Gbasamɔ 20:2 - Takarata pɛ Sɔ Mbombe Mbon

² Nɛ wɛnɛ baa ndibha, ka dung nê gɔk mɔ koto ngimɔ, ka ɛ sa nde, Gdanga Sɔ mana *Satan, nɛ wɛnɛ sanga ndibha ɛngɛ nɛ gbazɔbhɔ lɛm bɛlɛ tomay ndang.

Gbasamɔ 20:2 Referans Kwoze

2 Pierre 2:4

Kpasawen, Sɔ tɛ de kobhe tɛ hio *telenge ndɔng ka bade gdangamɔ sɔngsi, na. Ma, a pio mbwa ha bhandi yɔng nzata. Mbwa dung haki nɛ sanga kɔ ha bhandi ngɛ-ngɛ-ngɛ tutum keri nɛ ngimɔ kita pɛ Sɔ.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Jude 1:6

Tazu ɛnɛ agba fin nɛ hio *telenge ndɔng ka balak bhandi pɛ mbwa gde hazu mbwa ngoya ziomɔ pen ɛngɛ ka Sɔ haa ha mbwa. Sɔ basang mbwa nɛ zɔbhɔ kpoo, pi ha zang ngɛ-ngɛ-ngɛ tutum, keri nɛ gasa ngimɔ kita.

Jean 12:31

Sising nê ngimɔ gɔn kita ha zu nzan ɛngɛ. Nɛ sising, Sɔ beyin wan-le nzan ɛngɛ yunɛ.

1 Pierre 5:8

Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

Hebro 2:14

Wɛnɛ yola tɛ wi ka ba may nɛ pɛ hio bem ndɔng, hazu mbwa fɛt nê wi nɛ multɛ nɛ tɔktɛ. A dea mɛgi tuka nde, nɛ wal fio pɛa, wɛnɛ ayangili *Satan ka dung nɛ ngatɛ hazu gde wi ha fio.

Rome 16:20

Sɔ, wan-ha gaamɔ, tɛ bo sanga mɛ um *Satan ha si nanga ɛnɛ. Kongawan pɛ ɔ, Jésus, ade *dede sila ha tɛ ɛnɛ fɛt.

Jean 16:11

Nɛ a begbasi hazu wen kita pɛ Sɔ nde, Sɔ begɔn bin kita ha zu mbwa, hazu a gɔna kita ba *Satan, wan-le nzan ɛngɛ kari.

Gbasamɔ 13:2

Ngɔnzu ɛngɛ ka mi zɔka, baa may hinɛ gɔ. Nanga wa tuka pɛ ma gasa ngɔnzu ka ɛ sa nde, urse, nɛ nu wa tuka pɛ dila. Ndibha haa ngatɛ pɛa, solowan pɛa, nɛ gasa ziomɔ ha wɛnɛ.

Gbasamɔ 12:17

Mɛgi, sila ndibha yimɔ sungiri nɛ bhoko, nɛ a pena ha bio bulo sungiri nɛ hio olo bem pɛ bhoko, ɛ ndɔng ka pam hio wen *mbonga pɛ Sɔ, nɛ ka pama tɛwen ka Jésus kɛ wena.

Gbasamɔ 12:15

Mɛgi, gɔk gbosasa li ha nu wa tuka nanali. Nɛ lia naka pata bhoko tuka nde, yo avuvili wɛnɛ pen nɛ.

Gbasamɔ 12:13

Ka ndibha zɔka nde, ɛ pio wɛnɛ ha nu kari, a naka pata bhoko ka bhɛa bewei.

Marc 5:7

Nɛ wɛnɛ gdɔra nɛ ngagɛl, a tɔa: «Jésus, *Bewei pɛ Sɔ ha kuso ngɔn, mɛ ngoy mɛ de nɛ ge nɛ mi ge? Mi baa nanga mɛ nɛ ling Sɔ nde, ka mɛ andulsi mi na.»

Matthieu 8:29

Mbwa gdɔra: «*Bewei pɛ Sɔ, mɛ ngoy mɛ de nɛ ge nɛ ɔ ge? Mɛ tɛa hazu yukiti ɔ sɔngsi swe kita pɛ Sɔ nde?»

Gbasamɔ 13:4

Mbwa lukoso ndibha tuka ma sɔ hazu a haa ziomɔ ha ngɔnzu ɛngɛ. Mbwa lukoso ngɔnzu ɛngɛ fin nɛ tɔa: «Nge wi ha belɛm may hinɛ ngɔnzu ɛngɛ, o nde? Nge wi ha lɛma bio bulo hinɛ wɛnɛ, o nde?»

Gbasamɔ 9:11

*Kongawan pɛ mbwa, yo nê telenge mɔ fongo. Ling wa nɛ nu *hebro nde, Abadon, nɛ nu greke nde, Apolion. Goto ling ndɔng tɔ nde, *wan-yangili mɔ.

Matthieu 19:29

Nɛ wi ndang ndang fɛt ka belak twa pɛa, hio ya wa, bafa wa, nana wa, hio bem, mana fɔ pɛa gde hazu mi, wɛnɛ bekpa mɔ ze gɔmmay ndang pen mɔ sɔngsi. Nɛ wɛnɛ bekpa tunɔ kpoo.

Marc 4:15

Hio ma wi gbesi tuka liwal ka wen pɛ Sɔ teka ang. Ka mbwa ze wen pɛ Sɔ, *Satan tɛ, tɛ ku yo ha sila mbwa yunɛ.

Gbasamɔ 12:3

Nɛ ɛ zɔka ma mbing mɔweka ha ngɔn. Yo nde, ma gasa gbɛ ndibha ka dung nɛ zu mɔrkɔ zanga bwa, nɛ zak bhukɔ. Hio ndutu wan mɔrkɔ zanga bwa ha hio zu wa.

Gbasamɔ 12:4

Wɛnɛ gbaa soko hio sɔla nɛ zugilia tar, nɛ a mɛla nɛ kunda wa ma zugili ha sokoa ndang pi ha nu. Nɛ wɛnɛ yola hapɛtɛ bhoko ɛngɛ ka bi mɛ bhɛ, tuka nde, wɛnɛ agul bema ha pata bhɛ.

Gbasamɔ 20:7

Ka hio bɛlɛ ndɔng tomay ndang pena kari, ɛ begbosisi Satan ha zɔbhɔ pɛa.

Gbasamɔ 20:10

Nɛ Satan ka baosili mbwa, ɛ pio wɛnɛ ha zang tɔ we ka ba we nɛ piti, ha ndangtɛ bhandi ka ngɔnzu hinɛ *wan-tɔkuliwen dalo dung ang. Haki mbwa bekpa yukotomɔ swe nɛ zɛ kpoo nɛ kpoo.