Gbasamɔ 22:17 - Takarata pɛ Sɔ Mbombe Mbon

¹⁷ *Nzɔy-Sɔtɛ hinɛ Bhoko-si wei ha tɔa: «Mɛ tɛ!» Nɛ wi ka ze yo, atɔ fin: «Mɛ tɛ!» Wi fɛt ka dung nɛ wɔ li, nɛ ka dung nɛ hɛl mɛ nɔ li ka ha tunɔ, mbwa atɛ tɛ kpa yo nɛ gbelea.

Gbasamɔ 22:17 Referans Kwoze

Jean 4:14

Ma, wi ka benɔ li ka mi beha ha wɛnɛ, wɔ li lɛm mɛ de wɛnɛ fin na. Hazu li ka mi beha ha wɛnɛ, yo bekifiri nzɔngɛ nawuya ha sila wa ka ha wɛnɛ *tunɔ kpoo.»

Gbasamɔ 21:6

Nɛ a tɔa fin ha mi: «Yo kara! Mi nê Alfa nɛ Omega, mi nê bosia nɛ kpogioa. Wi ka dung nɛ wɔ li, mi beku li ha nzɔngɛ ka ha tunɔ, ha wɛnɛ mɛ nɔ nɛ gbelea.

Jean 7:37

Ha kpogio yala yenga ka dung nê tɛ gasa swea, Jésus yola ha soko giliwi nɛ wɛnɛ tɔa nɛ ngagɛl: «Ka ma wi nɛ wɔ li, wɛnɛ atɛ ha pɔm tɛ nɔ mɔ.

Jean 4:10

Jésus kiforo wen ha wɛnɛ: «Mɛ aing se mɔ ka Sɔ ngoy mɛ ha ha hio wi, nɛ mɛ aing se mi ka gɔ li ha kɔ mɛ, ki yo nê mɛ ka begɔ li ha kɔ mi, nɛ mi betɛ ha mɛ li ka ha tunɔ.»

Gbasamɔ 22:1

Nɛ telenge ɛngɛ osa ha mi nanali ka ha tunɔ. Li lia nɛ ngɛnza tuka mɔ-zɔk li. Yo gbo ha wal solowan pɛ Sɔ, nɛ pɛ Besami,

Gbasamɔ 21:9

Hapata, ma *telenge ndang tɛa ha pɔm. Wɛnɛ nê ma ndang ha soko ɛ ndɔng mɔrkɔ zanga bwa, ka baa ha kɔ mbwa hio kɔpɔ mɔrkɔ zanga bwa, ka dona nɛ hio kpogio kemɔ mɔrkɔ zanga bwa. A tɔa ha mi: «Mɛ tɛ ka mi aosi ha mɛ bhinzi bhoko ka bedung nê ko pɛ Besami.»

Gbasamɔ 21:2

Nɛ mi zɔka nzɔy gasa le, yo nê mbombe Jérusalem, ha guotɛ ha ngɔn ha pɛ Sɔ zil. Le ɛngɛ bhɔngara tɛ wa nɛ lɔka tuka bhoko ka nɛ ha sio wei pɛa.

Rome 3:24

Ma, nɛ wal *dede sila pɛa, Sɔ gde mbwa nzeng ha li wa nɛ gangtɛ. A de mɛgi nɛ wal Jésus-Christ ka guo *sɛmbɔ pɛ mbwa yunɛ.

Gbasamɔ 22:16

«Mi, Jésus, mi tomsa telenge pɔm hazu kɛ hio wen ndɔng ha hio *giliwi mɔ eglize fɛt. Mi nê bezang nugala pɛ David, mi nê ngɛlɛ-ngɛlɛ sɔla gbandolo.»

Gbasamɔ 2:7

«Wi fɛt ka bo nɛ zala mɛ ze mɔ, mbwa aze wen ka *Nzɔy-Sɔtɛ tɔ ha hio giliwi mɔ eglize. Wi fɛt ka began zu mɔ, mi beha waya te ka ha tunɔ nɛ ka dung ha dede le pɛ Sɔ ha mbwa yɔng.»

1 Korente 2:12

Pɛ ɔ, sɔtɛ ka de le ha sila ɔ, yo bo nê nzan ha gde yo ang na. Ma, yo nê Sɔ nɛ pɛa tɛ ha gde yo ang, tuka nde, ɔ aing hio dedemɔ ka wɛnɛ haa ha ɔ.

Jean 4:29

«Ɛnɛ tɛ, tɛ zɔk ma wi. A tɔa ha mi deamɔ pɔm fɛt. Mana wɛnɛ nê Mesi nde?»

Jean 4:11

Bhoko ɛngɛ tɔa ha wɛnɛ: «*Kongawan, kɔ li kɛ nɛ gdukoa, nɛ mɔ mɛ gdu nɛ li bo ha kɔ mɛ na. Mɛgi mɛ bekpa li ka ha tunɔ ha ndo?

Gbasamɔ 7:17

Hazu Besami ka dung hapɛtɛ solowan bedung nê zaoro pɛ mbwa. Nɛ a bengbɔsi mbwa nɛnɛ ha nɔa li ha hio nzɔngɛ ka ha tunɔ. Nɛ Sɔ bedi milikwa fɛt ha li mbwa yunɛ.»

Gbasamɔ 14:13

Hapata, mi zea ma gɛl ha zang ngɔn ka tɔa: «Mɛ ngɛriki mɔ nde: Angiri ha ngimɔ sising, hio wi fɛt ka befe hazu mbwa de sɔy hinɛ *Kongawan, mbwa adung nɛ totɛ!» Nɛ *Nzɔy-Sɔtɛ kɔa: «Ey, kpasawen, mbwa aɔm tɛ mbwa ha ngatom pɛ mbwa, hazu dede tom pɛ mbwa ha kɛa wen tɛ mbwa.»

Jean 1:37

Hio wan-yambimɔ ndɔng bwa zea wen ɛngɛ, nɛ mbwa ndara Jésus.