Gbasamɔ 9:11 - Takarata pɛ Sɔ Mbombe Mbon

¹¹ *Kongawan pɛ mbwa, yo nê telenge mɔ fongo. Ling wa nɛ nu *hebro nde, Abadon, nɛ nu greke nde, Apolion. Goto ling ndɔng tɔ nde, *wan-yangili mɔ.

Gbasamɔ 9:11 Referans Kwoze

Efeze 2:2

Ɛnɛ dungɔ ha dea mɔ gbesi tuka wi mɔ nzan ɛngɛ. Ɛnɛ dungɔ ha zea nu *Satan, wan hazu hio gdanga sɔtɛ ka dung ha soko ngɔn nɛ nu, sɔtɛ ɛngɛ ka de tom ha tɛ wi ndɔng ka ze nu Sɔ na.

2 Korente 4:4

*Satan, gdanga sɔ mɔ nzan ɛngɛ, bhunzoko takaramɔ pɛ hio *wan-kafi Sɔ. Mɛgi, mbwa lɛm zɔk yolo saamɔ pɛ Dede Wen na. Dede Wen ɛngɛ tɔ wen *lɛkɛ-lɛkɛmɔ pɛ Christ, ka dung nê kpasa zizi tɛ Sɔ.

Jean 16:11

Nɛ a begbasi hazu wen kita pɛ Sɔ nde, Sɔ begɔn bin kita ha zu mbwa, hazu a gɔna kita ba *Satan, wan-le nzan ɛngɛ kari.

Jean 14:30

Mi lɛm fin wolmɔ hinɛ ɛnɛ nɛting na, hazu wan-le nzan ha tɛa. Wɛnɛ bo nɛ ma ngaya mɛ gan zu mi ndang na.

Jean 8:44

Bafa ɛnɛ nê *Satan. Ɛnɛ ngoya kanɛ dea mɔ ka ha totɛ ha wɛnɛ. Angiri ha kudom mɔ, tom pɛa nê gbɛa hio wi kpoo. A ngoy tɛwen na, hazu ma mbuli tɛwen bo ha sila wa na. Ndɔkitɛ wa nê tɔa dalo, hazu wɛnɛ nê wan-tɔ dalo nɛ bafa mɛ tili dalo fɛt.

1 Jean 5:19

Ɔ ingɔ nde, ɔ nê hio wi pɛ Sɔ, ma, nzan fɛt dung ha si ziomɔ pɛ gdanga sɔ.

1 Jean 4:4

Hio bem pɔm, ɛnɛ nê pɛ Sɔ. Ɛnɛ gana zu hio wan-tɔkuliwen dalo fɛt kari. Hazu Nzɔy-Sɔtɛ ka dung ha tɛ ɛnɛ, wɛnɛ nɛ ngaya pen sɔtɛ ka dung ha tɛ hio wi mɔ nzan.

Jean 12:31

Sising nê ngimɔ gɔn kita ha zu nzan ɛngɛ. Nɛ sising, Sɔ beyin wan-le nzan ɛngɛ yunɛ.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Dede Wen hazu Jésus-Christ ka Luc ngɛraka 8:31

Nɛ hio gdanga sɔtɛ lokatɛ ha Jésus nde, ka wɛnɛ aha nu ha mbwa mɛ zil ha zang zɔbhɔ pɛ hio gdanga sɔtɛ na.

Jean 5:2

Ha gasa ngeng ka zikiri Jérusalem ma nua ang, linga nde, nu ngalɔ sami. Ma bebe tɔ dungɔ haki ka ɛ sa nɛ nu *Hebro nde, Betzata. Hio gala mɔrkɔ dungɔ hapɛtɛa.

Gbasamɔ 16:16

Hio gdanga sɔtɛ ndɔng wesara hio kongapora ha bhandi ndang. Nɛ nu *hebro ɛ sa ling bhandi ɛngɛ nde, Harmagedon.