Gbasamɔ 20:15 - Takarata pɛ Sɔ Mbombe Mbon

¹⁵ Nɛ hio wi fɛt ka ɛ tɛ ngɛriki ling mbwa ha Takarata Tunɔ na, ɛ pio mbwa ha zang tɔ we.

Gbasamɔ 20:15 Referans Kwoze

Jean 3:36

Wi ka mɛkiri Bewei, wɛnɛ nɛ *tunɔ kpoo. Ma, wi ka ze nu Bewei na, a lɛm kpa tunɔ na. Ma, ngambi pɛ Sɔ bebhɔn ha zu wa.»

Deamɔ 4:12

«Yo nê Jésus ndang sɔna ka lɛma mɛ kpasisi hio wi. Ha nzan fɛt, Sɔ tɛ gbasi ma mbing wi ka lɛma mɛ kpasisi ɔ ndang na.»

Jean 14:6

Jésus kiforo wen ha wɛnɛ: «Mi nê liwal, mi nê tɛwen, nɛ mi nê tunɔ. Yo nê sɔna nɛ wal mi ka wi lɛma nɛ ha pɛ Bafa mi.

Matthieu 13:50

Nɛ mbwa bepi hio gdanga wi ndɔng ha gbaguru we. Haki mbwa behe kwa nɛ yɔng nzata.»

Matthieu 25:41

«Hapata, mi betɔ ha wi ndɔng ha gare mi: ‹Sɔ foma ɛnɛ. Mɛgi ɛnɛ pen hapɛtɛ mi le ha we ka beysi kpoo, ka Sɔ lɛa hazu *Satan hinɛ hio wan-tom pɛa.

Gbasamɔ 20:12

Nɛ mi zɔka hio fiowi fɛt, mana gasaa mana bebea, ha yola ha li solowan. Ɛ gbosasa hio ma takarata gde long. Nɛ ɛ gbosasa ma mbing takarata ndang, yo nê Takarata Tunɔ. Nɛ Sɔ gɔna kita ha zu hio fiowi lɛm nɛ hio deamɔ pɛ mbwa tuka ɛ ngɛraka yo ha zang hio takarata ndɔng.

Gbasamɔ 19:20

Ma, ɛ baa ngɔnzu hinɛ *wan-tɔkuliwen dalo, ka bade hio *mɔweka ha li ngɔnzu. Nɛ wal hio mɔweka ndɔng, wɛnɛ dungɔ ha osala hio wi ndɔng ka dung nɛ dafu ling ngɔnzu ha tɛ mbwa, nɛ ka lukisi zizi tɛ wa. Nɛ ɛ pio ngɔnzu hinɛ wan-tɔkuliwen dalo nɛ zutunɔ ha zang tɔ we, ka ba we nɛ piti.

Hebro 12:25

Ɛnɛ pangay yu nde, ɛnɛ betɛ kafi zea wi ɛngɛ ka tɔ wen ha ɛnɛ. Hio wi mɔ Israel bakafi zea wi ka gbaa tazu mbwa nɛ wen pɛ Sɔ hakɛ ha zu nu, nɛ mbwa tɛ kpɔy ha ndulsomɔ na. Mɛgi, ka ɔ kafi zea wi ka guotɛ ha ngɔn tɛnɛ, ɔ lɛm kpɔy ha ndulsomɔ ndang na.

Hebro 2:3

Mɛgi, ka ɔ bhɛsiri gasa mɔkpasi ka Sɔ ngoy kpasisi nɛ ɔ, ɔ bekpɔy ha ndulsomɔ mɛng? Yo nê *Kongawan nɛ pɛa tɛ ka angara bulo wen mɔkpasi ɛngɛ, nɛ hio wi ndɔng ka zea wena, mbwa tɔa ha ɔ nde, yo nê tɛwen.

Marc 16:16

Wi ka bemɛkiri, nɛ ka ɛnɛ begdumsi wɛnɛ ha li, Sɔ bekpasisi wɛnɛ. Ma, wi ka mɛkiri na, kita beba wɛnɛ.

Matthieu 13:42

Nɛ hio telenge bepi mbwa ha gbaguru we. Haki mbwa behe kwa nɛ yɔng nzata.

Dede Wen hazu Jésus-Christ ka Luc ngɛraka 10:20

Ka ɛnɛ ade totɛ sɔna, hazu hio gdanga sɔtɛ zea nu ɛnɛ, na. Ma, ɛnɛ de totɛ hazu Sɔ gɔna ling ɛnɛ ha soko hio wi ka bele ha ngɔn.»

Gbasamɔ 3:5

«Wi fɛt ka began zu mɔ, mbwa beyol bu la mɛgi. Nɛ mi lɛm bisi ling mbwa ha zang Takarata Tunɔ ndang na. Ha li Bafa mi nɛ ha li hio telenge pɛa, mi betɔ long nde, wi ndɔng nê hio wi pɔm.

Gbasamɔ 20:10

Nɛ Satan ka baosili mbwa, ɛ pio wɛnɛ ha zang tɔ we ka ba we nɛ piti, ha ndangtɛ bhandi ka ngɔnzu hinɛ *wan-tɔkuliwen dalo dung ang. Haki mbwa bekpa yukotomɔ swe nɛ zɛ kpoo nɛ kpoo.

Gbasamɔ 20:14

Hapata, ɛ pio fio hinɛ bhandi pɛ hio fiowi ha zang tɔ we. Tɔ we ɛngɛ, yo nê zebwa fio.