Gbasamɔ 6:16 - Takarata pɛ Sɔ Mbombe Mbon

¹⁶ Nɛ mbwa tɔa ha hio ngari nɛ hio gasa ta ndɔng wen mɛgɛ: «Ɛnɛ tɛ tɛ mbasi ɔ, nɛ ɛnɛ gok ɔ ha gbali wi kɛ ka dungnu ha solowan, nɛ ha ngambi pɛ Besami.

Gbasamɔ 6:16 Referans Kwoze

Dede Wen hazu Jésus-Christ ka Luc ngɛraka 23:30

Nɛ hio wi belokitɛ bin ha hio gasa ngari nde, mbwa atek ha zu mbwa, nɛ ha hio bebe ngari nde, mbwa agok mbwa!

Gbasamɔ 4:2

Nɛ ha ndangtɛ ngimɔ *Nzɔy-Sɔtɛ baa mi, nɛ mi zɔka ma solowan ha zang ngɔn. Ma wi ha dungɔnu ha zua.

Gbasamɔ 20:11

Hapata ɛngi, mi zɔka ma gasa bu solowan, nɛ ma wi ka dungɔnu ha zua. Ngɔn nɛ nu yuo mɔ ha li wa, nɛ yo pena wong.

Matthieu 26:64

Jésus kiforo wen ha wɛnɛ: «Ey, mɛ tɔa yo. Mi tɔ ha ɛnɛ fin nde, ɛnɛ bezɔk mi, *Bewei pɛ Wi, ha dungɔnu ha wekɔ Sɔ ka dung nɛ ngatɛ fɛt. Nɛ ɛnɛ bezɔk mi bin ha ngimɔ ka mi betɛ ha zu buswe.»

Gbasamɔ 19:15

Sɔa gbapa gboa ha nu wa. A bemɛl hio kandɔ nɛ yo, nɛ a bengbɔsi mbwa nɛ tongolo wan mɔ bolo. A bebhal mbwa tuka hio wayate vigne hazu lɛmsiri gdanga ngambi pɛ Sɔ, wan-zu mɔ fɛt.

Gbasamɔ 10:6

A kana mɔ nɛ ling Sɔ ka dung nɛ zutunɔ kpoo nɛ kpoo, ka dea ngɔn nɛ mɔ fɛt ang, ka dea nu nɛ mɔ fɛt ang, nɛ ka dea nana-litɔng nɛ mɔ fɛt ang. A tɔa: «Ngimɔ zik fin na.

Gbasamɔ 6:10

Mbwa gdɔra nɛ ngagɛl: «Gasa wan, mɛ nɛ nzɔya, mɛ tɔ nɛ tɛwen sɔna. Ha nge swe ge ka mɛ begɔn kita nɛ mɛ bekundiki tɔktɛ ɔ ha zu hio wi mɔ zu nu, ge nde?»

Gbasamɔ 4:9

Hio tunɔ mɔ ndɔng nar fɛt ha bea gima hazu ha *lɛkɛ-lɛkɛmɔ, lukosomɔ, nɛ oeba ha wi kɛ ka dungnu ha solowan, wɛnɛ ka dung nɛ zutunɔ kpoo nɛ kpoo.

Gbasamɔ 4:5

Pioli kolo, gisi nɛ tubho da kolo dungɔ ha gboa ha solowan ɛngɛ fin. Hio kan mɔrkɔ zanga bwa dungɔ ha baa we ha lia. Hio kan ndɔng mɔrkɔ zanga bwa, yo nê hio Sɔtɛ mɔrkɔ zanga bwa pɛ Sɔ.

Marc 3:5

Jésus zɔka mbwa hɛrr zikiri, nɛ ngambi baa wɛnɛ. Nɛ ngɔtɛ dea wɛnɛ hazu nga sila pɛ mbwa. A tɔa ha wi ɛngɛ: «Yafifi kɔ mɛ!» A yafafa kɔ wa, nɛ yo tɛ bo nɛ dedea.

Gbasamɔ 5:1

Hapata mi zɔka ma kalka takarata ha zang wekɔ wi kɛ ka dungnu ha solowan. Hio ngɛrakamɔ ha lia nɛ ha gdonga. Ɛ sɔbha nua nɛ hio gdangi mɔrkɔ zanga bwa.

Gbasamɔ 9:6

Ha zang yala ndɔng, hio wia beki fio, ma, mbwa lɛm kpa yo na. Mbwa bedung nɛ hɛl mɛ fe, ma, fio beyu mbwa nɛ nɛyɛa.