Gbasamɔ 19:8 - Takarata pɛ Sɔ Mbombe Mbon

⁸ Ko pɛa kpaa dede lɛgbɛ-lɛgbɛ la mɛ yol. Yo nɛ bua nɛ saa kpung-kpung.» Dede la ɛngɛ, yo nê hio nzeng deamɔ pɛ hio wi pɛ Sɔ.

Gbasamɔ 19:8 Referans Kwoze

Gbasamɔ 3:18

Mɛgi, mi ngoya mbo ɛnɛ nde, ɛnɛ atɛ tɛ hɛ ha kɔ mi gbɛbolo ka ɛ wea ha we, tuka nde, ɛnɛ adung nê hio kpasa wan-kpamɔ. Ɛnɛ ahɛ fin bu la mɛ yol tuka nde, foy sɔngɛrɛ tɛ ɛnɛ agbasi tɛ na. Ɛnɛ ahɛ fin yina mɛ a ha gbali ɛnɛ tuka nde, ɛnɛ azɔk mɔ.

Rome 13:14

Ma, ɛnɛ aku *Kongawan Jésus-Christ tuka mɔ-bibulo pɛ ɛnɛ. Ka ɛnɛ agde tɛ ɛnɛ ha hio wɔ tɛ ɛnɛ na.

Marc 9:3

La pɛa tɛ bo nɛ bua ndong-ndong nɛ lɛkɛ-lɛkɛ tuka ka ma wan-fal la ndang ha nzan lɛm sasisi yo mɛgi na.

Matthieu 22:12

A tɔa ha wɛnɛ: ‹Dan mi, mɛ, ka bo nɛ la yenga sibhoko na, mɛ lea hakɛ mɛng?› Nɛ wi ɛngɛ bo nɛ ma wen mɛ kifiri na.

Gbasamɔ 15:4

Nge wi ka bekafi yuo ke mɛ, Kongawan, ge? Nge wi ka bekafi lukoso mɛ ge? Hazu yo nê mɛ ndang sɔna ka dung nɛ nzɔya. Hio kandɔ fɛt betɛ tɛ lukisi mɛ tuka Sɔ, hazu hio nzeng deamɔ pɛ mɛ gboa long ha li wi fɛt.»

Deamɔ 1:10

Ka mbwa boka ha gɛramɔ ha ngɔn ha danga pɛa, nɛhasa wi bwa nɛ bu latɛ yola ha soko mbwa.

Dede Wen hazu Jésus-Christ ka Luc ngɛraka 24:4

Nɛhasa, ka mbwa boka yem, wei bwa yola ha li mbwa nɛ lɛkɛ-lɛkɛ la.

Rome 3:22

Wi ka mɛkiri Jésus-Christ, Sɔ begde wɛnɛ nzeng ha li wa. Sɔ gbosasa wal ɛngi ha wi ndɔng fɛt ka mɛkiri Jésus-Christ. A gba pɛa soko wi na.

Matthieu 17:2

Nɛ tɛ Jésus kiforo ha li mbwa. Zangli wa baa tuka swe, nɛ la pɛa tɛ bo nɛ bua ndong-ndong tuka saamɔ.

Gbasamɔ 15:6

Hio telenge ndɔng mɔrkɔ zanga bwa ka dung nɛ hio kemɔ mɔrkɔ zanga bwa, mbwa gboa ha gasa twa Sɔ. Mbwa yola bu la ka ba kpɛluɛ-kpɛluɛ, nɛ pɛrɛng mɔ gbɛbolo libhoko mbanzi mbwa.

Gbasamɔ 19:14

Hio zugili bulo mɔ ngɔn ndara wɛnɛ ha zu hio bu yanga. Mbwa yola lɛgbɛ-lɛgbɛ la ka dung nɛ bua nɛ saa kpung-kpung.