ha Christ ade gdangamɔ ha tɛ ya wa na, nɛ ka wɛnɛ aosili wɛnɛ na. Kpasawen, ɔ tɔa ha ɛnɛ, nɛ ɔ gbaa tazu ɛnɛ kari nde, Kongawan bekundiki deamɔ ndɔng fɛt.

Rome 13:6

Yo nê hazu wen ɛngi fin, ka ɛnɛ kpe nɛ mbɔli garama. Hazu hio wan-tom pɛ gɔfɔrma ka gbɛngsi tɛ ha tom pɛ mbwa, mbwa ha dea tom ka Sɔ gdea ha kɔ mbwa.

1 Pierre 2:14

Nɛ ɛnɛ aze fin nu hio gɔfɔrma ka wɛnɛ tomsa nde, mbwa andulsi hio wi ka de gdangamɔ, nɛ nde, mbwa alukisi hio wi ka de dedemɔ.