Rome 1:5 - Takarata pɛ Sɔ Mbombe Mbon

⁵ Jésus-Christ dea *dede sila ha tɛ mi hazu a weka mi tuka wan-nɛtom pɛa nde, mi ade tom pɛa. A haa mi tom hazu nɛ nɛ bul wen pɛa ha hio kandɔ fɛt ka bo nê *zuife na, tuka nde, mbwa amɛkiri wɛnɛ, nɛ nde, mbwa aze nu wa.

Rome 1:5 Referans Kwoze

Deamɔ 9:15

Ma, Kongawan tɔa ha wɛnɛ: «Mɛ nɛ, hazu mi weka wi ɛngɛ tuka wan-tom pɔm. A begbasi ling mi ha hio kandɔ ka bo nê zuife na, ha hio *kongapora pɛ mbwa, nɛ fin ha kandɔ zuife.

Rome 16:26

ma, sising, a gdea yo ha saamɔ nɛ wal takarata pɛ hio *wan-tɔkuliwen. Sɔ, Wan-kpo, baha nu mɛ gbasi yo ha hio kandɔ fɛt tuka nde, mbwa amɛkiri wɛnɛ nɛ ze nu wa.

Deamɔ 6:7

Hio dɔka wi pen mɔ sɔngsi zea wen pɛ Sɔ. Mɛgi zugili wan-yambimɔ ha Jérusalem yɛbha pentɛ, nɛ dɔka wan-hasadaka mɛkara Jésus.

1 Korente 15:10

Ma, nɛ wal *dede sila pɛ Sɔ, mi tɛ bo nê wi ka ɛnɛ zɔk wɛnɛ sising. Nɛ dede sila ka wɛnɛ dea ha tɛ mi, yo bo nɛ gbelea na, hazu mi dea tom nɛ ngaya pen hio olo wan-nɛtom fɛt. Ma, yo bo nê mi nɛ tɛ mi ha de tom na, yo nê Sɔ nɛ wal dede sila pɛa ha tɛ mi.

Hebro 5:9

Ka wɛnɛ tɛa wi ka lɛma wɛɛ kari, a tɛ bo fin nê wan-ha *mɔkpasi kpoo ha hio wi ndɔng ka ze nu wa.

Rome 12:3

Nɛ wal dede sila ka Sɔ dea ha tɛ mi, mi tɔ ha ɛnɛ ndang ndang fɛt nde, ka ɛnɛ aba tɛ ɛnɛ tuka gasa wi nɛ gbelea na. Ma, ɛnɛ atakiri mɔ nɛ mɛndi. Dea nde, ɛnɛ ndang ndang fɛt aweki tɛ ɛnɛ lɛm nɛ mɛkaramɔ ka Sɔ haa ha ɛnɛ.

Deamɔ 1:25

Wɛnɛ bedung wan-nɛtom nɛ a bede tom ha bhandi ka Judas laka gde pen si ha bhandi ka lɛma nɛ wɛnɛ.»

1 Korente 9:2

Hio ma wi zɔk mi tuka wan-nɛtom pɛ Kongawan na, ma, ngase ɛngi, ɛnɛ ingɔ nɛkpasa nde, mi nê wan-nɛtom. Hazu, ɛnɛ tɛ bo ha dea sɔy hinɛ Kongawan nɛ wal tom pɔm. Ɛngi gbasi long nde, mi nê kpasa wan-nɛtom pɛa.

Rome 3:29

Mana ɛnɛ takiri pɛ ɛnɛ nde, Sɔ nê Sɔ pɛ hio *zuife sɔna nde? Bo nê wɛnɛ fin nê Sɔ pɛ hio olo kandɔ, na nde? Ey, wɛnɛ fin nê Sɔ pɛ hio olo kandɔ.

Jean 1:16

Tuka wɛnɛ nɛ dede sila pentɛ, ɔ fɛt kpaa hio dede mɔ ha kɔ wa ngimɔ nɛ ngimɔ.

Efeze 1:12

Ɔ ka dung nê hio bosi wi mɛ gde tazu ɔ ha tɛ Christ, lɛma nde, ɔ alukisi *lɛkɛ-lɛkɛmɔ pɛ Sɔ!

Efeze 1:6

Dea nde, ɔ alukisi Sɔ hazu lɛkɛ-lɛkɛ dede sila ka wɛnɛ dea ha tɛ ɔ nɛ wal Bewei pɛa ka wɛnɛ ngoya pentɛ.

Deamɔ 15:14

Simon baa kasi ha ɔ sising mɛng Sɔ bhɔngara sɔngsi bhee mɛ weki ma kandɔ pɛa ha soko ɛ ndɔng, ka bo nê zuife na.